Torcio

Torci de varie dimension

El torcio el xe na machina par torciare a ua dopo che a xe sta maxenà. El serve par tirare fora anca l'ultima łàgrema de mosto (che poi el deventarà vin) da a uva. Anticamente el iera praticamente na vida sensa fin che, mossa a brassi, a schiciava a uva dentro na specie de sésto fatto de assi de legno tegnuo insieme da gansi de fero. El mosto che vegnea fora se racogliea e se butava col resto (o a parte, quei pi bravi che voea fare el vin pi bon). La uva dopo che a iera sta torcià se chiama sarpe e un tempo e sarpe se vendeva a chi faxea a graspa. De soito no ghe iera un torcio par fameia ma uno o do par via (de-e volte anca manco) e cussì chi che iera paron de un torcio (el torcio gavea e rode) el ndava de casa in casa a torciare e el se ciapa-a on franco e anca el se porta-a a casa e sarpe e cussì el se ciapa-a colcossa anca vendendo e sarpe.