Pojate

Da Wikipedia, l'ençiclopedia libara.
Jump to navigation Jump to search

Pojate (Poiatte nte la lengua taliana) le na frasion del Comun de Alpago, nte la provincia de Belun.

Geografia[canbia | canbia el còdaxe]

Pojate la sta ai pie del bosc de Cansei e la se specia tele limpide aque del lach de Santa Croxe, nte l'area del Alpago, a sirca doi km a sud de Fara. Da Vitorio Veneto la dista dodexe km e vinti da Belun.

Storia[canbia | canbia el còdaxe]

Al nome de la frasion al nas dal nome pojat: vecio sistema par far carbon "cuxinando" la legna. Se ha notisie secure de l'existensa de sto paesot ncora sot al dominio de la Serenissima, quando che su le carte de l'epoca se trovea scrita sbajada co'l nome de Pogiatte. Del dominio dela Republica resta ncora tanti ruderi de fabbricati tipisi usadi anca come case de nobilomini bandidi dal Stato Veneto.

Turismo[canbia | canbia el còdaxe]

Tajada in doi da la strada provincial 423 "del lach de S. Croxe", al paesot le caraterixà al centro da na ceka piasa co na fontana in piera.
Abitada na 'olta per al pì da minadori e carboneri, la e stada e la e votada al culto de Santa Barbara, patrona e protetrice dei minadori, e ghe stat fat anca an cek capitel che se pol vedar sempre te la piasa central.
La ha anca an cek porto par le barche dei pescadori e la e n'importante punto de ritrovo par chi che ghe piaxe al windsurf e la barca a vela.

Trasporti[canbia | canbia el còdaxe]

La stasion feroviaria pì visina le la "Stasion par l'Alpago" (linea Conejan-Belun), che serve tuti i Comun de sta zona. La stasion se trova a sirca sie km da Poiatte, de fronte al lach de S. Croxe e su la strada statal 51 de Alemagna.

Galeria fotografega[canbia | canbia el còdaxe]

Varda anca[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pojate&oldid=647437"