Spagheti

Da Wikipedia, l'ençiclopedia libara.

I spagheti, diminutivo de spago o ‘cordón’ i xe un tipo de pasta co forma de corde larghe e fine, de sesion sircołar. Ghi n'è de vari diàmetri, da i spaghetini (n. 3), i spagheti (n. 5) e i spaghetoni (n. 8). Seben i se asocia a un piato tìpego tajan, tałi prodoti i xe tradisionalmente stai inportai dai veneti, co Marco Polo xe tornà da ła Cina. Infati, ła cuxina axiàtica uxa abitoalmente i spagheti, soratuto de rixo, da mejari de sècołi.

Quełi freschi i dovaria esar preparadi co farina '00'. Ła major parte de ła produsion, ramai, xe industrial e revarda spagheti desidratà e po confesionà. El consumo no se łimità al stato italian e al oriente, ma al mondo intiero.

Ła preparasion xe fàsiłe: se fa bòjare un fia de acoa inte na tecia, e na volta che boje se xonta sałe a piasere e po se inmete i spagheti pa pochi minuti. Na olta finio i se scoła e consa co un fia de ojo de ołiva e pomidoro co baxełico o altra salsa preparà posta. Se preferisse in general magnarli caldi pena fati.

Altri tipi de spagheti, ma tajai curti e de diversa preparasion i xe i spagnołi fideos. I spagheti de rixo, invese, i xe de sòłito pi fini e bianchi. Da no confondar i spagheti co i nostrani bìgołi, ła cui tradision vive ncor al dì d'ancuo co numaroxe sagre e feste a łori dedicà.

Spagheti al pomidoro e baxełico
Controło de autoritàGND (DE4203855-8 · BNF (FRcb17169084k (data) · NDL (ENJA00571690
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Spagheti&oldid=1051847"