Burcio
| Tipo | Inbarcasion venesiane  |
|---|
El Burcio (o burchio in itałian) el ze na grosa inbarcasion da cargo in uzo inte ła łaguna de Venesia.
Se trata de un bateło de grande dimension da'l fondo piato par poder navegar azilmente inte i basi fondałi de ła łaguna. Reałizà tradisionalmente in łenjo, el prezenta na łonghesa variàbiłe intrà i 20 e 35 metri co un pescar màsemo de do metri.[1]
El ze indotà de do àlbari, uno a pròva e l'altro a pope, co veładura a'l terso e manùvra tramide un timon a bara situà a'l sentro de pope.
La pròva ła prezenta na caratarìstega forma a pónta realsada.[2]
I bordi i ze disposti scuazi perpendicołari a'l fondo par far créser ła capasità de'l cargo.
El ze caraterizà da un ponte co na anpia bocapòrta sentral par l'aceso de łe do stive.
Par sècołi ła ze stada l'inbarcasion de strapòrto mercansìe più utiłizada par el tràfego fluvial e łagunar. Oltra a ła propulsion a veła, el ze spento da remi a grose pèrteghe. In pasà el gera anca tirà da vełe o sóghe inte i trati fluviałi apozitamente indotài.
I modełi più resenti i ze reałizài in metało e spenti da motori diesel.
Note
[canbia | canbia el còdaxe]- ↑ (IT) Descrision del burcio da veniceboats.com
- ↑ (IT) Dexegno de un burcio da veniceboats.com
el detien schemi gràfeghi so
