Tajamento
  | |||||
| Sorte | Fiume | ||||
|---|---|---|---|---|---|
| Scumìsio | |||||
| Rejon aministrativa | Dignano (Itàlia) | ||||
| Finałe | |||||
| Pozision | mar Adriàtego | ||||
| |||||
| Afluente | |||||
| Conca idrogràfega | conca Adriàtega | ||||
| Dati e sifre | |||||
| Mezura | 172 ( ) km | ||||
| Superfise conca idrogràfega | 2 916 km² | ||||
| Mezure e indegadori | |||||
| Portada | 69 m³/s , 92 m³/s , 70 m³/s | ||||
|
| |||||
El Tajamento (in furlan Tiliment) xe el fiume friulan pì inportante, co nà longhesa de 178 km.
Nase al confin tra łe provinse de Belun (Lorenzago de Cador) e Udine (Forni de Sora), visin del Paso de ła Mauria. Intel primo toco el traversa ła Carnia, ła parte nord de ła provinsia de Udine, dopo el fà da confin tra sta qua e ła provinsia de Pordenon prima e ła Provincia de Venesia dopo, infin butandose intel Golfo de Venesia tra Lignan Sabìadoro (UD) e Bibion (VE).
El so bacino idrografego se estende so 2 916 86 km², inte i cuałi i vive sirca 165 000 persone. Sto bacino se cata scuaxi interamènte in Carnia e inte łe altre valaàe montane furlane (par l' 86,5% in provincia de Udine).
El rexime del fiume xe tanto iregołare, scuaxi torentisio. Ła so portata mèdia xe de 92 m³/s a Pinzano e de 70 m³/s a ła foce, ma ła so portata masima inte el periodo de piena pol esare considerevolmente magiore. El masimo storico xe stà rejistrà a 4000 m³/s durante ła piena dixastrosa del novenbre 1966.
Łe prinsipałi locałità poste so łe so rive łe xe Latisana e San Michele al Tagliamento. Inte łe imediae vicinanse del fiume se cata łe seguenti locałità:
Tolmezzo, Gemona del Friuli, San Daniele del Friuli, Spilimbergo, Casarsa della Delizia, Codroipo, San Vito al Tagliamento.
Afluenti
[canbia | canbia el còdaxe]El corso del Tajamento
[canbia | canbia el còdaxe]El bacin superior
[canbia | canbia el còdaxe]Ła sorxente se cata a 1195 m de altitudine in teritorio vèeneto, intrà łe province de Bełun e queła de Udine, a nord ovest de Forni di Sopra inte i presi del paso de ła Mauria. El so corso inisialmente xe orientà in diresion ovest-est, paralelamènte a ła catena de łe Alpi Carniche. El so primo afluente notevołe xe el Lumiei, che se imete inte el Tajamento da ła sinistra, a 26 km da ła sorxente. A partire da sto punto ła valata prinsipałe se alarga netamente e ła scominsia a esare meno montagnoxa. Poco prima de Villa Santina, riseve el Degano, poi el But, inte i dintorni de Tolmezzo.
Ad Amaro (247 m de altitudine), a 56 km da ła sorxente, riseve el Fela, el so prinsipałe afluente, che ne determina scuaxi el radopio de ła portata d'acua. Poi el corso d' acua curva bruscamènte verso sud-ovest, e se alarga considerevolmènte inte el xiro de calche chiłométro inte ła piana de Osoppo; inte ła parte meridionałe de questa score el fiume Ledra che racojie łe acue infiltràe inte el leto sasoso del fiume. Pì a vale, el Tajamento riseve da destra el torente Arzino, el so leto se restrinxe poi netamente inte ła streta de Pinxano.
El corso de mexo e inferior
[canbia | canbia el còdaxe]Pasà Pinzano el leto del Tajamento, orientà verso sud, el taca a distirarse inte ła pianura rivando a tre chiłometri de łarghesa da łe bande de Spilimbergo, dividendose inte vari rami. El so alveo fato de jara tanto permeàbiłe el asorbe squaxi tute łe so acue.
Inte el corso inferior, daspò Codroipo e Casarsa, el Tajamento el vien ałimentà da na parte de łe acue che le gaveva perso daprima e che qua łe vien su in corispondensa de łe risorgive. El leto el se strenxe fin a 180 m de łarghesza e, séndoghe na diminusion de pendensa, el taca a formar de i meandri.
Vanti de desfoxar inte el Adriàtico, el riseve łe acue de un fiume de risorgiva picenin, el Varmo. El desfoxa da fin intra ła Łaguna de Maran e cheła de Caorle.
Linganbi foresti
[canbia | canbia el còdaxe](IT) Autorità di bacino Isonzo, Tagliamento, Livenza, Piave, Brenta-Bacchiglione Archivià il 4 de disenbre 2004 in Internet Archive.
| Controło de autorità | VIAF (EN) 242138926 · GND (DE) 4119495-0 · WorldCat Identities (EN) 242138926 |
|---|