Topo

Da Wikipedia, l'ençiclopedia libara.
Jump to navigation Jump to search
Topo al museo de Cesenatico
Sto articoło el xe scrito in venesian

El topo o anca mototopo xe 'na inbarcasión tìpega de ła tradisión łagunar veneta. Prinsipalmente uxà cofà barca da strapòrto marcansìe ne ła so versión comercial gà anca dei antenati a veła. El topo se adatava a ła veła al terso. Uxà nełe xone manco calme deła łaguna de Venesia indove ła visinansa del mar ne rendeva ła navigasión più dificoltoxa par le barche a fondo piato. De dimensión inferióri rispeto al burcio ło rendeva più ladìn de sto ultimo e donca più adatà a rispónder ad exigénse de manovrabiłità anca se naturalmente riduxeva ła capasità de cargo. Ła version mototopo purasè conosùo ne ła sità łagunar xe ł'equivałente de'l furgón da traspòrto in teraferma, infati a Venesia incontremo łe più note conpagnìe de strapòrto cofà par exenpio i tramesièri espresi che utiłixa sta inbarcasión par reałixàr łe consegne in sità.

Materiàl de costrusión[canbia | canbia el còdexe]

El materiàl tradisionàl par la costrusión del scafo xe in legno e ła so łavorasión richiede l'uxo de forme a piegadùre a caldo. El motór normalmente esprime almanco 400 Hp rendendo łogicamente obligatoria ła patènte nautica par poder menàr un mexo cofà sto qua. Ła poxisión del motór xe interna al scafo altra raxón par rénder indispensabiłe ła patente nautica.

Curioxità[canbia | canbia el còdexe]

'Ntel spetacoło teatràl Il Milione. Quaderno veneziano, Marco Paolin conta un pasagio indove el mototopo cofà inbarcasion xe protagonista rałegràndo tuti i spetadóri[1].

Variasión[canbia | canbia el còdexe]

Note[canbia | canbia el còdexe]

  1. (IT) Lo spettacolo (82; Jolefilm 2009;Gruppo Espresso 2010) xe andà in direta tełevixiva su Rai 2 'ntel 1998

Voxe łigàe[canbia | canbia el còdexe]

Cołegamenti esterni[canbia | canbia el còdexe]

  1. trafego in sità de inbarcasión traspòrto marcansìe superióri ai 10 metri
  2. barche Adriatiche