Statua de ła Libartà

Da Wikipedia, l'ençiclopedia libara.

La Statua de la Libartà (Statue of Liberty) xe una de le statue pì famoxe de New York, inte i Stati Unii, e de tuto el mondo. La se cata apunto a New York, inte la rocioxa ìzoła cea de Liberty Island, a sud-est de Manhattan, a la foxa del fiume Hudson e rente al Ellis Island.

El nome de la òpara la xe La Libartà che la luxe al mondo (La Libertà che illumina il mondo in italian, Liberty Enlightening the World in inglexe, La Liberté éclairant le monde in fransexe).

L'è sta un regalo de la Fransa, inte el XIX secoło, par i festejamenti del sentenaro de l'independensa mericana e on segno de amicisia intrà i do popoli. L'è sta inaugurada el 28 de otobre del 1886, a la prexensa de Grover Cleveland, el presidente dei Stati Unii de chel tenpo. Sta statua la xe divegnesta el sinbolo de benvegnuo par tuti i imigrati eoropei (la jera la prima roba che i vedeva dopo ver traesà del Osèano Atlàntego), che i ndava in serca de libartà o opordunidà inte el novo continente merican. Al dì de oncò la Statua de la Libartà la xe asociada ai Stati Unii come icona prinsipal, in cuanto la xe divegnesta sinbolo de emansipasion rispeto a l'opresion.

Sta òpara l'è stada fata dal scultore Frédéric-Auguste Bartholdi e da l'inxegner Gustave Eiffel che ga proxetà la parte drento de la Statua. L'architetto fransexe Eugène Viollet-le-Duc el ga comisionà la selta del rame da doparar par la costrusion de la Statua.

Inte el 15 de otobre del 1924 la xe stada dichiarada Monumento Nasional dei Stati Unii e inte el 1984 la xe stada dichiarada Patrimonio de l'Omanità da l'UNESCO. Inte el 2005 la Statua de la Libartà e Ellis Island i ga risevuo on totale de 4.235.595 vixite.

Galeria de imaxine[canbia | canbia el còdaxe]

Controło de autoritàVIAF (EN237749661 · LCCN (ENsh85127593 · GND (DE4122611-2 · BNF (FRcb11968909m (data) · WorldCat Identities (EN237749661
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Statua_de_ła_Libartà&oldid=1057575"