Teta

Da Wikipedia, l'ençiclopedia libara.
Jump to navigation Jump to search

Ła téta ła xe n'òrgano de łe fémene che'l serve par far ła late. Tute łe fémene dei mamìferi łe ga łe tete.

Ła téta umana ła xe n'organo pari (ghe ne xe dó) e simètrego, catà 'nte ła region vanti del torace, ai lai de ła lìnea mediana, poste infrà el terso e'l sesto spasio de łe coste. Ła téta ła poxa in particołar su dó struture muscołari: na più fora, mùscoło petoral grando, e na più drento, pìcoło petoral. L'òrgano el xe costituìo in parte da tesùo adipoxo, in parte da struture giandołari: ' ntel conpleso ste conponénti qua łe costituise ła giàndoła mamaria. Vien ciamà cavésoło o cavedin queła pónta final a ła qual i se taca i putei péna nasùi par supiar ła łate.

Fin al ténpo de ła pubertà, łe téte łe xe sviłupae al steso modo in tuti dó i sesi. 'Nte ła pubertà el sviłupo de ła téta mas-ciłe el se ferma par via de ła maxor prexensa de testosteron. Ła strutura femeniłe, invése, ła va incontro a un notévołe sviłupo. Ła dimension e ła fórma del'òrgano femeniłe łe se desfernsia dabon par dona. Sta roba ła xe sora tuto dovua a ła quantità de tesùto adipoxo prexente ed a ła só poxision.

Łe tete łe xe anca caràteri sesuałi secondari, overosia parte del corpo che, anca se no łe ga evidénte funsion reprodutiva, łe ga n'inportante róło a revardo: ła fórma e łe dimension de st'organo łe xe n'inportante fator che'l influise su ła vałutasion estètega de na fémena e łe influénsa ła sielta del partner.

A Venesia ghe xe el ponte de le tete, a Rialto: na volta in sto posto ghe gera un bel fià de caxini indove łe trogie łe faxeva véder łe téte da łe fenestre par atirar cliénti.

Controło de autoritàLCCN (ENsh85016677 · GND (DE4008524-7
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Teta&oldid=957590"