Federasion dei Sete Comuni
rimandamento da Spetàbiłe Rejensa dei Sete Comuni
|
|||||
| Bomò | Slege un Lusaan – Genewe un Wüsche – Ghelle, Rotz, Rowaan: Dise saint Siben, Alte Komeun, Prüdere Liben | ||||
|---|---|---|---|---|---|
| Epònemo | 7  | ||||
| Pozision | |||||
| Capitałe |  Aziago | ||||
| Popołasion | |||||
| Idioma | Cinbro | ||||
| Dati istòreghi | |||||
| Desolvimento | 29 de zugno del 1807 | ||||
|
| |||||
Ła Federasion dei Sete Comuni, conosesta anca col nome de Spetàbiłe Rejensa dei Sete Comuni (Hòoge Vüüronge dar Siban Komàüne in cinbro), ła ze stada na pìcoła nasion sorzesta inte el 1310, anca se concretamente ła zera za nasesta inte el 1259, co ła cascada dei Ezełini) soto el nome de Liga de łe Sete Tere Sorełe.
Ła Federasion ła conprendea el teritorio conosesto uncó cofà Altipian dei Sete Comuni e anca altre locałità uncó partegnenti a altri ànbiti aministrativi, inte łe Province de Vicensa e de Trento.
El 20 de febraro del 1404 drio el całendàrio vèneto (el 1405 drio l'atuałe całendàrio gregorian) ła Federasion dei Sete Comuni ła ghea fato un spontàneo ato de dedision a ła Repùblega de Venèsia, ła cuała ła ghene ghea garantìo i priviłeji par i seventi cuatrozento ani. Ła ze sparia definitivamente el 29 de zugno del 1807 par vołere de Napoleon Bonaparte el cuało el ghea declarà l'abołision del Goerno federałe. Ła ga cusita finio de vìvare, dopo sìncue sècołi de vita, ła piasè picenina de łe Federasion pułìteghe d'Eoropa e inte l'isteso tenpo ła pì antiga in conpagnia de ła Confederasion Elvètega.
Dopo de na curta parénteze soto del domìnio de l'Inpero Austrìago, inte el 21 de otobre del 1866, i teritori che i ła formava i zera stai anetesti al Regno d'Itàlia co ła vitòria italiana inte ła Tersa Guera de Indipendensa.
Divizion aministrativa
[canbia | canbia el còdaxe]Ła Federasion dei Sete Comuni ła zera formada dai seventi 7 comuni:
- Aziago (in cinbro: Sleghe/Schlège, in todesco: Schlägen, in italian: Asiago)
- Gàlio (Gell(e)/Ghel, Gelle)
- Roana (Robàan, Rovan ou Rain)
- Foza (Vüsche/Vütsche/Fütze)
- Enego (Ghenebe/Jenève, Jeneve)
- Rotzo (Rotz, Ross)
- Luziana (Lusaan, Lusian)
Notasion
[canbia | canbia el còdaxe]
Altri projeti
[canbia | canbia el còdaxe]
Wikimedia Commons el detien imàjini o altri file so Federasion dei Sete Comuni
el detien schemi gràfeghi so
