Troi

Da Wikipedia, l'ençiclopedia libara.
Va a: navigasion, serca
Nota disambigua.png
Nota disambigua.png
Nota dixanbìgua - Se te sì drio sercar il sentiero nel metodo scout, varda Sentiero (scout)
An troi 'te le Prealpi.
Troi tra Argentina.

An troi (o troxo o stroxo) al è na via streta, a fondo natural e segnà da 'l continuo passajo de omi e , tra pra, bosch o crot e se 'l cata tant 'te la pianura fà 'te 'l svjert. Co troxo se ìindica anca łe viete fra un toco de tera e n'altro, usade par drenar e pal pasajo del contadin e de mexi agrìcołi picenini.

Definižione juridica[canbia | canbia sorxente]

Inte 'l dirito 'taljan no ghe n'è gnissuna dissiplina specifica reguardo la realizažion e la manutenžion de i troi e i è scarsi anca i contributi de la dotrina in materia.

La unica definižion giuridica de troi se la cata 'te 'l Codice della srada che, a 'l articol 3 (Definizioni stradali e di traffico), comma primo, n.48, al lo definiss: "Sentiero (o mulattiera o tratturo): strada a fondo naturale formatasi per effetto del passaggio di pedoni e di animali".

Da la giurisprudenža emerge anca altre definižion e al troi al è individuà come quel tracciato che si forma naturalmente e gradualmente per effetto di calpestio continuo e prolungato (Cassažion, majo 1996, n. 4265) ad opera dell'uomo o degli animali, in un percorso privo di incertezze e ambiguità, visibile e permanente (Cassažion, 29 agosto 1998, n. 8633; Cassažion, 21 majo 1987, n. 4623).

Classificažion de i troi[canbia | canbia sorxente]

Esenpio de Via ferada.

Classificažion de 'l CAI[canbia | canbia sorxente]

  • Troi turistico (T - itinerario escursionistico - turistico)
Itinerario de anbito local su strade o comunque passaji ben visibiil. Al se svilupa arent a 'n paess, località turistiche, vie de comunicažion e al à na inportanža particolat par caminade facili de tipo cultural, turistico o ricreatiu.
  • Troi escursionistico (E - itinerario escursionistico senža dificoltà tecniche)
Troi senža dificoltà tecniche che al coresponde par la gran part a strade fate par scopi agro-silvo-pastorai, militari, a troi par le musse, a troi de colegamento tra vai vesine, a troi fati par menar le vache al pascol e desmontegar, o a troi de acesso a rifugi.
Troi che al se svilupa 'ten aree pericolose e co passaji che i ghe richiede a 'l escursionista na bona conossienža de la montagna, tecnica de base e equipagiamento adeguà. De solito al coresponde a 'n itinerario de traversada su montagna medio-alta e al pol er toch atrežadi.
  • Troi atrežà (EE - itinerario par escursionisti esperti).
Sentiero co sicureže fisse (coriman de corde e scalin) che però no i snatura la continuità de 'l percorso.
  • Via ferada o atrežada (EEA - itinerario par escursionisti esperti co la atrežadura)
Itinerario che al porta al alpinista su crode o su creste, prim atrežà co corde e/o scale senža de le quale al caminar al costituiree na vera e propria ranpegada. Al domanda na bona preparažion e atrežadura come al casco, la inbragadura e al dissipador.
  • Troi storico (generalmente no 'l presenta dificoltà tecniche, T opur E)
Itinerario escursionistico che al ripercor "antiche vie" co scopo de stimolo a la conossienža e a la valorizažion storica de i posti visitadi.
  • Troi tematico (de solito al è curt e senža dificoltà tecniche, T opur E)
Al è an itinerario a tema specifico prevalente (naturalistico, glaciologico, geologico, storico, relijoss) ciaramente de scopo didatico e formatiu. De solito al è atrežà co na tabeladura aposta e punti par la osservažion. De solito al è adato anca a 'l escursionista poch esperto e 'l se svilupa ten aree limitade e funžionai, tante olte inte parchi o riserve.

Classificažion in base a la longheža[canbia | canbia sorxente]

  • Troi de longa percorenža (Sentiero Italia, troi europei, dorsai appeniniche, ecc.)
de la durada de tanti dì de caminada e de la longheža de žentener de chilometri, de solito comodi e segnaladi, dotadi de la necessaria ricetività deslonch de 'l percorso.
de la durada de diverse jornade de caminada (de solito da 3 a 7) e de la longheža da 40 a 100 km, adati a escursionisti in genere esperti. De solito i è segnaladi polito e i è atrežadi e suportadi da ricetività.
  • Troi percorenža curta
troi escursionistici, itinerari curti a anel, de la durada massima de 1 o 2 dì de caminada, presenti in gran numero, de solito adati anca a 'l escursionista poch esperto e de conseguenža atrežadi.

Classificažion storico/funžional[canbia | canbia sorxente]

  • Troi de fondoval
I è traciadi che i intaressa pì che sia al fondoval e i colega i paess tra de lori o co la bassa/media montagna.
  • Troi de accesso a i fondovai
Inte sta categoria i rientra tuti i troi che da 'l fondoval i porta verso rifugi, foržele, pass o žime.
  • Troi de traversada
Troi che i colega le vai o che i porta da 'n rifugio a quelaltro.
  • Troi atrežadi o vie ferade
An reconprende tuti i troi che i à 'te 'l so tracià toch atrežadi (da i cordin a le scale de fer, passando par stafe, renžin artificiai, ecc.).

Classificažion in base a la origine de 'l troi[canbia | canbia sorxente]

  • Troi da strada abandonada
Na olta che na strada no la serve pì come tal e la gnen abandonada, ten žerti casi la pol representar comunque na via comoda de passajo. Te 'n sto caso se à na degradažion de la sede stradal, a 'l posto de la qual resta na via che no la permet pì al transito de veicoi.

De solito questo la sucede 'te le strade fate far da 'l genio militar in vista e durante la prima guera mondial. carateristica de sti quà la è la pendenža costante, e la sede stabile fata co mur a sass, e na žerta largheža.

  • Troi militar
Troi nassesti durante la guera par portar omi, munižion e alimenti a la đent a 'l fronte. Se i cognoss parchè i à senpre la stessa pendenža e i cor a tornanti su costoi riparadi. No i à infrastruture.
  • Troi da mussa
Troi fati par tirar la mussa, doperadi aonde che era necessario al trasporto de stele, fjen, carbon. I è larghi ca. 60-70 cm. De solito i corr 'te 'n buss parchè la manutenžion la gnen fata ciapando i sass e al material che chej 'te 'l troi e postandolo 'te la parte esterna.
  • Troi de le vache
Troi fati par montegar e desmontegar. I è i pì tropi troi che porta 'te i pascoi de montagna.
  • Troi de le bestie
Troi segnadi da 'l passajo de ruminanti de montagna. Siben che de solito no i è frequentadi da i omi, se pol doperarli se da caso se se perde parchè de solito i sghiva tute le eventuai ocasion de incrodarse.

Segnaletica[canbia | canbia sorxente]

Esepio de segnaletica principal
Esenpi de segnaletica secondaria

La segnaletica de i troi la è fondamental tant da 'l punto de vista escursionistico fa da 'l punto de vista de la valorizažion de 'l teritorio. No esiste comunque standard nažionai o internažionai par la segnaletica de i troi, e cossì al è probabile che a passar da stato a stato, da rejon a rejon (e žerte olte anca da provincia a provincia), la segnaletica la sie tant diferente, in termini de posižionament, color e mesure.

Al Club Alpino Italiano, tramite la Commmissione Centrale per l'Escursionismo, tra al 1990 e 'l 1996 al à proà de definir i standard da cener e sto indirižo al è stat assimilà no solche da le sežion e sotosežion de 'l CAI, ma anca da tanti enti teritoriai publici e privati par i quai al CAI al è gnest al interlocutor de riferimento par la segnaletica e la dissiplina de i troi in general.

Segnaletica principal[canbia | canbia sorxente]

La è ciamada anca vertical e de solito la è costituida da le tabele meteste a 'l inižio de 'l troi e te le crosere pì inportanti che le à sù informažion reguardo 'l posto indicando nome e quota de 'l posto de partenža e de destinažion co i tenp de percorenža e 'l numero de 'l troi, ciamà anca segnavia; altri tipi de tabele le è prevedeste par i troi tematici, par invidar a caminar entro te 'l troi, par al rispeto de la flora e de la fauna de 'l posto, par i troi atrežadi, par le vie ferade ecc...

Segnaletica secondaria[canbia | canbia sorxente]

la è ciamada anca orizontal o intermedia e la è fata da bolin de vernise de color bianch-ross o ross-bianch-ross (ciamadi anca bandierine e che i à inte 'l numero de 'l troi) metesti a 'l inižio e deslonch de 'l troi, su sass o piante, par dar la informažion de continuità e conferma de 'l percorso.

Sentieristica[canbia | canbia sorxente]

Con la parola sentieristica gnen indicà al insieme o la rete de troi pedonai de intaresse par al escursionismo che i colega žerti punti geografici de 'n teritorio dintorn. Al significà al conprende anca le indicažion distribuide su 'l teritorio su le mete e i tenp de percorenža sot forma de tabele direžionai o panei co la representažion cartografica de 'l teritorio stass. Se parla de sentieristica anca par indicar tuti i percorsi destinadi a 'l escursionismo a 'l interno de an parco o de na riserva natural.

Varda anca[canbia | canbia sorxente]

Altri progeti[canbia | canbia sorxente]


Colegamenti esterni[canbia | canbia sorxente]