Wikipedia:VisualEditor

Da Wikipedia, l'ençiclopedia libara.
Va a: navigasion, serca
VisualEditor-logo.svg

El VisualEditor (editor vixuałe) el xe na inisiativa de ła Wikimedia Foundation che ga el obietivo de crear un editor vixuałe par Wikipedia (e i altri siti baxai so MediaWiki). Sta ròba ła parmetarà de canbiar łe pàjine in maniera WYSIWYG, sensa bixogno de inparar ła wikisintasi: łe pàjine łe aparirà donca durante ła modifega in modo simiłe al rexultà finałe, e i canbiamenti i sarà vixibiłi suito - come cuando se scrive un documento in un word processor.

Ła pàjina Cosa canbia? ła spiega in concreto łe novitae pa' i utenti a partir da metà lujo 2013 sirca.

Inplementasion atuałe[canbia | canbia sorxente]

In sto momento na version alfa del VisualEditor ła xe disponibiłe so ła Wikipedia in vèneto cusì i utenti i posa proarla, individuar erori e dar riscontri so i problemi prexenti e so cuałi che łe xe łe priorità.

Come abiłitar el VisualEditor[canbia | canbia sorxente]

Ajuto
Varda el video (info file)
Spiegasion del funzionamento de ła version alfa del VisualEditor.

El VisualEditor el xe ativo dal 12 de disenbre 2012 so ła Wikipedia in inglexe e dal 24 de giugno 2013 so ła Wikipedia in vèneto. De default el xe dixativà, e 'l pol èsar ativà tramite ła pàjina "Prefarense", inte ła sesion "Canbiamento", sełesionando l'opsion "Abiłita VisualEditor (soło che inte i namespace prinsipałe e Utente)".

Na volta ativà, ogni voxe che te poi modifegar ła gavarà do lenguete:

  • Canbia sorxente, che ła porta a ła pàjina de modifega tradisionałe;
  • Canbia, che ativa (dopo calche secondo) l'editor vixuałe.

Esendo inte na faxe inisiałe del sviłupo del VisualEditor, se conseja de controłar i canbiamenti efetuai. Tuti i canbiamenti fati co'l editor vixuałe i vien fora inte ła stòria de ła pàjina co l'eticheta "VisualEditor", donca xe fasiłe tegnerli d'òcio.

El VisualEditor el pol èsar ativà soło che co łe skin Vector (che xe cueła ativa de default) e Monobook, e 'l dimanda JavaScript e un browser suportà.

Limitasion atuałi[canbia | canbia sorxente]

Exquisite-kfind.png Par saverghene de pì, varda ła pajina Wikipedia:VisualEditor/FAQ#Problemi noti e racomandasion.


  • Cargamento lento: xe nesesario un fia de tenpo par cargar el VisualEditor, soratuto par łe pàjine longhe (łe pì grose łe pol dimandar pì de un minuto). Cuesto parché łe pàjine łe ga da èsar carge tramite Parsoid, che anca cueło el xe inte łe faxi inisiałi de sviłupo. Inte'l futuro
    1. Parsoid stesoe el sarà pì ràpido;
    2. Parsoid no'l gavarà bixogno de cusì tante chiamate API;
    3. el gavarà na cache.
  • Aspeto no coreto: 'l aspeto durante i canbiamenti el ol èsar anca un fià difarente dal rexultà finałe, in pì caxi se xe notà par exenpio sovrapoxision de elementi grafisi, pulsanti parsialmente o conpletamente sconti, evc. Pa'l momento, cuesta no ła xe na priorità e se se xe consentrai so'l far si che 'l VisualEditor no'l canbie el wikicodexe de łe pàjine.
  • Inserimento de tag nowiki e modifeghe no inputabiłi al utente: a volte VisualEditor el xonta par sbałio dei tag o 'l intervien in tochi de ła pàjina che'l utente no'l ga tocà: de sołito se trata de modifeghe inte ła sintasi de łe nòde o de xonte/rimosion de spasi.
  • Editing dei modèłi no intuitivo: xontar o modifegar un modèl pol rexultar no fasiłe, soratuto se'l modèl no'l xe sta axornà co TemplateData.
  • Elementi parsialmente modifegabiłi o no inseribiłi: serti elementi da ła formatasion conplesa, cofà łe tabèłle, i xe vixibiłi e xe posibiłe modifegarghine el contegnùo, ma no xe posibiłe modifegarghine ła strutura o xontarghine de nove. Gałerie d'imaxeni, formułe matemàteghe, spartiti muxicałi no i funsiona co VisualEditor. Anca sta ròba ła vegnarà risolta prosimamente.
  • Posibiłità de intervento soło che so ła pàjina intièra: no xe gnancora posibiłe oparar so na sesion ùgnoła.
  • Suporto limità a serti browser: al momento, el VisualEditor el funsiona soło che co łe pì resenti version de Firefox, Chrome e Safari. Se trovarà un modo de suportar altri browser, almanco Internet Explorer.
  • Soło voxe e pàjine utente: el VisualEditor el xe ativo soło che par łe voxe e pa'l namespace utente, e no so pàjine de discusion, modèłi, categorie, evc. Pì vanti vegnarà sviłupae funsionałità spesifeghe par modifegar anca i altri tipi de pàjine.

Sviłupi futuri[canbia | canbia sorxente]

Al di de uncò, cuando che do utenti i laora in contenporanea so na stesa oàjina i pol xenerar un radego de edision. Ła posibiłità de na modifega cołaborativa in tenpo reałe ła xe infrà i sviłupi ciapai in considerasion pa'l VisualEditor[1].

Nòde[canbia | canbia sorxente]

  1. Real-time collaborative editing attracts attention Wikipedia Signpost: Technology report. 25 June 2012. Accessed 5 December 2012.

Pàjine ligae[canbia | canbia sorxente]

Altri projeti[canbia | canbia sorxente]


Ligamenti foresti[canbia | canbia sorxente]