Morbihan

El Morbihan (en bretone Mor-Bihan) el xe un dipartemento fransexe deła Republica fransexe chel fa parte deła rejon deła Bretagna.

El nome del dipartemento vien dała lengua bretone: Morbihan xe 'na union de do nomi mor (mar) e de bihan (piccolo-ceo). El nome nase cussi perche ła rejion xe proprio sul Oceano Atlantico, e ła ła forma el Golfo di Morbihan.

El dipartemento confina co i dipartementi de Finistère/Penn-ar-Bed a nord-ovest, de Côtes-d'Armor/Aodoù-an-Arvor a nord, de Ille-et-Vilaine/Il-ha-Gwilen a est e deła Loira atlantica/Liger-Atlantel a sud-est. A sud-ovest el xe anca bagnà dal'Oceano Atlantico.

E città pi importanti xe, oltre al capoluogo Vannes/Gwened, anca Lorient/An Oriant, Pontivy/Pondi, Auray, Hennebont e Ploërmel

Ła rejion xe stada popolada dai Veneti nel'Età del fero.

• I Veneti saria stai un ceppo etnico indo-europeo che proveniva dal'Anatolia. Nea migrasion a Nord-Ovest i se stabilizò nea pianura padana e dopo, pasade łe Alpi, fin in Bretagna.
• Sta migrasion no ła xe segura però un mucio de popoli i gha portà, vardando ła so storia in un epoca proto-istorica łidentico nome de Veneti en Gallia, en Italia, en Germania (I Wendi, che deso i se gha slavizà e i vien ciamai Sorabi). Sti tre popoli pero giera de cultura diferente (uno celtico, uno italico e uno germanico) e i viveva tutti in riva al mare, se pensa che un popolo marittimo ghabbia imposto la so dominasion a tutti staltri marittimi, fasendo anca ła stessa lengua.

I Gali Veneti controlava el commercio da łe isoe britaniche e i dominava ła confederasion armoricana. L'Aremorica (el paese) davanti al mar l'andava da ła fine deła Loira (che la divideva dall'Aquitania) a queła deła Senna donde confinava con el Belgio. Ła forsa veneta giera un gran ostacolo par conquistar ła Gallia da Giulio Cesare, che dopo łe varie sconfitte ghe tocò allearse coi Namneti (Nantes/Naoned) e i Picti (Poitiers) per costruir 'na flotta che fuse bona de opporse a queła dei Veneti. Nel '56 AC finalmente, sconfisse ła flotta veneta el fa vender i prigionieri al mercà dei schiavi de Roma dopo ver fato masar tutti i membri del Senato e vietà ła produsion de sal. Par controłar i Veneti Cesare ghe messo i veterani romani sui cantoni pi importanti de quel Veneto galico (Locmariaquer/Lokmaria-Kaer, al sboco del'attual Mor-Bihan) e el gha fato costruir ła città de Darioritum (futura Vannes/Gwened). Come sempre, i Romani faseva comerci co i soi alleati casando a remengo i soi veci nemici. Cusì Nantes/Naoned e Rovan sostituise Vannes/Gwened come principal città armoricana.

El dipartemento xe stà creà dopo ła Revolusion fransese, el 4 marso 1790, grasie a una lege del 22 dicembre 1789 che ghaveva ło scopo de sudivider łe provinsie fransesi en istitusion teritoriai. El teritorio del dipartemento corisponde esensialmente ała civitas dei Veneti che deventa al'invasion bretone del reame, dopo ła contea de Broërec/Broereg e ulteriormente el baliato de Vannes/Gwened. Corisponde anca ała diocesi de Vannes/Gwened.

Nel dipartemento xe ncora difusa ła lengua bretone, che vien anca insegnada nełe scuoe del'obligo bilingue.

Varda anca

• Prefectura (en francés)
• Consejo General (en francés)
• [1]

Dipartimenti de ła Fransa

01 Ain   02 Aisne   03 Allier   04 Alpe de l'Alta Provensa    05 Alte Alpe    06 Alpe Maritime    07 Ardèche   08 Ardenne    09 Ariège   10 Aube   11 Aude   12 Aveyron   13 Bocche del Rodano    14 Calvados   15 Cantal   16 Charente   17 Charente-Maritime   18 Cher   19 Corrèze   2A Corsica del Sud    2B Corsica settentrionale    21 Côte-d'Or   22 Côtes-d'Armor   23 Creuse   24 Dordogna    25 Doubs   26 Drôme   27 Eure   28 Eure-et-Loir    29 Finistère   30 Gard   31 Alta Garonna    32 Gers   33 Gironda    34 Hérault   35 Ille-et-Vilaine   36 Indre   37 Indre-et-Loire   38 Isère   39 Giura    40 Landes   41 Loir-et-Cher   42 Loira    43 Alta Loira    44 Loira atlantica    45 Loiret   46 Lot   47 Lot-et-Garonne   48 Lozère   49 Maine-et-Loire   50 Manica    51 Marna    52 Alta Marna    53 Mayenne   54 Meurthe-et-Moselle   55 Mosa    56 Morbihan   57 Mosella    58 Nièvre   59 Nord   60 Oise   61 Orne   62 Passo di Calais    63 Puy-de-Dôme   64 Pirenei atlantici    65 Alti Pirenei    66 Pirenei orientali    67 Basso Reno    68 Alto Reno    69 Rodano - Métropole de Lyon    70 Haute-Saône   71 Saône-et-Loire   72 Sarthe   73 Savoia    74 Alta Savoia    75 Parigi    76 Senna marittima    77 Senna e Marna    78 Yvelines   79 Deux-Sèvres   80 Somme   81 Tarn   82 Tarn-et-Garonne   83 Var   84 Vaucluse   85 Vandia    86 Vienne   87 Haute-Vienne   88 Vosgi    89 Yonne   90 Territorio di Belfort    91 Essonne   92 Hauts-de-Seine   93 Seine-Saint-Denis   94 Valle della Marna   95 Val-d'Oise

Dipartimento d'Oltremare: 971 Guadalupa · 972 Martinica · 973 Guyana Francese · 974 Réunion