Jack Nicholson

Da Wikipedia, l'ençiclopedia libara.
Infobox de personajo Jack Nicholson
Jack Nicholson 2001.jpg
Jack Nicholson inte el 2001
SitadinansaStatunitense
Nasimento22 de avrìl 1937, Neptune City
MorteCànbia el vałor in Wikidata
Łéngue parlaeinglezo
Perìodo atività1956 Cànbia el vałor in Wikidata –
Ocupasion
  • ator, regista
Educà a
  • Actors Studio
  • Manasquan High School
PartioPartio Democràtego Cànbia el vałor in Wikidata
Patrimònio400 MUS$ Cànbia el vałor in Wikidata

IMDB: nm0000197 Allocine: 34278 Rottentomatoes: celebrity/jack_nicholson Allmovie: p104455 75990 Metacritic: person/jack-nicholson TV.com: people/jack-nicholson
Musicbrainz: 66f2233b-961c-4387-bc1f-939d7e129082 Songkick: 548091 Discogs: 266349 Allmusic: mn0000121502


Jack Nicholson (Neptune City, 22 de avril 1937) el xe un ator statunitense

Considerà tra i maxori interpreti de ła storia del sìnema,[1][2] a fronte de łe 12 candidature, Nicholson el xe uno dei tre atori ad aver vinsesto tre volte el Premio Oscar insieme a Daniel Day-Lewis e Walter Brennan: do volte el premio Oscar come mejo ator protagonista par el film dramatego Qualcuno volò sul nido del cuculo (1975) e par ła comedia romantega Qualcosa ze cambiato (1997) e inte ła categoria mejo ator non protagonista par ła comedia dramatega Voglia di tenerezza (1983).

Nicholson el xe uno dei tre atori a èsar stà candidà ai Oscar par film produxesti in sìncue deseni: i ani sessanta, setanta, otanta, novanta e domiłe. El ga vinseto sìe Golden Globe e ga risevesto el Kennedy Center Honor inte el 2001. Inte el 1994 el xe deventà uno dei atori pì xovani a èser insignìi del Life Achievement Award da l'American Film Institute.

Tra i altri film indove ch'el ga resità ghe xe el road movie Easy Rider (1969), el dramatego Cinque pezzi facili (1970), ła comedia dramatega L'ultima corvé (1973), el neo noir thriller Chinatown (1974), el dramatego Professione: reporter (1975) e'l pułìtego Reds (1981).

Inaxonta el ga interpretà Jack Torrance inte el film horror Shining de Stanley Kubrick (1980), el Joker in Batman de Tim Burton (1989) e Frank Costello inte el thriller dramatego The Departed - Il bene e il male de Martin Scorsese (2006). Tra i altri film ghe xe el thriller legale Codice d'onore (1992), el thriller La promessa de Sean Penn (2001) e ła comedia dramatega A proposito di Schmidt (2002).

Biografia[canbia | canbia el còdaxe]

Jack Nicholson inte el ròło de Wilbur Force inte La piccola bottega degli orrori (1960)

Nicholson xe nasesto a Neptune City, inte el New Jersey[3], el 22 de avrìl 1937 da June Nicholson[4], studentesa statunitense de orixeni irlandexi, inglexi, ołandexi e todesche.[5] Jack Nicholson xe vegnùo a conosensa de ła verità so ła so famegia soło inte el 1974, a l'età de trentaset'ani, grasie a un xornałista del cuotidian Time che jera drìo far de łe riserche so l'ator. L'ator ga descoerxesto cusì de èsar un fiol de June Nicholson, ła dona che gaveva senpre credesto èsar so sorèła, mentre cueła che el credeva ła fuse so mare ła xera in realtà so nona[6].

El vero par de Nicholson no xe mai stà identifegà: nisuni sa chi ch'el pose èsar efetivamente. Varie ipotexi xe stà faxeste : Donald Furcillo[7] oppure Edgar Kirschfeld[8], dito Eddie King. Sto ùltemo el sarìa stà un clandestin łetone abreo che el sonava el pianoforte so un tranxatlantego todesco e che el scanpà de scondon un dì che l'inbarcasion ła jera armixada a New York, indove ch'el gavarìa scominsià a vadagnarse da vivver daxendo łesion de bało. A staltre gavarìa ciapà anca l'ałora dixisetene mare de Nicholson, che in sta sircostansa ła sarìa restada gravia da parte de Kirschfeld. Sto ùltemo no'l sarìa riusìo ad asìstar al nasimento del fiòło a cauxa del so status de clandestin, in vertù del cuało el sarìa stà parà via dai USA.[8]

A dixisete ani el ga desidesto de trasferirse a Los Angeles, indove el ga tacà ła so carièra inte el mondo del sìnema, partesipando ai corsi de arte dramatega de Jeff Corey, tegnesti da Martin Landau. In chel periodo el ga incontrà e strenxesto amicisia co racuanti personaxi tra cui Dennis Hopper, Harry Dean Stanton e Roger Corman. Ciò ghe ga permetesto de exordir sol gran schermo inte el 1958 inte el ròło de protagonista in The Cry Baby Killer. Inte el 1960 el ga łaorà oncora co Corman inte el film La piccola bottega degli orrori.

I primi ròłi[canbia | canbia el còdaxe]

El primo suceso el xe rivà inte el 1969 co Easy Rider, un film-manifesto par chełi anni. Ła so interpretasion de George Hanson, un avocato alcołixà in serca de nove emosion, rexa çełebre da un stranpałà descorso so i Venusiani, ga otegnesto ła candidatura al Oscar come "mejo ator non protagonista". In Easy Rider, Nicholson ga łaorà 'rente de Dennis Hopper ator, regista e co-senejador del film insieme co Peter Fonda.

Inte i ani setanta no'l ga scondesto l'uxo de stupefasenti e el se ga schierà contra ła guera del Vietnam, manifestando contro el goerno statunitense. Infati Nicholson a l'epoca el jera asè inpegnà połitegamente. Ła pasion par ła połìtega xe stà de łonga duràda : inte el 1992 el ga prexensià a l'insediamento a ła Caxa Bianca del prexidente Bill Clinton candidà dal partio democràtego vinsente drìo dodexe ani de governo republegan.

I ani setanta e el suceso[canbia | canbia el còdaxe]

Dopo Easy Rider ła so carièra ła xe stà slansà tuto d'un boto e Nicholson el xe devegnesto uno dei atori pì rechiedesti a Hollywood. Drìo el suceso otegnesto par l'interpretasion, Nicholson ga desidesto de andar vanti co ła carièra di ator che in chel periodo el vołeva abandonar par far el rejista. Nicholson ga interpretà Robert Eroica Dupea in Cinque pezzi facili, par cui el xe stà candidà a l'Oscar par el mejo ator; inte el 1973, dopo che el xe stà direto da Mike Nichols in Conoscenza carnale, l'è stà protagonista de L'ultima corvé, interpretasion che ghe ga vałesto n'altra candidatura par l'Oscar al mejo ator.

Inte el 1974 Nicholson l'a interpretà el detective Jake "J. J." Gittes, rent ede Faye Dunaway, direxesto da Roman Polański in uno dei masimi caołaori del rejista: Chinatown; col cuało el ga vinsesto el Premio Golden Globe cofà mejo ator protagonista. El film se ga axudegà anca i premi par i mejo film, regia e senegiadura, bisando i premi, co l'ecesion del mejo film, ai BAFTA Award 1975. El film xe rivà cusì come super favorìo ai Oscar del steso ano co ben undexe candidature, tra cui mejo film, regia, ator, atora, e senegiadura, ma Il padrino - Parte II de Francis Ford Coppola, pur siendo candidato in manco categorie, ga vinsesto sìe Oscar tra cui mejo film e regia; únego premio par Chinatown xe stà ła mejo senenajadura orixinałe e Nicholson xe stà batùo da Art Carney in Harry e Tonto.

Int'l 1975 el xe stà dirixesto da Michelangelo Antonioni in Professione: reporter e infin el ga vinsesto el premio Oscar come mejo ator protagonista par ła straordenaria interpretasion de Randle Patrick McMurphy in Qualcuno volò sul nido del cuculo de Miloš Forman che se ga axudegà łe sincue statuete pì inportanti: film, regia, ator, atora e senegiadura non orixinałe.

I ani otanta[canbia | canbia el còdaxe]

In t'el 1980 Nicholson el ga interpretà el ròło de Jack Torrance int'el l film Shining direto da Stanley Kubrick. El film, trata de l'omonemo łibro de Stephen King, a ła so insida el ga avùo un bon suceso comerciałe, ma el risevesto recension misiae.[9] Co'l pasar dei ani, el film xe stà rivałutà e ancò el vien considerà un cult del sinema moderno. L'interpretasion de Nicholson vien oncora ancuo considerada una de łe so mejo. L'ano drìo el xe tornà łaorar co Bob Rafelson col film Il postino suona sempre due volte, remake de l'omonimo film del 1946 e a so volta baxà so l'omonemo romanxo de James M. Cain. Inte el steso ano el ga interpretà el poeta Eugene O'Neill inte el biopic Reds, direto ed interpretà da Warren Beatty, insieme a Diane Keaton. Par sto ròło el xe stà candidà al Premio Oscar come mejo ator non protagonista.

Dopo aver interpretà un uficiałe małuxà in Frontiera (1982) de Tony Richardson, Nicholson ga reçità in Voglia di tenerezza (1983), rente a Shirley MacLaine e Debra Winger. El film xe stà acoliesto poxitivamente da critica e publego e ga riçevesto ùndexe candidature ai Oscar vinsendone sincue, tra cui cueło de mejo ator non protagonista par Nicholson. L'ano drìo, insieme a Kathleen Turner, el xe stà el protagonista de ła comedia nera L'onore dei Prizzi de John Huston, par cui el ga riçevesto da novo ła candidatura a l'Oscar. L'ano drìo el ga reçità rente de Meryl Streep inte el dramatego Heartburn - Affari di cuore, direto par ła tersa volta da Nichols.

Inte el 1987 Nicholson, insieme a Cher, Susan Sarandon e Michelle Pfeiffer, el xe el protagonista de ła comedia fantastega Le streghe di Eastwick. El film xe stà un suceso de publego e ga incasà 63 miłon de dołari a łiveło mondiałe, l'ecuivałente de 137 miłion de dołari del 2017.[10] Inte el steso ano el ga ciapà parte ai film Dentro la notizia de James L. Brooks, regista de Voglia di tenerezza, e Ironweed de Héctor Babenco, andove el xe tornà a reçitar insieme a Meryl Streep. Par sto ùltemo ròło, Nicholson ga otegnesto ła so nona candidatura al premio Oscar.[11] Inte el 1989 Nicholson fu il folle criminale Joker in Batman di Tim Burton. Il film fu campione d'incassi a livello mondiale, incassando 411,35 milioni di dollari. Par il film Nicholson percepì un salario di base di 6 milioni di dollari, e una grossa percentuale sugli incassi, tra i 60 e i 90 milioni di dollari[12]. El steso ator se ga ritegnùo partegołarmente sodisfato de ła so interpretasion, "considerandoła un tòco de pop art".

I ani novanta[canbia | canbia el còdaxe]

Nicholson (a drèta) e Dennis Hopper ai Premi Oscar 1990.

Inte el 1996 Nicholson ga cołaborà da novo col regista Tim Burton inte el film Mars Attacks! in cui el interpretava do personaxi: il Presidente dei Stati Unii d'America Jim Dale e l'imobiłiarista de Las Vegas Art Land. I dirixenti dei studiosxera contrari a l'idea de far morir el personaxo, cusì Tim Burton ga deçidesto de farghe interpretar do personaxi e de farli morir entranbi.

Nonostante łe so reconoseste capaçità de ator, Nicholson el ga otegnùo na candidatura al Razzie Award par el pexo ator par La gatta e la volpe e par Hoffa - Santo o mafioso?. Nonostante ciò l'ator, grasie al film Hoffa - Santo o mafioso?, ga otegnesto anca na candidatura al Golden Globe.

Inte el 1996 ła rivista inglexe Empire ło ga clasifegà al sesto posto tra i mejo atori del vintexemo sècoło. Inte l'ano drìo el xe stà da novo direto da l'amigo James L. Brooks in Qualcosa ze cambiato, ròło col cuało el ga vinsesto par ła tersa volta el Premio Oscar inte ła categoria mejo ator protagonista.

I ani domiłe[canbia | canbia el còdaxe]

Jack Nicholson a Cannes inte el 2001

Inte el 1997, dopo l'Oscar e el suceso, el ga deçidesto de slontanarse da łe sene cene par un poco de tenpo. El xe tornà inte el 2001 co La promessa, direto da Sean Penn, in un cast pien di cełeberimi atori tra i cuałi Benicio del Toro, Patricia Clarkson, Aaron Eckhart, Helen Mirren e tanti altri. L'ano drìo el xe stà el straordenario protagonista de A proposito di Schmidt, indove ła parte de Warren Schmidt, łeteralmente dexegnada so Nicholson, ghe ga permetesto de rivar favorìo e vinser ai Golden Globe. Candidà ai Oscar par mejo ator, el xe stà batùo a sorprexa da Adrien Brody protagonista de Il pianista de Roman Polański.

L'ano drìo l'è stà protagonista de do comedie: Terapia d'urto de Peter Segal darente a Adam Sandler e Tutto può succedere - Something's Gotta Give de Nancy Meyers darente a Diane Keaton.

Drìo de na pauxa de do ani, inte el 2006 el ga cołaborà par ła prima volta co Martin Scorsese, interpretando el invaxà o łusiferin boss de orixene irlandexa Frank Costello (non l'omonemo boss existìo, ma un personaxo che se ispira a James Bulger) bracà da ła połisia in The Departed - Il bene e il male.

Inte el film Non ze mai troppo tardi del 2007 el ga interpretà ła parte del vècio e sarcàstego miliardario Edward Cole, che se ga descoerxesto małà terminałe de cancro, che ga par conpagno de stansa d'ospeałe Morgan Freeman, anca eło małà terminałe de cancro.

Int'el 2010 el xe tornà sol gran schermo recitando inte el film de James L. Brooks Come lo sai. Inte el marso del 2016 Nicholson ga dichiarà de no èsarse mai ritirà, ma de èsar deventà tanto pì sełetivo inte i film da interpretar.[13]

Vita privà[canbia | canbia el còdaxe]

El xe un sostegnidor del Partio Democratego statunitense[14] e par łe ełesion prexidensiałe del 2008 el ga puxà ła candidatura de Hillary Clinton. El xe un tifoso dei Los Angeles Lakers[15], scuadra de bałacanestro de l'NBA, e dei New York Yankees, scuadra de ła Major League Baseball. Nicholson xe stà spozà dal 1962 al 1968 co l'atora Sandra Knight, da cui el ga avesto na fia, Jennifer (1963). Inte'l 1970 el ga avùo un altro fio, Caleb James, da ła so rełasion co l'atora Susan Anspach[16][17] e inte'l 1981 el ga avùo Honey, da ła rełasion co l'atora daneze Winnie Hollman. Dal 1973 al 1989 el zxe stà łigà a l'atora Anjelica Huston, che ło ga łasà cuando che'l ga descoerzesto che Nicholson jera drio aver un fio da l'atora Rebecca Broussard, da cui drìoman el ga avùo Lorraine (1990) e Raymond (1992). Inte'l 1994 anca ła rełasion co ła Broussard finì. Dal 1999 al 2000 Nicholson ga frecuentà l'atora Lara Flynn Boyle; drìoman i do se ga metesto da novo insenbre, par po' łasarse definitivamente inte'l 2004.

El xe stà par deseni visin de caza de Marlon Brando; dopo ła so morta, el ga conprà ła viła, manifestando drìoman l'intension de abaterla[18].

Filmografia[canbia | canbia el còdaxe]

Ator[canbia | canbia el còdaxe]

Sìnema[canbia | canbia el còdaxe]

Television[canbia | canbia el còdaxe]

Produtor[canbia | canbia el còdaxe]

Senejador[canbia | canbia el còdaxe]

Regista[canbia | canbia el còdaxe]

Premi e reconosimenti[canbia | canbia el còdaxe]

Ła steła de Jack Nicholson so ła Hollywood Walk of Fame
Le impronte di Jack Nicholson al Grauman's Chinese Theatre, Los Angeles (California)
Premio Oscar
Golden Globe
  • 1970 – Candidatura par el mejo ator non protagonista par Easy Rider
  • 1971 – Candidatura par el mejo ator in un film dramatego par Cinque pezzi facili
  • 1972 – Candidatura par il mejo ator in un film dramatego par Conoscenza carnale
  • 1974 – Candidatura par el mejo ator in un film dramatego par L'ultima corvé
  • 1975 – Mejo ator in un film dramatego par Chinatown
  • 1976 – Mejo ator in un film dramatego par Qualcuno volò sul nido del cuculo
  • 1982 – Candidatura par el mejo ator non protagonista par Reds
  • 1984 – Mejo ator non protagonista par Voglia di tenerezza
  • 1986 – Mejo ator in un film comedia o muxicałe par L'onore dei Prizzi
  • 1988 – Candidatura par el mejo ator in un film dramatego par Ironweed
  • 1990 – Candidatura par el mejo ator in un film comedia o muxicałe par Batman
  • 1993 – Candidatura par el mejo ator non protagonista par Codice d'onore
  • 1993 – Candidatura par el mejo ator in un film dramatego par Hoffa - Santo o mafioso?
  • 1998 – Mejo ator in un film comedia o muxicałe par Qualcosa ze cambiato
  • 2003 – Mejo ator in un film dramatego par A proposito di Schmidt
  • 2004 – Candidatura par el mejo ator in un film comedia o muxicałe par Tutto può succedere - Something's Gotta Give
  • 2007 – Candidatura par el mejo ator non protagonista par The Departed - Il bene e il male
Premio BAFTA
  • 1970 – Candidatura par el mejo ator non protagonista par Easy Rider
  • 1975 – Mejo ator protagonista par L'ultima corvé e Chinatown
  • 1977 – Mejo ator protagonista par Qualcuno volò sul nido del cuculo
  • 1983 – Mejo ator non protagonista par Reds
  • 1990 – Candidatura par el mejo ator non protagonista par Batman
  • 2003 – Candidatura par el mejo ator protagonista par A proposito di Schmidt
  • 2007 – Candidatura par el mejo ator non protagonista par The Departed - Il bene e il male
David di Donatello
Festival de Cannes

Altri projeti[canbia | canbia el còdaxe]

Linganbi foresti[canbia | canbia el còdaxe]


Notasion[canbia | canbia el còdaxe]

  1. https://www.rollingstone.it/cinema/jack-nicholson-e-il-piu-grande-attore-vivente/513620/
  2. https://www.cinematographe.it/rubriche-cinema/focus/jack-nicholson-attori-che-si-sono-ispirati-a-lui/
  3. Hunter Davies, INTERVIEW / Great film, Jack, now let's talk about you: Jack Nicholson, in The Independent, London, 23 febbraio 1993.
  4. Edward Douglas, Jack: The Great Seducer – The Life and Many Loves of Jack Nicholson, New York, Harper Collins, 2004, p. 14, ISBN 0-06-052047-7.
  5. http://ethnicelebs.com/jack-nicholson/comment-page-3
  6. Collins, Nancy. The Great Seducer: Jack Nicholson. Rolling Stonee, March 29, 1984
  7. Berliner, Eve. Marriage certificate of June Nilson and Donald Furcillo. Young Jack Nicholson: Auspicious Beginnings. Evesmag.com. 2001.
  8. 8,0 8,1 Jew or Not Jew: Jack Nicholsonwww.jewornotjew.com. entrada il 14 luglio 2018.
  9. Tim Gray, The Shining Anniversary: Stanley Kubrick & His Mysterious Classic, in Variety, 23 maggio 2016. entrada il 1º luglio 2017.
  10. The Witches of EastwickBox Office Mojo, Amazon.com. entrada il 27 aprile 2011..
  11. The 60th Academy Awards: 1988Academy Awards Database, Academy of Motion Picture Arts and Sciences. entrada il 23 marzo 2015.
  12. Matt Carey, You don't know Jack (Nicholson), CNN, 8 novembre 2013. entrada il 22 dicembre 2013.
  13. Jack Nicholson–Retirement Clarification: The Actor Is Retiring from Hitting on Women, Not ActingVanity Fair. entrada il 21 maggio 2016.
  14. (EN) NEWSMEAT - Jack Nicholson's Federal Campaign Contribution Reportnewsmeat.com. entrada il 22 agosto 2007 (archivià dal URL orizenałe l'11 ottobre 2007).
  15. "Nicholson gets court rage". BBC News. May 11, 2003.
  16. Shelley Von Strunckel, What the Stars say about them – Jack Nicholson and Susan Anspach, in The Sunday Times, London, 23 zugno 2006, p. 36.
  17. I yearn for honesty in life. I'd tell anybody any living thing about me. (JPG)img.photobucket.com.
  18. Alessandra Farkas, Demolirò la casa-rifugio di Marlon Brando, in corriere.it, 2 agosto 2006. entrada il 2 agosto 2006 (archivià dal URL orizenałe il 22 settembre 2014).

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàVIAF (EN84036201 · ISNI (EN0000 0001 2141 6417 · LCCN (ENn82247239 · GND (DE118587633 · BNF (FRcb12012279z (data) · BNE (ESXX937764 (data) · NLA (EN60597409 · NDL (ENJA00621211 · WorldCat Identities (ENn82-247239
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Jack_Nicholson&oldid=1070963"