Sircuito del Fuji

Da Wikipedia, l'ençiclopedia libara.
Sircuito del Fuji
Fuji Speedway Aerial photograph 2007.jpg
Poxision
StatoJapon
Carte interative
Sito ufisiałe

Coordinae: 35°22′18″N 138°55′36″E / 35.371667°N 138.926667°E35.371667; 138.926667

Mapa del sircuito
La nova tribuna prinsipal
La nova pitlane
La quinta curva, Hairpin Corner

El Sircuito del Fuji (Fuji International Speedway) el xe on sircuito situà ale pendixi del Monte Fuji, 'ntee visinanse dela sitadina de Yokohama in Giapon. El xe on tracià automobilistego costruìo inte i ani sesanta, rimodernà a pì riprese.

Storia[canbia | canbia el còdaxe]

Disegnà da Don Nichols e Stirling Moss, el xera caraterizà da on longo retifil de partensa che el terminaa sora na velocixima curva sopraelevà. El sircuito el xe stà verto inte el diçenbre del 1965. Dopo l'insidente mortal subìo dal piloa niponego Hiroshi Kazato el xe stà rimanegià eliminando ła velocixima curva inisial (1975).

El 24 de otobre 1976 el ga ospità la prima edision del Gran Premio del Giapon, primo gran premio de Formula 1 disputà in Asia. Dopo la seonda edision paro el xe stà abandonà dala masima serie motoristega; quando el Gran Premio del Giapon el xe tornà inte el calendario del mondiale de Formula 1, inte el 1987, le gare sele stae ospitae dal sircuito de Suzuka.

Dopo na crisi economiga visua inte i anni otanta el xe stà rilevà dala Toyota co l'idea de strapar l'organizasion del Gran Premio del Giapon al sircuito de Suzuka, che el xe de proprietà dela Honda.

El 10 de april 2005 la xe stà completà la rimodernasion, inisià inte el 2002 e curà da Hermann Tilke. Grasie ai consistenti mejoramenti dele struture, el Fuji ga otegnù la posibilità de ospitar novamente la Formula 1. Domenega 30 de setenbre 2007 la prima edision su pista rinovà la xe serà co na vitoria de Lewis Hamilton (McLaren Mercedes) co seondo posto par Heikki Kovalainen (Renault) e terso posto par Kimi Raikkonen (Ferrari), in na gara caraterizà dala piogia e partìa de drio ala safety car.

Tracià[canbia | canbia el còdaxe]

La version atual la misura 4.563 metri contro ei 4.359 dela version in cui el xe corso inte i 1976 e 1977. Dopo on longo retifil inisial la ghe xe na curva verso destra, seguìa da na serie de dodixi curve tanto inpegnative. Sul sircuito del Fuji el se zira in senso orario.

Le dodixi curve del sircuito le ga la denominasion ufisial, soto riportà. La letera R la xe riferia a l'angolo radial dee curve misurà in gradi.

  1. 第一コーナー First Corner 27R
  2. 75R
  3. コカ・コーラコーナー Coca Cola Corner 80R
  4. 100R
  5. ヘアピンコーナー Hairpin Corner 30R
  6. 120R
  7. 300R
  8. ダンロップコーナー Dunlop Corner 15R
  9. 30R
  10. 45R
  11. ネッツコーナー Netz Corner 25R
  12. パナソニックコーナー Panasonic Corner 12R
Controło de autoritàVIAF (EN20146573767238100328 · NDL (ENJA001232704 · WorldCat Identities (EN20146573767238100328
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Sircuito_del_Fuji&oldid=1054191"