Simply Red

Da Wikipedia, l'ençiclopedia libara.
Infobox de personajo Simply Red
Mick Hucknall Bremen 2003.jpeg
MorteCànbia el vałor in Wikidata
Perìodo atività1979 Cànbia el vałor in Wikidata –
Conpozision del grupo
ConponentiMick Hucknall - (voxe), David Fryman - (chitara), Tony Bowers - (baso), Chris Joyce - (bateria), Fritz McIntyre - (tastiera)
Discografia
Àlbun11
Stùdio9
Compilation3
Targheta discogràfegaElektra Records (it) Traduzi
East West Records (it) Traduzi Cànbia el vałor in Wikidata
ZènareSoul Pop
Sito ufisiałe
IMDB: nm1918774
Facebook place: simplyred Twitter: SimplyRedHQ Instagram: simplyredofficial MySpace: simplyred Youtube: UCwtvFWbWkLr8ra51W-pLstQ Spotify: 1fa0cOhromAZdq2xRA4vv8 iTunes: 163002 Last fm: Simply+Red Musicbrainz: a9100753-f539-43cf-bcc9-579566fb512e Songkick: 364324 Discogs: 6518 Allmusic: mn0000757157



I Simply Red xe stài un grupo muxicałe pop-soul britanico, fondà inte ła prima metà dei ani otanta da Mick Hucknall e do ex conponenti de ła band dei Durutti Column; Anthony Bowers e Chris Joyce. In vintisinque ani de carièra i gà vengdùo sìrca 55 miłion de dischi.

Storia[canbia | canbia el còdaxe]

Nasìta[canbia | canbia el còdaxe]

Ispirà da un concerto dei Sex Pistols, che s'avea desvòlto a Manchester, inte el 1976 (curioxo, in quel concerto ghe jera anca Bernard Sumner e Peter Hook futuri fondadori dei Joy Division e New Order), el studente d'arte Mick Hucknall gà decixo, a l'età de 15 ani, de afrontàr ła carièra de execudor muxegałe; inte el xiro de pochi ani se gà simentà par la prima volta in sto ròło, cantando in un grupo punk ciamà The Frantic Elevators. Hucknall el gà sercà de quadràr diverse etichete locałi a publicàr el materiałe dei Elevators, tutavia el xovene grupo se gà siòlto inte el 1984; el so unico suceso xe stà l'ultimo singoło: "Holding Back the Years", portàda po' al gran suceso internasionałe dai Simply Red.

I primi tenpi[canbia | canbia el còdaxe]

Avendo capìo che ła so voxe podeva oncora esare orìxene de grande fortune, Hucknall asume el so primo manager, Elliot Rashman, che gavea granda pasion pa'łe potensiałità de Hucknall. So' i scominsi del 1985 i gaveva xa creà un grupo conpòsto da muxicisti de alto profiło, conponendo brani che interesava diverse major discografeghe. I gà adotà el nome Simply Red tołendoło dal soranome ch'el cantante gaveva risevùo pa'l cołor che gà i so cavełi e cussì i gà sotoscrito un contrato co l'eticheta Elektra. Indiłataménte i taca proàr e ben presto a regisràr del materiałe, e siben ła ben gavese xa un so setagio, sto periodo xe fenìo par eser pìtosto turbołento; diversi artisti che gà contribuìo al sviłupo dei Simply Red xe stài repagài co insucesi, e se gà xenerà sentimenti de amaresa e de rivalsa, che in alcuni caxi gà regałà ad Hucknall ła reputasion de operador spietà.

L'exordio: Picture Book[canbia | canbia el còdaxe]

El grupo exordise co Fritz McIntyre a łe tastiere, Chris Joyce a ła bateria, David Fryman a ła chitara e Tony Bowers al baso. El so primo singoło xe stà "Money's Too Tight (To Mention)" inte el 1985, una Top 20 inte ła clasifica britanica e soratuto na Top 5 in Itałia; sta canson xe na cover del brano soul dei Valentine Brothers, insìo l'anno prima. Ła potensa vocałe de Mick e ła fòrsa de ła band gà ełeto i Simply Red come «grupo da tegnere soto rimàrco». Dopo l'insìda del singoło e del rełativo video, Mick licensia Fryman. Intra ne ła band Tim Kellett (tastierista, tronbetista, percusionista), ex turnista dei Durutti Column, e el chitarista Sylvan Richardson.

Na sucesiva serie de flop ("Come to My Aid" - UK nùmaro 66, "Holding Back the Years" - UK nùmaro 56, "Jericho" - UK nùmaro 53) se gà verifegà un ano drìo, quando "Holding Back the Years", un rirangiamento del brano dei veci Frantic Elevators, xe arivà in sìma a ła U.S. Chart. Xe stà po' republicà anca in Gran Bretagna e sta volta gà ciapà el nùmaro 2. Subito i Simply Red xe stài incoronài star, e el so albun de debuto, Picture Book (1985), gera so tuti łe scansìe de łe boteghe de muxica de ła tèra. L'imàxene de Hucknall cofà ultimo Oliver Twist, co un baston da pasegio, majon de łana e na bareta de stòfa a coerxare na «scóeta» sregołà de cavèi rosi, xe stà bastansa distintiva, ma presto ła gà paresto inapropià par el disco de platino che xe seguìo. Pa'l tour vien rołà el sasofonista Ian Kirkham e ła corista Janette Sewell.

Men and Women[canbia | canbia el còdaxe]

Par'l segondo albun, Men and Women (1987), xe stà adotà un stiłe pì sobrio: capèłi e bonbeta e conpleti cołorà gheva sostituìo el look da sbrìxo. Anca ła muxica gà canbià, co l'introspesion sociałe comentativa del so debuto rinpiasà da na sonorità soul funky pì sbrenà. Xe stà in sto periodo ch'el cantante Hucknall xe deventà un bersàlio pa'ła stanpa popołare, che, pionbàndo so' łe sugestive paròłe de ła hit "The Right Thing", gà łiquidà łe so sortìe "amoroxe" in pochi, viołenti articołi, trasàndo i primi segni de na imàxene de l'artista un spacon łibertìn. Sto albun, siben ghe fuse stà na critica crùa e na cativa stanpa, gà vendùo abastansa par tegnìr la band a gała. Ghe xe parò stài dei canbiametni ne ła formasion: a metà ano el chitarista Sylan Richardson łasa ła band e vien sostituìo da Aziz Ibrahim che restarà soło che un ano. Se połe vedarlo inte l' video live xirà in Braxiłe par el singoło "I Won't Feel Bad", so'i scominsi del 1988. In seguito, parò, el sarà sostituìo da Heitor Teixeira Pereira (Heitor TP) a lujo de quel'ano. Anca ła corista Janette Sewell andarà via pròpio inte el steso periòdo.

A New Flame[canbia | canbia el còdaxe]

'Vanti de tacàre i laori sol terso albun, Hucknall gò tòlto na decixion: metare in un unico albun tuta muxica de cuałità spesifega a ła masa, pìtosto che continuare l'infrutuoxa via de ła credibiłità. Inte l'albun A New Flame (1989) łe sonorità dei Simply Red deventa mòrbie e clasiche, parfetamente iłustràe da ła reinterpretasion del brano de Harold Melvin, "If You Don't Know Me By Now", che gà ciapà ła prima poxision ne łe clasifiche dei Stati Unii d'America e uno dei singołi più scoltà al mondo in quel'ano. Dopo sto tipo de suceso, el ponto de non ritorno gera stà sorpasà. Hucknall gà tacà ad eser riprexo co łe pì bełe done e cortixà da łe sełebrità de Hollywood, e i Simply Red se gà rittrovà fermamente al posto de superstar. Ła corista del tour xe Dolly James e restarà fin al concerto de seràda del marso 1990, in Inghiltera, che po' insirà in video col titoło Let Me Take You Home. Curioxa ła mancansa de Heitor T. Pereira inte el video del singoło "A New Flame", ła title-track del long playing.

Stars[canbia | canbia el còdaxe]

Inte el 1991, Hucknall se ga dichiarà un sitadìn eoropeo e l'gheva ameso finalmente che i Simply Red fuse esensialmente un progeto sołlista. Infati, no'l ghe gà pensà do volte a licensiàr el baterista Chris Joyce par rinpiasarlo co el programador Gota Yashiki, inte el marso de quel'ano; stesa roba gà tocà al basista Tony Bowers, che un mucio de tenpo dopo xe stà cavà da ła formasion par esare sostituiìo da Shaun Ward, ch'el produtor Steve Levine gheva conosùo ani 'vanti, par un laoro co i Everyday People. Sorte poxitiva invese inte i confronti del sasofonista Ian Kirkham, che vien fato intràr cofà menbro uficiałe, dopo esar stà soło che un cołaborator in studio e in tour, fin dal 1986. Pa'l longo tour intra łe coriste Dee Johnson e Myllenda Lay. Mick gavea prodòto el so suceso pì articołà e ben formà de ła so carièra co Stars (1991), un albun indove Hucknall perfesiona l'arte di mascaràr i testi polłtici in muòdo tałe da evitàr de ałienàr i so fans più apołitici ("Wonderland", una de łe bałade a l'interno de l'albun, par exenpio, xe un atacco scònto a Margaret Thatcher). Stars xe stà uno dei albun pì vendùi sia in Gran Bretagna che in Eoropa inte i ani 1991 e 1992, anca se - in modo paradosałe - xe stà el so ultemo albun popołàr inte i UXA.

Life[canbia | canbia el còdaxe]

Do ani de tour e promosion gà seguìo Stars, ma i Simply Red, inte el 1995, xe tornài più forti che mai. Dal presendente albun in formasion resta soło che Ian, Heitor, Fritz e ła corista Dee. Tim Kellet inte el 1994 moła ła band par crearsene una eło, i Olive. Gota Yashiki ciapa interese par un so laoro sołista e Shaun Ward se dedica a ła produsion. Il doto giamaican pì famoxo al mondo, Sly Dunbar e Robbie Shakespeare, sostituise sti ultimi do a ła bateria e al baso come ospiti speciałi par l'albun Life, anca se par el tour riva Velroy Bailey, Steve Lewinson e ła corista Sarah Brown, che afianca Dee ricovrendo el ròło łasà vódo da Myllenda Lay. El so singoło "Fairground" gà stabiłìo nòvi record par radio, anca prima de ła so emision sol marcà. L'albun gaveva vendùo pì de un miłion de copie soło in Gran Bretagna, deventando el quarto album più vendùo de l'ano. Inte el 1996, vien meso sol mercà el Greatest Hits, co el singoło "Angel" featuring Fugees. El brano xe na reinterpretasion de un suceso de Aretha Franklin, e prexenta de łe version diverse tra l'edision in viniłe a 12"" e łe do edision so cd singoło. Heitor e Fritz łasa par andar 'vanti co progeti sołisti.

Blue[canbia | canbia el còdaxe]

Inte el 1997 ese "Night Nurse", na vècia canson de Gregory Isaacs che vanta el featuring de Sly & Robbie. Blue (1998) conferma el nùmaro 1 inte ła clasifega inglexe. Contien oto inediti e quatro cover una de łe cuałi proponesta in do difarenti version: "The Air That I Breathe" un singoło de Phil Everly dei Everly Brothers incixa inte el 1973 ma che gà conosùo el suceso l'ano drìo ne ła version dei Hollies. Ła produsion xe ne łe man del trio AGM (Andy, Gota & Mick). Sto albun infati segna el ritorno de Gota Yashiki a ła bateria e a ła programasion ed anca l'intràda de Andy Wright che gheva cołaborà a ła produsion de Life inte el 1995. De ła vècia formasion resta Ian Kirkham, Dee Johnson e Sarah Brown. Ałe chitare arivan Kenji Suzuki e Mark Jaimes, a ła tastiera (co ła prexensa de Andy) Tim Vine, al baso Wayne Stobbart e ai fiati John Johnson (fratello di Dee), Chris De Margary e Colin Graham. L'albun vende ben in UK, ma, a cauxa de ła mancansa de materiałe nòvo, perde un fià de interese a liveło aoropeo, siben i singołi "Say You Love Me", "The Air That I Breathe", "Ghetto Girl" e "To Be Free" scode boni consensi ovunque.

Love and the Russian Winter[canbia | canbia el còdaxe]

Love and the Russian Winter vien fora inte el 1999 e, siben sia un albun vałido, no'l otien el consenso sperà. Da nòvo prodòto dal trio AGM, riva al nùmaro 6 de ła clasifega inglexe e vien estrati soło che do singołi: ła reinterpretasion "Ain't That a Lot of Love" e ła dolse "Your Eyes", che raprexenta l'albun a l'interno intitołà The Spirit of Life. Del grupo no fa pì parte Colin Graham (el cui posto xe stà ciapà da Kevin Robinson) e Tim Vine, andài via par i inpegni a ła fin del Blue Tour. Inte el 2000 vien fora ła conpilation It's Only Love, best de canson d'amor, che riva soło al nùmaro 28 in UK.

Home[canbia | canbia el còdaxe]

Dopo 4 ani de repoxo, eco che inte el 2003 i torna co qualcossa de nòvo. El singoło "Sunrise", trato da Home, porta oncora i Simply Red in auge, sia a liveło d'interese sia a liveło de vendite comerciałi. L'albun ariva al nùmaro 2 in UK e contien alcune reinterpretasion, ma anca brani orixinałi scriti da Mick e dal grupo steso. Bełisima la sielta de far insìr come secgono singoło "Fake", ma ne ła version remixà non prexente ne l'albun che ła rende oncora più intrigamondo e bałabiłe. "You Make Me Feel Brand New" vien sernìo cofà terso singoło par fin ano e ła title-track "Home" come quarto, ne ła primavera sucesiva. El grupo va in tour par do ani e otien enorme suceso e grandi riconosimenti. El concerto de Taormina del 24 lujo 2003 vien riprexo par el DVD Live in Sicily. L'albun vede inte ła so completésa reałixativa i seguenti muxicisti: Mick Hucknall, Ian Kirkham, Gota Yashiki, Dee Johnson, Chris De Margary, Kevin Robinson, John Johnson, Mark Jaimes, Andy Wright, Dave Clayton, Steve Lewinson, Kenji Suzuki e Sarah Brown. Andy partesìpa soło cofà cołaborator, in quanto el moła ła band par altri inpegni. Fenìe łe registrasion via via sia Mark che Gota par i stesi motivi. Sti tre tornarà parò in futuro come cołaboratori. A sostituìr Gota entra Pete Lewinson, fratdeło de Steve, e a sostituìr Andy riva Dave Clayton. Wayne Stobbart gheva łasà xa ła band prima de ła registrasion de l'albun e jera tornà Steve Lewinson. Inte el 2005, i torna co Simplified, na cołesion dei so clasici, riarangià acusticamente, che conrende anca el novo brano "Perfect Love", numero 3 in UK, e il singoło dopio lai A "Something Got Me Started"/"A Song for You", che parò nn entra in clasifica. El grupo xe queło conpagno de l' Home Tour: Mick Hucknall, Sarah Brown, Dave Clayton, Chris De Margary, Dee Johnson, John Johnson, Ian Kirkham, Pete Lewinson, Steve Lewinson, Kevin Robinson e Kenji Suzuki.

Greatest hits tour e Farewell tour[canbia | canbia el còdaxe]

Inte el 2009 el grupo tien el Greatest hits tour 2009 che vede l'interpretasion dei sucesi contegnùi ne ła racolta Simply Red 25: The Greatest Hits. El tour taca in Xermania, pasa par l'Itałia (nasion in cui i concerti vien vèrti da Noemi[1]) e finise in Irlanda[2].

Inte el 2007 Mick Hucknall gà anunsià ch'el gavarìa siòlto i Simply Red in ocaxion del so 25º aniversario ('ntel 2009): el "Farewell tour" se tien inte el 2010 co date in Sud America, Axia, Austrałia ed Eoropa par concludere co na serie de concerti infra setembre e disenbre in Inghiltera. Contestualmente a l'anunsio del tour de adio xe stà publicà na racolta dal titoło "Songs of love" che significativamente se sara co "Ev'ry time we say goodbye" el brano de Cole Porter reinterpretà dai Simply Red inte el 1987. A concluxion dei inpegni co el grupo Mick Hucknall continuarà ła carièra cofà sołista.

Formasion[canbia | canbia el còdaxe]

Line-up orixinàl[canbia | canbia el còdaxe]

Menbri xontà in seguito[canbia | canbia el còdaxe]

Discografia[canbia | canbia el còdaxe]

Search ballonicon2.svg Par savèrghene de pì, vardarse ła voxe Discografia dei Simply Red.
  • Picture Book (1985)
  • Men and Women (1987)
  • A New Flame (1989)
  • Stars (1991)
  • Life (1995)
  • Blue (1998)
  • Love and the Russian Winter (1999)
  • Home (2003)
  • Simplified (2005)
  • Stay (2007)
  • Big Love (2015)
  • Blue Eyed Soul (2019)

I vini del leader[canbia | canbia el còdaxe]

Mick Hucknall resiede par bona parte de l'anno in un fóndo a Sant'Alfio, in provincia de Catania so łe pendici de l'Etna, e el gà cronpà teréni coltivài a vigne sia a Mascali che a Bronte e Castiglione (versanti est e nord del volcan) co cui el produxe un prexià roso Etna DOC ed un sofistegà Bianco IGT, entranbi dal nome Il Cantante.

Altri progeti[canbia | canbia el còdaxe]

Note[canbia | canbia el còdaxe]

  1. Noemi verxe i concerti dei Simply Redbintmusic.it.
  2. Greatest hits tour 2009contattonews.it.

Linganbi foresti[canbia | canbia el còdaxe]

co Mick Hucknall (USA, 2003)
Controło de autoritàVIAF (EN131489638 · ISNI (EN0000 0001 2259 8822 · LCCN (ENn91115206 · GND (DE5229985-5 · BNF (FRcb13906512z (data) · WorldCat Identities (ENn91-115206
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Simply_Red&oldid=1083842"