Tom Cruise

Da Wikipedia, l'ençiclopedia libara.
Infotaula de personaTom Cruise
TomCruiseDec08MTV cropped.jpg
(2008) Cànbia el vałor in Wikidata
Biografia
Nasimènto(en) Thomas Cruise Mapother IV Cànbia el vałor in Wikidata
Eror Lua: callParserFunction: function " [[Categoria" was not found. (60 ani)
Syracuse (New York) (it) Traduzi Cànbia el vałor in Wikidata
Mòrte
Dati personałi
RełijonScientology (it) Traduzi Cànbia el vałor in Wikidata
Formasion profesionałe
FormasionEror Lua: callParserFunction: function " [[Categoria" was not found.
Supervizor dotorałe
Known by
Altura170 cm Cànbia el vałor in Wikidata
LaterałizasionAmbidestria (it) Traduzi Cànbia el vałor in Wikidata
Atività
Canpo de laoro
Ocupasion
Eror Lua: callParserFunction: function "

[[Categoria" was not found.

Atività1981 Cànbia el vałor in Wikidata –
ProfesoriSanford Meisner (it) Traduzi Cànbia el vałor in Wikidata
Influense
Infuensa
Patrimogno neto stimà470 MUS$ (2015) Cànbia el vałor in Wikidata
Mision spasiałe
Targheta discogràfega
Òpare in rezalto
Sèrie
Filmografia
Papers destacats
Fameja
SpoxaEror Lua: callParserFunction: function " [[Categoria" was not found.
ConviventeEror Lua: callParserFunction: function " [[Categoria" was not found.
Fiołi
ZenitoriThomas Cruise Mapother III (it) Traduzi Cànbia el vałor in Wikidata  e Mary Lee Pfeiffer (en) Traduzi Cànbia el vałor in Wikidata
Fradełi
Zenitori
Segno
Tom Cruise signature.svg Cànbia el vałor in Wikidata

Sito webtomcruise.com Cànbia el vałor in Wikidata
IMDB: nm0000129 Allocine: 1722 Rottentomatoes: celebrity/tom_cruise Allmovie: p86295 TCM: 41706 TV.com: people/tom-cruise
Facebook place: officialtomcruise Twitter: tomcruise Instagram: tomcruise Youtube: UCb5Y0r_ZtURoEb782Lt80Ig Last fm: Tom+Cruise Musicbrainz: 05701f26-2083-41fa-9549-22ef7714b0c3 Songkick: 4316736 Discogs: 3056482 Allmusic: mn0001055052
Firma di Tom Cruise

Tom Cruise, (Syracuse "New York", 3 de łujo 1962), el ze un ator e produtor statunitense.

Ła rivista Forbes ło clasifega come una de łe sełebrità piasè famoze al mondo inte'l 2006[1]. Inte ła só carièra da ator el za stà candidà par tre volte ai Premi Oscar, inte ła categoria de mejo ator protagonista par Nato il quattro luglio e Jerry Maguire e de mejo ator non protagonista par Magnolia, vinsendo tre Golden Globe par i tre film sità[2]. Ła major parte de ła critica sinematogràfega ło considara tra łe pì grande star de l''action de senpre[3].

El só primo gran suceso el ze stà el film del 1983 Risky Business - Fuori i vecchi... i figli ballano[4], che'l ze stà descrivesto "un clàsego de ła Zenarasion X e el prensipio de na cariera costrutiva" par l'atore[5]. L'economista Edward Jay Epstein el sostien che Cruise el sia uno dei pochi produtori (i altri i ze George Lucas, Steven Spielberg e Jerry Bruckheimer) che i ze stài capasi de garantir el suceso de un miłiardo de dołari. Da'l 2005 Cruise e Paula Wagner i ze stà nomenài responsabiłi de ła United Artists Studio: Cruise come produtor e Wagner come cao ezecutivo[6]. L'ator l'è anca conosùo par ła só adezion e el sostenjo a Scientology. Łe so notevołi critiche pùbleghe inte i cofronti de ła psichiatria e de l'uzo de farmaci anti-depresivi łe ga susità połemiche e intarese da parte dei media.

Biografia[canbia | canbia el còdaxe]

El ze nasesto el 3 de łujo 1962 a Syracuse, New York,[7] fiòło de Mary Lee Pfeiffer, na insegnante de educasion fìxega, e de Thomas Cruise Mapother III, un inxegnèr ełetronego morto de cancro inte el 1984; i so xenitori ga divorsià co łu el gavea 11 ani. [8] El ga orixeni inglexi, irlandexi e todesche,[9] derivanti dai so bisnoni paterni, William Reibert e Charlotte Louise Voelker; e, presumibilmente, anca na derivasion dal Galles dal suo trisavoło paterno, Dylan Henry Mapother, el cuało xe emigrà da Flint, in Galles, a Louisville, inte el Kentucky inte el 1850. El ga do sorèłe, una maxor, Lee Anne, nasùa a Louisville, e n'altra minor, Cass, nasùa a Syracuse. Alto 169 sentimetri, vexetarian, Cruise el xe cuxin de primo grao de l'ator William Mapother (el nome de Cruise xe infati Thomas Cruise Mapother IV), che xe aparìo insenbre co łu in sìncue film.

El ga frecuentà ła scòła pùblega "Robert Hopkins" par i grai 3, 4 e 5 e ła scòła mèdia "Henry Munro" par el grao 6, a Gloucester, deso Ottawa, inte l'Ontario.[10] Co'l ga avùo 7 ani A ghe xe stà diagnostegà na forma pìtosto seria de dislesia, che ga mejorà co l'età adulta. Ła fameja ga visùo inte el soborgo Gloucester de Beacon Hill, so pare l'è devegneto consułente de Defexa par łe forse armàe canadexi. Cruise xe entrà presto inte el teatro de ła scòła "Robert Hopkins", co ła supervixion de l'insegnante George Steinburg.[11]

Mentre ch'el se ałenava par partesipaar a na conpetision łocałe de wrestling, el ga desidesto de pèrdar pexo par poder rientrar inte łe categorie previste da ła gara, corendo suxo e xoxo par łe scałe de caxa. Un sbrison ghe ga cauxà ła łexion de un tendene e Tom se ga interesà ad altre atività. El ga desidesto cuindi de proar a partesipar a na produsion scołastega de Bulli e Pupe. Tom s'a mostrà a l'altesa del ròło de Nathan Detroit e in chel'ocaxion el ga tirà fora el tałento che el sarìa stà drìoman ła ciave del so suceso. El ga desidesto cuindi de trasferirse a New York par deventar ator e'l pare ghe ga domandà: "Cuanto me costarà tuto ciò?".[12] El se ga trasferìo cuindi a New York a l'età de dixisete ani e el se ga prometesto de devegner famoxo rentro tre nni. Grasie a ła so interpretasion in Bulli e Pupe el ga avesto el so primo agente; Tobe Gibson che ghe ga consejà el nome d'arte Tom Cruise.

Carièra[canbia | canbia el còdaxe]

Tom Cruise ai Premi Oscar 1989

A New York el se ga iscrivesto ai corsi serałi de ła scòła de resitasion "Neighborhood Playhouse", el viveva so un partamento in condivixion sercando de sbarcar el łunario co łaoreti. Al renovo del contrato, el ga desidesto de canbiar agente. El so novo agente ło ga faxesto svołar a Los Angeles par el casting de na sit-com e drìoman ło ga fato aparir in Amore senza fine, de Franco Zeffirelli, che l'è stà l'exordio sinematografego de Cruise.

El ga scominsià a chel ponto na carièra da fotomodeło, col se ga incorxesto parò che diverse so foto xera finìe in un xornal gay, el ga mołà de far chel łaor, che ghe garantiva na serta entrada. Tom ga deçidesto de tornar a Glen Ridge, ma prima el ga fato un provin par Taps - Squilli di rivolta, indove el ga interpretà David Shawn par vołer del produtor Stanley Jaffe e xe stà par łu el so primo ròło inportante. Tom xe stà convinto dal so axente a interpretar inte el 1982 Un week-end da leone - Una gita da sballo, comedia sexy vietada ai minori. El film parò non xe stà ben acoliesto né da ła critica né dal publego. Tom se ga trasferìo a Los Angeles e ga firmà un contrato co un novo axente, Paula Wagner. El ga parteçipà cuindi al cast par el film I ragazzi della 56ª strada de Francis Ford Coppola e se ga xudegà l'interpretasion de Steve Randle. El ga faxesto po' un provin par Risky Business - Fuori i vecchi... i figli ballano otegnendo el so primo ròło da protagonista e na serta notorietà. Inte el 1983, sol set de Risky Business, el ga conosesto Rebecca De Mornay, co ła cuałe el ga avesto na rełasion de sirca do ani.

Dopo aver interpretà inte el 1985 Jack in Legend de Ridley Scott, ghe xe stà proponesta ła parte del tenente Pete "Maverick" Mitchell in Top Gun de Tony Scott inte el 1985, film grasie al cuało el xe deventà na star, e in te'l steso ano se ga axudegà ła Walk of Fame. Top Gun xe stà canpion de incasi inte el 1986 e ga stabiłio el record de prenotasion par l'acuisto del VHS. Inte el 1986 el xe protagonista, co Paul Newman, inte Il colore dei soldi. Inte el 1988 el interpreta el film Cocktail, suceso de critica e de publego. Senpre inte el steso ano el xe protagonista, insieme co Dustin Hoffman, in Rain Man - L'uomo della pioggia. Inte el film Cruise interpreta Charlie Babbit, inprenditor e vendidór de auto da corsa, che scoerxe de aver un fradeło autistico. Xe el 1989 l'ano inte el cuało Tom vien consacrà come ator versatiłe e de gran tałento. Infati l'interpretasion del veteran del Vietnam Ron Kovic in Nato il quattro luglio de Oliver Stone, ghe vałe un Golden Globe come mejo ator e ła so prima nomination al premio Oscar.

Inte'l 1990 ła rivista People ło clasifega cofà l'uomo vivente pì sexy de l'anno, a l'età de 28 ani. Tom Cruise, considarà da un mucio de parsone l'omo pì beło del mondo, sevita ła so carièra intarpretando ròłi co łe sfasetadure asè desferenti. Ai inisi dei ani nonanta, so'l set de Giorni di tuono, Cruise conose Nicole Kidman, che deventarà so mujer e co ła cuałe el łaorarà inte'l film Cuori ribelli. Inte i ani drìo, Tom reçita in film de stragrando suceso, cofà Codice d'onore, darénte a Jack Nicholson e Demi Moore, Il socio de Sydney Pollack e Intervista col vampiro, indove el recita in copia co Brad Pitt.

Verso ła metà dei ani nonanta, Cruise xe ormai uno dei attori pì cuotai de Hollywood e torna a sbancar i boteghini come l'azente Ethan Hunt in Mission: Impossible de Brian De Palma. Sénpre inte l'isteso ano el xe protagonista del film sportivo Jerry Maguire, indove el interpreta un manager che xe drìo fałir. Sta interpretasion ghe fa vadagnar ła so segonda nomination a l'Oscar come mejo ator protagonista. El 16 de łujo 1999 vien fora inte łe sałe Eyes Wide Shut, ùltemo film del regista Stanley Kubrick e interpretà da Tom Cruise e da so mujer Nicole Kidman. Ła łaorasion del film xe durà ben tre ani, fasendoghe renonsiar al ròło de protagonista in Matrix.[13] Sénpre inte'l 1999 l'interpretasion del guru misogino in Magnolia ghe fa risever ła tersa nomination a l'Oscar (ła prima come mejo ator non protagonista) e'l so terso Golden Globe, sénpre inte ła categoria "mejo ator non protagonista".

Inte'l 2000 el zira el seguito de Mission: Impossible e l'ano drìo Vanilla Sky. Inte'l 2002 el zira Minority Report de Steven Spielberg, traesto da l'omonèmo romanzo de Philip K. Dick e'l conta el documentario Space Station 3D. Inte'l 2003 el xe stà protagonista in L'ultimo samurai, par ła regia de Edward Zwick. Dopo Collateral inte'l 2004, ła cubia Cruise-Spielberg dà vita a La guerra dei mondi (2005). Inte'l 2006, el reprende el so ròło de Ethan Hunt inte'l terso capitoło de ła serie Mission: Impossible, mentre inte'l 2007 el zira Leoni per agnelli co Meryl Streep, direto e interpretà da Robert Redford, el 19 de łujo ghe xe el primo ciak del film Operazione Valchiria direto da Bryan Singer, sidià da alcune połemiche revardo a ła so intepretasion del cołonèło [Claus von Stauffenberg]] che tramacia par copar Hitler. Inte'l 2008 vien fora Tropic Thunder, co un cameo de Cruise che interpreta ła parte de un produtor sinematografego, Les Grossman.

Inte'l 2006 vien publegà ła biografia non autorizada Tom Cruise: L'uomo e l'attore a firma del critico siematogràfego ingleze Iain Johnstone; par festejar i trent'ani de carièra, l'8 de majo 2008 vien metesto online el so sito ofisiałe.

Inte'l 2010, Cruise scominsia łe ripreze de ła comedia d'asion Innocenti bugie, rénte de Cameron Diaz e i do torna a recitar insieme dopo Vanilla Sky del 2001. Sénpre inte'l 2010 l'ator conferma che interpretarà par ła cuarta vòlta el ròło de l'azente Ethan Hunt, in Mission: Impossible - Protocollo fantasma. El film xe un suceso, incasando tanto de pì dei altri tri epizodi, deventando anca par l'ator el film de mazor incaso da łù intarpretà. A l'inisio del 2012 Tom Cruise entra par primo inte'l cast del film Rock of Ages, inte'l ròło de ła rockstar Stacee Jaxx, adatamento del musical omònemo direto da Adam Shankman e produzesto da New Line/Warner Bros., vegnesto fora in Italia el 20 de zugno 2012. Sénpre inte'l 2012 l'ator xe proteagonista del film Jack Reacher - La prova decisiva ciapà dal romanzo La prova decisiva de Lee Child, vegnesto fora inte łe sałe italiane el 3 de zenaro 2013.

Inte'l 2012 Tom Cruise xe deventà l'ator pì pagà de Hollywood, avendo vadagnà in tuto l'ano 75 miłion de dołari e batendo Leonardo DiCaprio che se ga clasifegà segondo[14]. Ad apriłe 2013 l'ator xe stà so i grandi schermi co'l film Oblivion, scrivesto e direto da Joseph Kosinski. Inte'l 2014 el xe el protagonista del film Edge of Tomorrow - Senza domani darénte a l'atora Emily Blunt, el film xe l'adatamento sinematogràfego de ła light novel All You Need Is Kill, scrivesta da Hiroshi Sakurazaka inte'l 2004. Sénpre a l'inisio del 2014 Tom Cruise anuncia l'usìda de un cuìnto capitoło de ła saga Mission: Impossible, co ła rezìa afidà a Christopher McQuarrie.

Inte'l 2015 invese l'ator el finise de zirar un thriller dal tìtoło Barry Seal - Una storia americana direzesto da Doug Liman che sarà inte łe sałe soło inte'l 2017; senpre inte'l 2015 el taca zirar el sequel de Jack Reacher - La prova decisiva co sta volta a ła rezìa Edward Zwick, che gaveva za łaorà a ła rezìa co Tom inte'l film L'ultimo samurai, ła cui data d'usìda ła ze el 21 de òtobre del 2016 e s'intitoła Jack Reacher - Punto di non ritorno. Pardepì, inte'l 2017, el protagonista inte'l film La mummia, reboot de l'omonimo film del 1999 direzesto da Stephen Sommers e produzesto da ła Universal Pictures.[15] Inte l'agosto de l'isteso ano el vien insarìo da ła rivista Forbes al sètemo posto dei atori pì pagà, co un introito de 43 miłion de dołari.[16] Inte'l 2018 el torna a vestir i pani de Ethan Hunt inte'l sesto capitolo de ła saga de Mission Impossible, dal tìtoło Mission: Impossible - Fallout. Durante łe ripreze l'ator ga ciapà łesion de voło e'l ga zirà łu isteso łe sene sensa bezogno de stuntman.[17]

Vita privà[canbia | canbia el còdaxe]

El 9 de majo 1987 el se ga spozà par ła prima volta co l'atora Mimi Rogers. Seguase de ła rełijon de Scientology, A ze tanto probabiłe che ze stà propio Rogers a convinser el consorte ad aderir a 'sto credo, sielta cuesta che Cruise ga confermà anca dopo el divorsio, avegnùo el 4 de febraro del 1990.

Notasion[canbia | canbia el còdaxe]

  1. (EN) Tom Cruise viene classificato tra uno delle Top 100 Celebrities del 2006forbes.com. entrada il 12 settembre 2008.
  2. Quelli che non hanno mai vinto l'Oscar, ilpost.it, 20 febbraio 2015. entrada il 21 febbraio 2015.
  3. rottentomatoes.com, https://www.rottentomatoes.com/m/mission_impossible_rogue_nation/.
  4. (EN) Tom Cruiseimdb.com. nell'Internet Movie Database.
  5. (EN) Risky Business - Rotten Tomatoesrottentomatoes.com.
  6. Tom Cruise alla guida della United Artistscinemadelsilenzio.it, 3 novembre 2006. entrada il 22 ottobre 2008.
  7. (EN) Cruise's Family Tree Treatimdb.com, 13 gennaio 2004. entrada il 2 ottobre 2008.
  8. (EN) Biografia di Tom Cruisefilmreference.com. entrada il 2 ottobre 2008.
  9. [1]
  10. (EN) Tom Cruise rivela il suo soggiorno canadesejam.canoe.ca. entrada il 18 ottobre 2008 (archivià dal URL orizenałe il 26 settembre 2008).
  11. (EN) Il tempo di Cruise in un capitalecanada.com. entrada il 20 ottobre 2008 (archivià dal URL orizenałe il 22 gennaio 2009).
  12. L'aneddoto cifrato, La Settimana Enigmistica, n. 4083, 2010.
  13. Tom Cruise: curiosità e filmografia da "Legend" a "Oblivion"cineblog.it.
    «"Se saveva fin da prinsipio el łiveło de inpegno nesesario par Eyes Wide Shut. Mi e Nicole se semo sentìi onorai de łaorar co Stanley Kubrick. Sarìa stà un momento dabon spesiałe par nialtri. Savemo che sarìa stà difisiłe. Ma me gavarìa ciapà a peàe se no ło gavesi fato."».
  14. Gli attori più pagati del 2012rankyourworld.it, 29 marzo 2013. entrada il 29 marzo 2013 (archivià dal URL orizenałe il 12 dicembre 2013).
  15. Le confessioni di Cruise, star de "La mummia. "Vi racconto le mie paure, Kubrick e Nic"repubblica.it, 9 giugno 2017. entrada il 9 luglio 2017.
  16. Mark Wahlberg batte The Rock come attore più pagato del 2017cinematographe.it, 23 agosto 2017. entrada il 23 agosto 2017.
  17. Mission Impossible - Fallout: Tom Cruise ha pilotato da solo l'elicottero nel filmnerdmovieproductions.it, 8 febbraio 2018. entrada il 13 gennaio 2019 (archivià dal URL orizenałe il 13 gennaio 2019).
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Tom_Cruise&oldid=1102593"