Salizzada del Zigante

Da Wikipedia, l'ençiclopedia libara.
Jump to navigation Jump to search
Flag of UNESCO.svg Ben protexesto da l'UNESCO
Salizzada del Zigante
Giants Causeway 1b.JPG
Tipołoxianatural
CriteroN (i) (iii)
Ano1986
Linganboinglexe
françexe

La Salizzada del Zigante (par gaelego Clochán an Aifir, par ingrese Giant's Causeway) el xe na area de cerca 40,000 colone de basalto incastrae intra de lore, resultà de na eruzion volcanega. El xe situà su la costa Nord-Est de l'Irlanda, a quasi 3 chilometri a Nord de la cità de Bushmills inte la contea de Antrim, Irlanda del Nord. El xe stà dechiarà Sito Patrimonio Mondial da l'UNESCO inte el 1986, e na Reserva Natural Nazional inte el 1987 (dal Dipartamento de l'Anbiente de l'Irlanda del Nord). Le cime de le colone le forma dei scalini che i sparisse fin soto al mar. Le pì tante colone le xe esagonai, ma ghe xe anca tante co quatro, cinque, sete o oto ladi. Le pi alte le riva fin a 12 metri (36 piè).

Lezenda[canbia | canbia el còdaxe]

La lezenda la dise che el zigante Fionn mac Cumhaill (Finn McCool) el ga tirà su la salizzada par ndar a piè fin in Scozia par conbatar col so nemigo scozzese Benandonner. Senpre sta legenda la dise che Finn McCool el se gabia indormenzà prima de rivar in Scozia. Có no'l lo ga visto rivar, Benandonner el xe ndà in cerca de lu. Par protezar Fionn, so mugere la ghe gaveva tacà sora un ninziolo bianco de modo da far finta che el fusse so fiol. Quando che Benandonner el ga visto quanto grando che el gera el tosatel, el xe scanpà via pensando a quanto grando che el gaveva da essar el pare, e desfando la salizzada parché Fionn no'l ghe la fasesse a corarghe drio.

Galaria fotografega[canbia | canbia el còdaxe]

Controło de autoritàVIAF (EN237490572 · WorldCat Identities (EN237490572
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Salizzada_del_Zigante&oldid=957359"