Tratà de Bruxel (1948)

Tratà de Bruxel

Sorte	tratà internasionałe
Data del całendàrio	17 de marso del 1948
Union Eoropea →
Tema	Unione occidentale (it)
Pozision	Rejon de Bruxel-Capitałe (Belzo)
Łéngua de l'òpara	inglezo

El tratà de Bruxel jera on pato de autodifeza coletiva firmà da Regno Unio, Fransa, Belzo, Paezi Basi e Lusenburgo el 17 de marso 1948. Sto tratà el ze vegnesto modifega poco dopo dai Ati Internasionali firmai a Parize el 23 de otobre 1954, che le ga dato vita a l'Union Eoropea Osidentałe (UEO).

Premese

Inte el 1948 ghe jera oncora tanto timore che i dizastri combinai da la Zermania nazista, i podese ndar vanti e, al contenpo, se vardava co sospeto a l'Union Soviètega. De conseguensa, se sentia l'ezijensa de stabilir on aleansa che prevedeva a la resiproca garansia de on ajudo pulitego e militare, e l'inpegno a fare na pulitega da adotar inte el cazo de n'agresion da parte de la Zermania o de calsiasi situasion che la minaciase la paze in Eoropa. El jera on tratà nasuo dal problema de la sicuresa inte i contronti de la Zermania, ma che in realtà, se riferiva a l'Union Soviètega. El tratà el ze nato co la divizion de l'Eoropa in do blochi jera na roba fatuale. L'Union Soviètega sercava de vere el comando so l'Eoropa orientale e l'Eoropa osidentale tentava de rifarse da la distrusion de la segonda guera mondiale. La rinasita de l'Eoropa osidentale moveva la voja de eoropeismo come projeto pulitego e economego.

Parea che l'intarese Statunitense inte i confronti de l'Eoropa osidentale, el fuse solo che de tipo economego, ghe jera la paura, che el Pian Marshall podese esar meso in crizi dal difondarse da l'influensa soviètega che la se jera drio inserir ben inte el Cominform (derivà da "Communist Information Bureau"). La paura inte i confronti de idee filosovietiche, la ghea fato volere ai Stati Eoropei che i Stati Unii no i volese solo vere on intarese economego, ma anca so la difeza, in maniera che l'Union Soviètega ghin rizultase inpauria e de conseguensa l'Eoropa saria restà in paze.

Contegnuo

El 30 de agosto 1954 el parlamento franseze nol gavea asetà el tratà CED, che jera stà firmà inte el majo del 1952 da sie paezi de la CECA. In sto modo el projeto de la Comunità Eoropea de Difeza (CED) el ze stà meso in canton in manjiera definitiva. I ministri fransezi, britanisi e del Beneluz, i riconsiderava el tratà de Bruxel e i lo ga modifegà, in ocazion de l'Italia e de la Republica Federale Tedesca, co i acordi de Parize, ze stà dà vida a on Organizasion che el ciapava el nome de UEO. El elemento fondamentale del tratà de Bruxel, ze l'art.5, che el prevede la mutua asistensa de tuti i Stati membri in cazo de agresion inte i confronti de uno de sti qua in Eoropa, e cunsultasion in cazo de agresion inte un altro continente o in cazo de minasa da la Zermania. Jera anca prevedùa na cooperasion economega, sociale e culturale tra le nasion che partesipava.

Dopo l'aprovasion

El presidente statunitense Truman, el gà apresà tanto sto tratà. El 24 de marso la delegasion USA la ga prezentà on memorandum che sostegnea l'idea de on pato de sicuresa par l'area nord atlantega (futuro Pato atlantego) andogve el "goerno statunitense el consideraria on ataco contro una de le potense del tratà de Bruxel come on ataco contro i Stati Unii, da afrontar da parte dei Stati Unii rispetando l'art. 51 de el Statuto de l'ONU che salvavardava el dirito dei membri de l'ONU a "l'autodifeza individuale o coletiva".