Wikipedia:VisualEditor/Manuałe

Cosa xeło VisualEditor?

VisualEditor el xe na inisiativa de sviłupo de software de ła Wikimedia Foundation che ła parmetarà a tuti de canbiar pàjine MediaWiki sensa che si nesesario inparar ła wikisintasi. Grasie al VisualEditor łe pàjine łe sarà formatae inte un modo simiłe a cheło de un progrma de videoscritura, inte el senso che'l testo co se xe drio scrivarlo el sarà scuaxi conpagno de cueło che se vedarà dopo 'ver salvà.

Come scominsiar?

Ła bara dei strumenti de VisualEditor

Cuando se scominsia a canbiar de łe pàjine co'l Visual Editor, come prima ròba se vedarà ła rełativa toolbar, che ła vien fora inte el toco sora de ła schermada. Ła toolbar ła se prexenta co varie icone femejari – łe prime a sanca łe xe i comandi Anuła e Ripristina. Ghe xe po un menù a coltrina che el paemete de canbia el stiłe del scrito. L'icona “A” aplica el graseto al testo sełesionà, mentre la “A” ła serve pa'l corsivo. Ła caena ła xe doparà pa' i ligamenti ipertestuali. El strumento sucesivo el cava ogni formatasion aplicaà so'l testo sełesionà. L'icona Media (che ła raprexenta na someja picenina) la verxe ła sotopàjina Media.

Ła fenestra pa'l salvatajo

L’icona Incluxion ła xe utiłe par laorar co i modèłi. Le sucesive do icone łe serve rispetivamente a crear un elenco numarà o uno puntà, e łe ulteme do łe ga ła funsion de gestir el rientro del testo. A drita ghe xe el pulsante par canbiar łe inpostasion del editor, seguio da i do pulsanti Anuła e Salva. Strucando so "Salva" se verxe na fenestreła 'ndove se pol segnar che ła xe na modifega picenina, siełiere de ricontrołar ła pàjina e salvarla.

Come se canbia i link?

Inserimento de un link

I link i pol èsar xontai co'l boton che raprexenta na caena, opur xontando ła scavesagna da tastiera "Ctrl+K". Se no vien prima evidensià el testo, ła presion del boton ła inserirà un cołegamento inte el punto de ła pàjina 'ndove che se trova el cursor del mouse. Se invese xe xà sta seł€sionà na paròła o pì de una ła selesion ła deventarà el testo che contien el cołegamento. Co se struca co'l boton "Cołegamento" o se dopara łascavesagna vien vixuałixà na fenestreła co na caxeła in cui se pol inserir el link. El VisualEditor el tentarà de jutar el utente inte el inserimento del link interno, sercando łe posibiłi corispondense de chel che se xe drio scrivare. Na volta inserìo el link, se pol strucar Invio, macar fora da ła caxeła o so'l boton "Sara". El link el vegnarà fora inte ła schermata del VE, ma no'l vegnarà salva fin cuando che no se strucarà so "Salva Pàjina". Par cavar o modifegar un link existente, strucar so'l testo del cołegamento o sełesionarlo, donca macar el boton "Cołegamento" o ła scavesagna da tastiera. El link sełesionà el vegnarà evidensià e ghe xe ła posibiłità de canbiarlo o de cavarlo co'l boton che se vede so'l canton a drita del strumento.

Come se laora co i modèłi?

(da scrivare)

Come se xonta o se cava modèłi existenti?

Canbiamento de un modèl

Na volta entrà so Visual Editor, strucanto so'l boton "Incluxion" (che'l pare un toco de un puzle) inte ła bara dei strumenti sora el spasio de ła modifegavegnarà fora na fenestra par laorar co i modèłi. Strucando so "novo modèl" se podarà xontar un modèl. Na volta finìo de xontar un modèl strucar "Aplica Canbiamenti" par łasar el menù e tornar a ła schermada de canbiamento de VisualEditor. A sto punto se pol continunar a canbiar co VE o strucar "salva pàjina" par conpletar ła modifega. Se'l boton "salva pàjina" no'l vien strucà el canbiamento no'l vegnarà salvà.

Come se canbia someje e altri file multimediałi?

(da scrivare)

Come se canbia łe categorie?

Canbiamento de na categoria

Łe Categorie łe pol èsar modifegae co'l strumento "Inpostasion Pàjina". El menù el farà conparir na fenestra in cui canbiar, xontar o cavar łe categorie. Ogni categoria xà in uxo inte na pàjina ła vien mostrà so un menù a coltrina. Dal menù se pol canbiarla scrivendo calcosa so ła caxeła "Ordena sta pàjina come" o cavarla (strucando el boton co'l sesteło. Se pol xontar na categoria co'l boton "Xonta na categoria". L'inserimento del nòme de na categoria el farà vegner fora de łe categoria conpatibiłi che saà posibiłe sełesionar. Co se finise de xontar, canbiar o cavar łe categorie strucar "Aplica Canbiamenti" par sarar ła schermada e tornar al VisualEditor. A sto unto xe posibiłe seitar a canbiar ła pàjina opure salvarla. Se'l boton "salva pàjina" no'l vien strucà el canbiamento no'l vegnarà salvà.

Come se canbia le fonti?

(da scrivare)

Se pol canbiar łe parti in LaTeX par łe formułe matemateghe, i file de imaxene e altri elementi speciałi?

Serti tipi de canbiamenti, come cuełi a łe someje, i vegnarà diretamente suportai dal VE. Xe in programa anca el sporto de łe formułe matemateghe. D'ogni modo resta senpre posibiłe canbiar el wikitesto inte ła maniera clasega.

Cuałi scavesagne da tastiera łe xe suportae?

Vardar ła pàjina so MediaWiki.org. Molte breviasion de uxo comun (par exenpio Ctrl+B pa'l graseto) łe continuarà a funsiona.

VisualEditor farało modifeghe automateghe a łe pàjine?

Come regoła, VisualEditor no'l dovaria mai far canbiamenti a ła formatasion de righe che no xe sta tocae.

Pàjine ligae

• Wikipedia:VisualEditor/FAQ‎