Salsa verde
La salsa verde l'è na salsa a baxe de parsemoło, che vien fata in varie rejoni d'Itałia, a òlte in maniera diversa da un posto a chel'altro.
Cosa serve par farla
[canbia | canbia el còdaxe]- parsemolo, na bela bruscà (le foje e i rameti l'è mejo)
- un bicer, quasi du de ojo de oliva
- dei torli de ovi (du o tre)
- qualche fiłeto de aciuga, con cui se pol darghe o meno un gusto forte
- na bruscà de càperi
- pan pocià nell'axedo
- ajo da uno a tre tocheti, secondo i gusti
- se se vol, oncora axedo
- sal sensa esagerar
Come se fa a farla
[canbia | canbia el còdaxe]Prima de tuto se ciapa el parsemolo, mejo solo le foje, e el se taja fin, ma no masa se no el perde consistensa. Se cóxe uno o du ovi e se ciapa soło el torlo, po' se prepara del pan moło, mejo la mołica e el se pocia in tel'axedo. Dopo se mete el parsemolo inte na scudela, na teja o calcos'altro dove ghe sia abastansa posto, se ghe zonta l'ojo e se ghe dà na beła mesiada con un cuciar. Se ciapi una o do aciughe zà tajade a tochi e dei capari, e i se mete drento e se mìsia. Po' se ghe zonta man man anca l'ajo, l'ovo e un cicinin de sal e se mìsia ancora. In genere se ghe mete intrà vinti minuti e meza ora.
Con cosa ła se magna
[canbia | canbia el còdaxe]Ła so morte l'è magnarla con la carne bołida, magari anca con ła pearà. Ghè anca ci łe magna suła carne freda, magari de istà, e ghè ci invese łe magna con i ovi sodi (e se ła ve piaxe propio asè, podì magnarla anca fora dai pasti, pociandoghe drento el pan).
| Controło de autorità | GND (DE) 7703937-3 |
|---|