Walkman

Da Wikipedia, l'ençiclopedia libara.
Jump to navigation Jump to search
Alcuni prodoti de ła łinea Walkman

El walkman xe un łetor de muxicasete creà da Akio Morita, Masaru Ibuka e Kozo Ōsone, e prodoto da ła Sony dal 1978 al 2010.

Ła paroła ła xe anca ‘na marca; el primo exenplar xe stà vendùo el 1° łujo del 1979.

Un inventor todesco, Andreas Pavel, inte’l 1980 ha rivendegà de èsar el vero inventor, dao che do ani prima el gavarìa creà un ogeto granfàto sìmiłe, ciamandoło stereobelt. Dopo svariàe visende łegałi inte’l 1999 Sony e Pavel ga raxonxesto un acordo extragiudisiałe.[1]


Storia[canbia | canbia el còdaxe]

Il walkman TPS-L2

El primo modeło produxesto da Sony xe stà el modeło TPS-L2, de cołor blu-arxento, exatamente cueło inte ła someja, in vendita in Japon dal 1º łujo 1979. Inte’l Regno Unìo el prodoto xe stà slansà in un łocałe de Łondra, el Regines, co’l nome de Sony Stowaway, inte’l mexe de majo del 1980. Inte’i Stati Unìi el prodoto xe stà vendùo, par un periodo di tenpo curto, soto el nome de Sony Soundabout, par po’ pasar vełosemente a ła marca Walkman. El TPS-L2 de ła Sony gaveva un preso slanso de 200 dołari. El primo Walkman jera baxà so’l Pressman, un rejistrador portatiłe dedicà al mondo del business. Pur mantegnendo un aspeto sìmiłe, però, el Walkman ga sostituìo ła capasità de rejistrar co’ na capasità de reprodusion stereo e ła posibiłità de cołegar do pari de scufie (anca se inte ła confesion ne jera escluxo solchè uno). Al posto del tasto de rejistrasion del Pressman, el Walkman gavea un tasto "hotline", che consentiva a do ipotèteghi utenti, che xera drìo uxar do pari de scufie, de parlar un co’ l’altro, traverso un picoło microfono incorporà. Inte’l modeło de walkman sucesivo ła dopia usìda audio e ła funsion hotline no xe stàe pì inplementàe. Drìoma sviłupai altri tipi de Walkman co’ capasità de rejistrar pì articołàe, come ad exenpio l modeło WM-D6C de ła Sony, co’ na cuałità audio conparabiłe a cueła dei łetori da tòła. Sto modeło el gaveva de łe picołe łeve par el contròło manuałe dei łivełi de rejistrasion. Dàe łe so posibiłità de rejistrasion vansà, jera preferìo dai xornałisti e dai amanti dei sistemi hi-fi.


A metà dei ani otanta, ła Sony ga produxesto Walkman a presi strabasi (cavando tuto cueło che no xera nesesario sensa prexudegar ła cuałità), cofà el WM-22, che i gavea ‘na bona cuałità audio e i ga segnà ‘na nova icona del mondo xovaniłe: el Walkman. Infati, a l'epoca l'idèa de poder menar drìo tuta ła pròpia mùxega preferìa in xiro co’ sé jera daseno a l'avanguardia.


Verso ła fin dei ani nonanta se ga rejistrà ‘na forte flesion de łe vendite, a favor soratuto dei łetori CD portatiłi, e drìoman dei łetori MP3, ła difuxione indrìoman ła se ga reduxesto par scałinasion a partìr dai ani 2000 co’ ła difuxion dei CD; el 22 otobre 2010 ła Sony ga anuncià el termene de ła produsion e destribusion del dispoxidivo,[2] sìben alcune inprexe continue produr version dotàe de porte USB par el cołegamento a PC.

Prodoti asociai a ła marca[canbia | canbia el còdaxe]

Un łetor de MiniDisc bołà Walkman

So’l prensìpio Sony ga atribuìo ła marca Walkman ai so łetori de MiniDisc, un formato a cui l'axienda ga credesto tanto. Tutociò łe potensiałità del novo suporto, Sony se ga conçentrà ecesivamente so’l formato ATRAC, perdendo de vista łe potenzialità del formado MP3.


Cusìi, proando inutilmente de promover so’l marcà i so novi Walkman par minidisc, l'axienda ga łasà canpo verto ai so concorenti, prima fra tute Apple, so i altri canałi de ła mùxica portatiłe. Ła granda difuxion dei łetori de mp3, primo fra tuti l'iPod, ga evidensia l’eror stratexego de Sony che, de fato, ha perdesto el primato inte’l setor.


Inte’l 2004 se pasa ai modełi de Walkman munìi de disco interno e capasi de łexer i mp3, ‘na evidente inversion de rota de l'axienda che no fa altro che evidensiar i erori de ła stratexìa presedente. Inte’l 2005 nase ła łinea Network Walkman, veri e pròpi łetori mp3 co’ radio incorporada e design acativante. Inte’l steso ano, soto marca Sony-Ericsson vien prodoto el primo çełułar Walkman, un tełefonin co’ capaçità de reprodusion muxicałe partegołarmente avansàe.

Gałarìe de imajini[canbia | canbia el còdaxe]

  1. Sony costretta a pagare i danni al vero inventore del walkman di Giovanni D'Ammassa, da .dirittodautore.it, 14 giugno 2004
  2. Il Walkman va in pensione. Ma il brand verrà riutilizzato da www.corrierecomunicazioni.it, 25 ottobre 2010
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Walkman&oldid=957746"