Venezia, la luna e tu
| Venezia, la luna e tu | |
|---|---|
| Lengua orixenałe | itałian |
| Paexe produtor | Itałia |
| Ano | 1958 |
| Durata | 107 min minuti |
| Cołore | cołor |
| Audio | sonoro |
| Xenere | comedia |
| Regia | Dino Risi |
| Sojeto | Pasquale Festa Campanile, Massimo Franciosa, Dino Risi |
| Senegiadura | Pasquale Festa Campanile, Massimo Franciosa, Dino Risi |
| Produtor | Silvio Clementelli per Titanus |
| Fotografia | Tonino Delli Colli |
| Montajo | Mario Serandrei |
| Mùxiche | Lelio Luttazzi |
| Senografia | Alberto Boccianti e Luigi Scaccianoce |
| Interpreti e personaxi | |
| |
Venezia, la luna e tu xe un film del 1958. 'Ntel 1964 el xe stà riedità co'l titòło I due gondolieri.
Trama[canbia | canbia el còdexe]
Bepi, el cui mistièr xe gondolièr, noviso de Nina, no'l renonsia a łe so aventure co' done foreste, ch'el mena ogni dì drento ła so gondòła.
Un xorno rixirando ła sità el comunica a tute łe so bèłe de Venesia ch'el se spoxarà co' ła Nina. Sto fato simenta ła còłara de tute łe venesiana (una de staltre che sbate el tapèo so'l Canal Grando ingurandoghe de esar al so posto).
Da ła so futura mugèr ghe vien ordenà un ciàro veto: "Bepi, sol che łe vecie vogio vedèr in te ła to gondòła". A cauxa de un conproméso invese de inbarcàr do veciète el ospita do bèłe xoveni 'mericane.
Nina, senpre pì xełoxa del so moroxo, ła serca de vendegàrse, refrequentando da nòvo uno dei so spaxemànti, Toni, fìn quando Bepi resta incastrà co' foreste americane che ło vol spoxar.
Nina se convinse a spoxàr Toni, più fedełe e rasegurante ma nel fraténpo Bepi xe bon de łibararse da łe do americane sidioxe, anca s'el xe convinto de aver perso par senpre ła so novisa, el core a ła céxa indove gà da sełebrarse el spoxałisio, vegnìndo a savèr co' xogia che in realtà Nina a ła domanda se ła vołeva spoxàr Toni, no gà avùo el coragio de dir el "si" che gavarìa canbià ła vita.
Donca ghe xe stàda ła rapatumasión de Nina co' Bepi, el matrimonio e ła vita de famegia, co' ła Nina che no moła de seguìr el marìo par far in modo de no subìr altri tradimènti.
Spasoxo xe el personaxo de Toni interpretà da Nino Manfredi che, in stìłe venesian, diverte e strasìna el film co' łe so sbefe e umiłiasión che Nina ghe dà.
Ła critica[canbia | canbia el còdexe]
Gian Luigi Rondi su Il Tempo del 4 otobre 1958 " La regia di Dino Risi ha fatto in modo che luoghi comuni e reminiscenze venissero riscattati nel racconto da un'atmosfera gioiosa e briosa, resa anche più vivace da equivoci, beffe, situazioni salaci, scherzi, caricature; che qua e là avrebbero potuto essere più schietti o, su taluni argomenti, un po' più moderati.." (Ła regia de Dino Risi gà fato in modo che loghi comuni e reminisense vegnise rescatà nel raconto da 'na atmosfera de xogia e ałegrìa, rexa ancora più rebégoła da intrési, batarèłe, schersi, bàgołi, cargaùre; che qua e łà gavarìa podesto eser più s-ceti so' alcune costióni, un fià pì moderài)
