Scaltenigo

Scaltenigo

Pozision
45°28′12″N 12°04′57″E
Stato	Itàłia
Rejon	Vèneto
Sità metropułitana	Sità metropułitana de Venèsia
Comuni de l'Itałia	Miran
Zeografia
Altitùdene	7 m
Dati istòreghi
Dì festivo
Patrono	Festività de San Piero e Poło
Còdazi de identifegasion
Còdaze postałe	30035
Fuzo oràrio	UTC+1 UTC+2
Prefiso tełefònego	041

Scaltenigo, ła ze na frasion de'l comun de Miran de ła sità metropułitana de Venesia e ła conta sìrca 3 000 abitanti.

Zeografia fìzega

Scaltenigo el ze situà a sìrca 5 km da'l caòłogo comunałe, Miran. El paeze el se zviłupa łongo do prensipałe vie de cołegamento: ła prima, łonga ben 23 km, Strada Provinciale 30, Via Caltana, ła cołega ła łocałità de Oriago di Mira (VE) a Canpodarsego (PD); ła segonda, Strada Provinciale 26, Via Scaltenigo-Ballò, ła cołega el caòłogo, da Via Battisti, fin al sentro de ła sitadina de Doło (VE). Anca se de rełevansa infarior, Via Scaltenigo ła raprezenta antigamente un cołegamento da'l caòłogo fin a ła riviera de'l Brenta, a Doło, andove, traverso el fiume Brenta rivava comersianti co prodoti e mersi. Via Caltana ła raprezentava el cołegamento via tera tra Padoa e Venesia e Scaltenigo el se cata a meza strada in tałe parcorso.

Corsi d'acua

A Scaltenigo score alguni corsi d'acua: el fiume Lusore, che'l traversa 'pena fora el sentro de'l paeze; el Cognaro e el Volpino a sud e el Caltressa a nord. N'altro A ze el Sezenego, considarà uno scóło e utiłizà prensipalmente par l'irigasion estiva de łe canpanje ad est de'l paeze e inte'l comun de Mira; l'acua defati ła ze de'l flume Lusore e ła vien imetesta int'l scóło traverso na ponpa consortiłe co A ze ła stazón de l'Istà.

Curiozità

In łocałità Formigo, tra el Cecenègo e el Lusore, el ze traversà da'l Pasante de Mestre.

Curiozamente, el ze uno dei paezi d'Europa che ga dieze łétare (cofà anca Pregansiol) diverse l'una da l'altra inte'l nome.

Tra i monumenti inte ła łocałità de Scaltenigo catemo:

- Ła Ceza Arcipretałe e parochiałe intitołada a ła Catedra de San Pietro, ła prezenta un òtemo stato de consarvasion e orizenaria de'l XIV sècoło. A se trata de na Ceza (pieve) in stiłe romànego a canpada ùnega e a dopio abside, anpliada noma che in èpoga moderna co cuatro picołi altari inte łe ezistenti nicie de sporzensa łaterałe.

Tra i monumenti inte ła łocałità de Scaltenigo catemo:

- Ła Ceza Arcipretałe e parochiałe intitołada a ła Catedra de San Pietro, ła prezenta un òtemo stato de consarvasion e orizenaria de'l XIV sècoło. A se trata de na Ceza (pieve) in stiłe romànego a canpada ùnega e a dopio abside, anpliada noma che in èpoga moderna co cuatro pìcołi altari inte łe ezistenti nicie de sporzensa łaterałe.

Monumenti e łoghi de intarese

- Numarozi capitèłi co sculture e afreschi, intitołài a ła vèrzene Maria. I ze ponesti al dełimitar antigo de'k paeze o in corespondensa de confìn o incrózo de cołegamento e in tute łe diresion. Verso nord, łongo ła provinsiałe 26, (poco prima de'l ponte so’l canałe Caltressa), verso ła locałità Porara (in Via Porara Gidoni), verso Maran (in Via Caltana), verso Ballò (al confìn, in łocałità Borgo Zucchero, so ła curva streta de ła provinsiałe 26), verso Vetrego (in Via Vetrego (fronte civ.169) 500metri prima de'l confìn co Vetrego), verso Caltana (in corespondensa de l’incrózo co Via Don Orione) e, non manco inportante, in diresion Campocroce, (ne l'incrózo tra Via Caltressa prinsipałe e Via Caltressa verso Via Canaceo). ‘Na picoła Ceza ła se cata in Via Accoppè Fratte; Anca st'altra ła ze asè antìga e afrescada e ła se prezenta a oncò in òtemo stado de consarvasion.

- Un monumento ai "Cazùi in Guera" . Se trata e un picoło obełisco a baze cuadra, co insidesti so łe parede i nomi dei soldai cazùi in etranbi i ràdeghi mondiałi, o desperdesti a cauza dei medemi. El ze situà inte'l zardin a łado sud de ła ceza, indove antigamente A jera cołogàe łe tonbe a tèra, int'un picoło simìtero łocałe. Trasa de l'ezistensa de l'antìgo simìtero ze l'atuałe conservasion, łongo ła fasada sud de ła Ceza (drìo el zardin), e in parte anca inte łe parede est e nord, de antìghe tavèłe funebre.

Cultura e sport

Da'l 1974 eziste un Sportivo Scaltenigo de patinagio in łinea che'l ga rancurà co i pròpi atleti notevołi rezultadi sportivi sia a łivèło nasionałe che intarnasionałe.

Łe scòłe prezenti inte'l paeze łe ze : - scoła materna e nìo "santa Bernardetta" - scała ełementar "Giosuè Carducci" - scoła media "Leonardo da Vinci"

Avenjimenti

Ła Ceza ła xe dedegà a ła Càtedra de San Pietro, che se recorda el 22 febraro. Una de łe festività pì inportanti del paeze ła se séłebra par el dì dei santi Pietro e Paolo, 29 de zunjo, in ocazion de ła cuała A ze organizada ła Sagra dei Santi Pietro e Paolo Apostoli in Scaltenigo . Altri avenjimenti sìmiłi i ze ła "Festa de Utùno" e ła "Festa de ła Castanja", tra fin de setenbre e i primi de otobre.

Onji ano A se dezvolze ła LUSORE RUNNING , zestìa e organizada da ła asosiasion “LUSORE SPORT A.S.D.” co’l el patrosinio de'l comun de Miran e de ła provinsia de Venesia, co ła cołaborasion de l'ente autostrade de Mestre-Venezia, consorsio de bonìfega àcue resorzive. El parcorso par i veri pasionai de corse e nordic walking. Ła manifestasion ła se zvolze onji Setenbre. El fin ùltemo el ze de rancurar fondi par asosiasion, scòłe, o struture che ghe n’abia bezonjo, in azonta al rełanso sportivo de ła zona de Scaltenigo.

Mùzega

El grupo punk rock Veneto Rumatera, el ga dedicà a l'omònemo paeze na canson che ła se ciama "Scaltenigo" contenjùa inte l'àlbun de'l 2017 "Ricchissimi".