Jack Nicholson

Da Wikipedia, l'ençiclopedia libara.
Jump to navigation Jump to search
Jack Nicholson
Jack Nicholson 2001.jpg
Jack Nicholson inte el 2001
SitadinansaStatunitense
Nasimento22 de avrìl 1937, Neptune City
SpoxàWinnie Hollman
Łéngue parlaeinglexo
Scumìsio de łe atività1956
Ocupasion
ator, regista
Educà a
  • Actors Studio
  • Manasquan High School
PremiÓscar al mejor ator, Oscar al miglior attore non protagonista, Óscar al mejor ator, Golden Globe a ła cariera, California Hall of Fame, New Jersey Hall of Fame, Kennedy Center Honors, AFI Life Achievement Award, Prèmio Óscar, Premio Golden Globe, MTV Movie Award al miglior cattivo e BAFTA al miglior attore protagonista
IMDB: nm0000197 Allocine: 34278 Allmovie: p104455 75990 TV.com: people/jack-nicholson
Musicbrainz: 66f2233b-961c-4387-bc1f-939d7e129082 Songkick: 548091 Discogs: 266349 Allmusic: mn0000121502


Jack Nicholson (Neptune City, 22 de avril 1937) el xe un ator statunitense

Considerà tra i maxori interpreti de ła storia del sìnema,[1][2] a fronte de łe 12 candidature, Nicholson el xe uno dei tre atori ad aver vinsesto tre volte el Premio Oscar insieme a Daniel Day-Lewis e Walter Brennan: do volte el premio Oscar come mejo ator protagonista par el film dramatego Qualcuno volò sul nido del cuculo (1975) e par ła comedia romantega Qualcosa è cambiato (1997) e inte ła categoria mejo ator non protagonista par ła comedia dramatega Voglia di tenerezza (1983).

Nicholson el xe uno dei tre atori a èsar stà candidà ai Oscar per film produxesti in sìncue deseni: i ani sessanta, setanta, otanta, nonanta e domiłe. El ga vinseto sìe Golden Globe e ga risevesto el Kennedy Center Honor inte el 2001. Inte el 1994 el xe deventà uno dei atori pì xovani a èser insignìi del Life Achievement Award da l'American Film Institute.

Tra i altri film indove ch'el ga resità ghe xe el road movie Easy Rider (1969), el dramatego Cinque pezzi facili (1970), ła comedia dramatega L'ultima corvé (1973), el neo noir thriller Chinatown (1974), el dramatego Professione: reporter (1975) e'l pułìtego Reds (1981).

Inaxonta el ga interpretà Jack Torrance inte el film horror Shining de Stanley Kubrick (1980), el Joker in Batman de Tim Burton (1989) e Frank Costello inte el thriller dramatego The Departed - Il bene e il male de Martin Scorsese (2006). Tra i altri film ghe xe el thriller legale Codice d'onore (1992), el thriller La promessa de Sean Penn (2001) e ła comedia dramatega A proposito di Schmidt (2002).

Biografia[canbia | canbia el còdaxe]

Jack Nicholson inte el ròło de Wilbur Force inte La piccola bottega degli orrori (1960)

Nicholson xe nasesto a Neptune City, inte el New Jersey[3], el 22 de avrìl 1937 da June Nicholson[4], studentesa statunitense de orixeni irlandexi, inglexi, ołandexi e todesche.[5] Jack Nicholson xe vegnùo a conosensa de ła verità so ła so famegia soło inte el 1974, a l'età de trentaset'ani, grasie a un xornałista del cuotidian Time che jera drìo far de łe riserche so l'ator. L'ator ga descoerxesto cusì de èsar un fiol de June Nicholson, ła dona che gaveva senpre credesto èsar so sorèła, mentre cueła che'l credeva ła fuse so mare ła xera in realtà so nona[6].

El vero par de Nicholson no xe mai stà identifegà: nisuni sa chi ch'el pose èsar efetivamente. Varie ipotexi xe stà faxeste : Donald Furcillo[7] oppure Edgar Kirschfeld[8], dito Eddie King. Sto ùltemo el sarìa stà un clandestin łetone abreo che'l sonava el pianoforte so un tranxatlantego todesco e che'l scanpà de scondon un xorno che l'inbarcasion ła jera armixada a New York, indove ch'el gavarìa scominsià a vadagnarse da vivver daxendo łesion de bało. A staltre gavarìa ciapà anca l'ałora dixisetene mare de Nicholson, che in sta sircostansa ła sarìa restada gravia da parte de Kirschfeld. Sto ùltemo no'l sarìa riusìo ad asìstar al nasimento del fiòło a cauxa del so status de clandestin, in vertù del cuało el sarìa stà parà via dai USA.[8]

A dixisete ani el ga desidesto de trasferirse a Los Angeles, indove el ga tacà ła so carièra inte el mondo del sìnema, partesipando ai corsi de arte dramatega de Jeff Corey, tegnesti da Martin Landau. In chel periodo el ga incontrà e strenxesto amicisia co racuanti personaxi tra cui Dennis Hopper, Harry Dean Stanton e Roger Corman. Ciò ghe ga permetesto de exordir so'l gran schermo inte el 1958 inte el ròło de protagonista in The Cry Baby Killer. Inte el 1960 el ga łaorà ancora co Corman inte el film La piccola bottega degli orrori.

I primi ròłi[canbia | canbia el còdaxe]

El primo suceso el xe rivà inte'l 1969 co Easy Rider, un film-manifesto par chełi anni. Ła so interpretasion de George Hanson, un avocato alcołixà in serca de nove emosion, rexa çełebre da un stranpałà descorso so'i Venusiani, ga otegnesto ła candidatura al Oscar come "mejo ator non protagonista". In Easy Rider, Nicholson ga łaorà 'rente de Dennis Hopper ator, regista e co-senejador del film insieme co Peter Fonda.

Inte i ani setanta no'l ga scondesto l'uxo de stupefasenti e 'l s'à schierà contra ła guera del Vietnam, manifestando contro el goerno statunitense. Infati Nicholson a l'epoca el jera asè inpegnà połitegamente. Ła pasion par ła połìtega xe stà de łonga duràda : inte'l 1992 el ga prexensià a l'insediamento a ła Caxa Bianca del prexidente Bill Clinton candidà dal partìo democràtego vinsente drìo dodexe ani de governo republegan.

I ani setanta e 'l suceso[canbia | canbia el còdaxe]

Dopo Easy Rider ła so carièra ła xe stà slansà tuto d'un boto e Nicholson el xe devegnesto uno dei atori pì rechiedesti a Hollywood. Drìo el suceso otegnesto par l'interpretasion, Nicholson ga desidesto de andar vanti co ła carièra di ator che in chel periodo el vołeva abandonar par far el rejista. Nicholson ga interpretà Robert Eroica Dupea in Cinque pezzi facili, par cui el xe stà candidà a l'Oscar par el mejo ator; inte'l 1973, dopo che'l xe stà direto da Mike Nichols in Conoscenza carnale, l'è stà protagonista de L'ultima corvé, interpretasion che ghe ga vałesto n'altra candidatura par l'Oscar al mejo ator.

Inte'l 1974 Nicholson l'a interpretà el detective Jake "J. J." Gittes, rent ede Faye Dunaway, direxesto da Roman Polański in uno dei masimi caołaori del rejista: Chinatown; co'l cuało el ga vinsesto el Premio Golden Globe cofà mejo ator protagonista. El film se ga axudegà anca i premi par i mejo film, regia e senegiadura, bisando i premi, co l'ecesion del mejo film, ai BAFTA Award 1975. El film xe rivà cusì come super favorìo ai Oscar del steso ano co ben undexe candidature, tra cui mejo film, regia, ator, atora, e senegiadura, ma Il padrino - Parte II de Francis Ford Coppola, pur siendo candidato in manco categorie, ga vinsesto sìe Oscar tra cui mejo film e regia; únego premio par Chinatown xe stà ła mejo senenajadura orixinałe e Nicholson xe stà batùo da Art Carney in Harry e Tonto.

Int'l 1975 el xe stà dirixesto da Michelangelo Antonioni in Professione: reporter e infin el ga vinsesto el premio Oscar come mejo ator protagonista par ła straordenaria interpretasion de Randle Patrick McMurphy in Qualcuno volò sul nido del cuculo de Miloš Forman che se ga axudegà łe sincue statuete pì inportanti: film, regia, ator, atora e senegiadura non orixinałe.

I ani otanta[canbia | canbia el còdaxe]

In t'el 1980 Nicholson el ga interpretà el ròło de Jack Torrance int'el l film Shining direto da Stanley Kubrick. El film, trata de l'omonemo łibro de Stephen King, a ła so insida el ga avùo un bon suceso comerciałe, ma el risevesto recension misiae.[9] Co'l pasar dei ani, el film xe stà rivałutà e ancò el vien considerà un cult del sinema moderno. L'interpretasion de Nicholson vien ancora ancuo considerada una de łe so mejo. L'ano drìo el xe tornà łaorar co Bob Rafelson co'l film Il postino suona sempre due volte, remake de l'omonimo film del 1946 e a so volta baxà so l'omonemo romanxo de James M. Cain. Inte'l steso ano el ga interpretà el poeta Eugene O'Neill inte'l biopic Reds, direto ed interpretà da Warren Beatty, insieme a Diane Keaton. Par sto ròło el xe stà candidà al Premio Oscar come mejo ator non protagonista.

Dopo aver interpretà un uficiałe małuxà in Frontiera (1982) de Tony Richardson, Nicholson ga reçità in Voglia di tenerezza (1983), rente a Shirley MacLaine e Debra Winger. El film xe stà acoliesto poxitivamente da critica e publego e ga riçevesto ùndexe candidature ai Oscar vinsendone sincue, tra cui cueło de mejo ator non protagonista par Nicholson. L'ano drìo, insieme a Kathleen Turner, el xe stà el protagonista de ła comedia nera L'onore dei Prizzi de John Huston, par cui el ga riçevesto da novo ła candidatura a l'Oscar. L'ano drìo el ga reçità rente de Meryl Streep inte'l dramatego Heartburn - Affari di cuore, direto par ła tersa volta da Nichols.

Inte'l 1987 Nicholson, insieme a Cher, Susan Sarandon e Michelle Pfeiffer, el xe 'l protagonista de ła comedia fantastega Le streghe di Eastwick. El film xe stà un suceso de publego e ga incasà 63 miłon de dołari a łiveło mondiałe, l'ecuivałente de 137 miłion de dołari del 2017.[10] Inte'l steso ano el ga ciapà parte ai film Dentro la notizia de James L. Brooks, regista de Voglia di tenerezza, e Ironweed de Héctor Babenco, andove el xe tornà a reçitar insieme a Meryl Streep. Per sto ùltemo ròło, Nicholson ga otegnesto ła so nona candidatura al premio Oscar.[11] Nel 1989 Nicholson fu il folle criminale Joker in Batman di Tim Burton. Il film fu campione d'incassi a livello mondiale, incassando 411,35 milioni di dollari. Per il film Nicholson percepì un salario di base di 6 milioni di dollari, e una grossa percentuale sugli incassi, tra i 60 e i 90 milioni di dollari[12]. El steso ator se ga ritegnùo partegołarmente sodisfato de ła so interpretasion, "considerandoła un tòco de pop art".

I ani nonanta[canbia | canbia el còdaxe]

Nicholson (a drèta) e Dennis Hopper ai Premi Oscar 1990.

Inte'l 1996 Nicholson ga cołaborà da novo co'l regista Tim Burton inte'l film Mars Attacks! in cui el interpretava do personaxi: il Presidente dei Stati Unìi d'America Jim Dale e l'imobiłiarista de Las Vegas Art Land. I dirixenti dei studiosxera contrari a l'idea de far morir el personaxo, cusì Tim Burton ga deçidesto de farghe interpretar do personaxi e de farli morir entranbi.

Nonostante łe so riconosùe capaçità de ator, Nicholson el ga otegnùo na candidatura al Razzie Award par el pexo ator par La gatta e la volpe e par Hoffa - Santo o mafioso?. Nonostante ciò l'ator, grasie al film Hoffa - Santo o mafioso?, ga otegnesto anca na candidatura al Golden Globe.

Inte'l 1996 ła rivista inglexe Empire ło ga clasifegà al sesto posto tra i mejo atori del vintexemo sècoło. In te l'ano drìo el xe stà da novo direto da l'amigo James L. Brooks in Qualcosa è cambiato, ròło co cui el ga vinsesto par ła tersa volta el Premio Oscar in te ła categoria mejo ator protagonista.

Notasion[canbia | canbia el còdaxe]

  1. https://www.rollingstone.it/cinema/jack-nicholson-e-il-piu-grande-attore-vivente/513620/
  2. https://www.cinematographe.it/rubriche-cinema/focus/jack-nicholson-attori-che-si-sono-ispirati-a-lui/
  3. Hunter Davies. «INTERVIEW / Great film, Jack, now let's talk about you: Jack Nicholson». The Independent, 23 febbraio 1993.
  4. Edward Douglas, Jack: The Great Seducer – The Life and Many Loves of Jack Nicholson, New York, Harper Collins, 2004.
  5. http://ethnicelebs.com/jack-nicholson/comment-page-3
  6. Collins, Nancy. The Great Seducer: Jack Nicholson. Rolling Stonee, March 29, 1984
  7. Berliner, Eve. Marriage certificate of June Nilson and Donald Furcillo. Young Jack Nicholson: Auspicious Beginnings. Evesmag.com. 2001.
  8. 8,0 8,1 Jew or Not Jew: Jack Nicholson. Lingambo vardà el 14 luglio 2018.
  9. Tim Gray. The Shining Anniversary: Stanley Kubrick & His Mysterious Classic In Variety. 23 maggio 2016. Lingambo vardà el 1º luglio 2017.
  10. The Witches of Eastwick. Amazon.com. Lingambo vardà el 27 aprile 2011..
  11. The 60th Academy Awards: 1988. Academy of Motion Picture Arts and Sciences. Lingambo vardà el 23 marzo 2015.
  12. Matt Carey. «You don't know Jack (Nicholson)», CNN, 8 novembre 2013. URL verto in data 22 dicembre 2013.

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàVIAF (EN84036201 · ISNI (EN0000 0001 2141 6417 · LCCN (ENn82247239 · GND (DE118587633 · BNF (FRcb12012279z (data) · BNE (ESXX937764 (data) · NLA (EN60597409 · NDL (ENJA00621211 · WorldCat Identities (ENn82-247239
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Jack_Nicholson&oldid=961782"