Torbolin

Da Wikipedia, l'ençiclopedia libara.
Jump to navigation Jump to search

El torbolin, dito anca vin novo, l'è un vin bianco de prima spremitura fato en Lonbardia e nel Veneto.

La tradision[canbia | canbia el còdexe]

I produtori de mestier i zerca de confondar el torbolin col vin novelo e a olte i ciama el novelo dei bianchi torbolin. L'è na meza trufa o mejo na bala[1], el novelo l'è fato con na tenica che l'è sta ciapada dai francesi dove i usa la nidride carbonica par far la vinificasion piasè svelta e i le filtra ben ben, el torbolin, inveze, le propio el vin novo torbido, dolzo e un cicinin moso. L'è un vin de la tradizion e propio parchè l'è fato par i primi de novenbre i le mete in copia con i Maroni o anca coi Peladei. Se lo bee anca con le torte e la bole fate con la farina de castagna, Nela Basa i fa na torta che i le ciama Gnoca. Ghe un deto, bastanza graso che el dise: Me piase magnar na feta de gnoca con un bicer de torbolin. L'è un vin con mia tanto grado, ma el cioca steso par el grado zucarìn.

El Carneval[canbia | canbia el còdexe]

A Monteforte d'Alpone, in provincia de Verona, i g'ha na màscara che se ciama " Re del Torbolin": l'è la màscara più inportante del carnevale del paese. Sto carnevale el se ciama Carnevalon de l'Alpon e l'è uno dei carnevai più grossi e divertenti de la provincia de Verona. El Re del Torbolin el vegne eleto in piassa dai citadini de Monteforte durante la Festa del Torbolin (o de San Martin), che la se festegia el secondo sabo de novenbre.

Le feste[canbia | canbia el còdexe]

Note a olte interative[canbia | canbia el còdexe]

  1. Parlar de bale cuando se parla de vin podarea tirar en ingano...