Sovran Miłitar Órdene de Malta

Da Wikipedia, l'ençiclopedia libara.


Bandiera del Sovran Miłitar Órdene de Malta.

El Sovran Miłitar Órdene Ospedałier de San Jovani de Geruxaleme, de Rodi e de Malta (scursà: Sovran Miłitar Órdene de Malta - SMOM) el xe n'órdene catòłico de asistensa che el ga sede a Roma e l'è riconosù sojeto sovran de dirito internasionałe seben che no l'abia mìa un teritorio.

Definision Legałe e Status Internasionałe[canbia | canbia el còdaxe]

Fra' Matthew Festing, Cao de Stato.

Seben che el SMOM no'l gabia mìa un teritorio 'ndo exersitar ła só sovranità, el ga comunque na bandiera, na só Costitusion, un Cao de Stato, òrgani Statałi e Tribunałi, el produxe pasaporti sui e francobołi sui e el ga rełasion diplomàtiche co 96 Stati. 'Ste caratarìstiche qua łe ghe perméte de far acordi co altri Stati e łavorarghe insieme par dar asistensa ai poareti e ai małài in 120 Paixi del móndo e par promóvar ła fede cristiana.

Questo vol dir che el SMOM el xe inte ła stesa situasion che xera ła Santa Sede quando che l'era reconosesta internasionalmente ma no ła gavéa pi el só teritorio, prima che ghe vegnése asegnà come Stato ła Sità del Vatican.

'Sta definision qua ła vien acetà quaxi da tuti (dixendo che se pol èser sovrani internasionalmente anca sensa èser un Stato), seben che calche profesor de dirito internasionałe el sostegna che mancando el teritorio vegnarìa mancar anca ła sovranità (p.ex: Dr. Ian Brownlie, Dr. Helmut Steinberger e Dr. Wilhelm Wengler). In póche parołe depende se se cołega sovranità co statuałità (osìa sovranità su un teritorio) o se se mantien destacài i du conceti. El xe anca stà riconosesto come ente co "sovranità funsionałe" direta o sia soło a ła funsion particołar de far asistensa.

El xe oservator permanente a l'ONU ma no l'è mìa clasificà come Stato e el ga un corpo miłitar rento l'Exersito Itałian.

Storia[canbia | canbia el còdaxe]

El SMOM l'è ła continuasion de l'Órdene dei Ospedałieri, n'organixasion fondà Jeruxałeme inte el 1080 par jutar i pełegrini che ndava in Tera Santa. Co ła conquista de Jeruxałeme durante ła Prima Croxada (1099), el se ga trasformà in órdene miłitar catòłico. Un cólpo che el ga perso el teritorio in Tera Santa, el ga łavorà dal só teritorio de Rodi e pi tardi el se ga spostà Malta, come Stato sóto l'aministrasion del Vicerè Spagnoło de Sicilia.

Napoleon el ga desfà el Stato ocupando Malta inte el 1798 ma el SMOM, in si, el ga continuà funsionar fin deso come organixasion rełigióxa e de asistensa.

Linganbi foresti[canbia | canbia el còdaxe]


Controło de autoritàVIAF (EN125677859 · ISNI (EN0000 0001 2216 3036 · LCCN (ENn79114238 · GND (DE43583-1 · BNF (FRcb118777640 (data) · BNE (ESXX144828 (data) · ULAN (EN500271811 · NLA (EN35276777 · BAV ADV11291650 · WorldCat Identities (ENn79-114238
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Sovran_Miłitar_Órdene_de_Malta&oldid=1160058"