MediaWiki

MediaWiki
Sviłupator	Wikimedia Foundation
Ultima version	1.18.1 / 11 genaro 2011
OS	Multipiataforma
Xenare	{{{xenare}}}
Licensa	GNU GPL
Lanso	{{{lanso}}}
Lengua	{{{lengua}}}
Sito web	http://www.mediawiki.org

MediaWiki 'l xè un difuso softuér libaro wiki par el web. Sviłupà da ła Wikimedia Foundation par Wikipedia, MediaWiki xè uxà da tuti i projeti de ła Wikimedia Foundation e da molti altri siti web wiki. 'L xè scrito in PHP e utiłixa un RDBMS MySQL o PostgreSQL. MediaWiki xè rilasià soto ła licensa GNU GPL.

El nome xè un anagrama de "Wikimedia" e el logo raprexenta come el so linguajio de markup uxi łe dopie parentexi quadre ("[[","]]") par crear łigadure ipertestuałi. MediaWiki xè in grado de interfaciarse có altri programi opsionałi, par mijiorar prestasion e funsionałità. El suporto par memcached, el sistema Squid cache e 'l rendering de TeX math, i xè tuti disponibiłi inte 'l atuałe version. Un sistema de estension parmete de xontare funsionałità e interfase xuntive.

Sviłupo del softuér

MediaWiki xè stà scrito orixinariamente par Wikipedia da Magnus Manske. Wikipedia utiłixava inisialmente UseModWiki (noto anca cofà "Phase I") e xè pasà a ła nova version ("Phase II") el 25 genaro 2002. 'Ntel majio 2003 se gà pasài a ła version 1.3 e 'ntel dixenbre 2004 a ła 1.4.

Na sucesiva version riscrita e mijorà del softuér Phase II fu un tenpo nota cofà "Phase III". Ła fu poi rinominà MediaWiki riconosendo che el softùér 'l xera in grado de suportar nò soło Wikipedia, ma anca altri projeti, e che xera nesesario un pì significadivo sistema de numerasion de łe version. El softuér fu ciamà MediaWiki come xugo de parołe baxà sol nome de ła Wikimedia Foundation, ła fondasion mare de Wikipedia.

Licensa

MediaWiki xè un softuér open source distribuìo có licensa GNU General Public License version 2 o sucesive. Ła so documentasion xè disponibiłe soto licensa Creative Commons BY-SA 3.0 ma alcune de łe so parti łe xè 'ntel publico dominio. Inte ło spesifego, i manuałi e gli altri contenùi de mediawiki.org i xè publicai có license Creative Commons, mentre el set de pajine d'ajuto spesifighe del softuér łe xè stae rilasiae inte 'l publico dominio par parmetarne na copia libara e priva de vincołi su calsiasi nova instalasion del softuér. In sto modo se evita i problemi legałi che se riscontrav inte 'l inportare łe pajine d'ajuto inte i Wiki che i uxa license inconpatibiłi có quełe Creative Commons.

Varda anca

• Wikimedia Foundation
• Wikipedia

Altri projeti

• Meta
• Commons

Su Wikilibri ghe xe dei testi o manuałi su MediaWiki

Meta-Wiki contiene informazioni su MediaWiki

Su Commons ghe xe dei file multimediałi su MediaWiki

Łigadure foreste

• (EN) Sito web ufisałe
• (EN) MediaWiki
• (EN) MediaWiki namespace
• (EN) Sites using MediaWiki
• (EN) MediaWiki so meta