Nicholas Cage

Da Wikipedia, l'ençiclopedia libara.
Infobox de personajo Nicholas Cage
Nicolas Cage Deauville 2013.jpg
Nicolas Cage al Festival del sinema mericano de Deauville 2013, Modeło:Premio
Nasimento7 de xenaro 1964, Long Beach
Ocupasion
  • Ator, produtor sinematografego



Nicholas Cage, (Long Beach, 7 de xenaro 1964) el xe un ator e produtor sinematografego statunitense.

Cage el xe aparìo in pì de otanta film, tra cui Face/Off - Due facce di un assassino (1997), The Family Man (2000), Fuori in 60 secondi (2000), Il mandolino del caitano Corelli (2001), Il mistero dei Templari - National Treasure (2004), Ghost Rider (2007), Il cattivo tenente - Ultima chiamata New Orleans (2009), Ghost Rider - Spirito di vendetta (2012). A l'età de trentado ani el xe deventà el cuinto ator pì xovane de senpre a vinser el Premio Oscar come mejo ator par ła so interpretasion in Via da Las Vegas (1995). In t'una ocaxion el xe pasà drìo ła machina da prexa, dirixendo Sonny (2002).

Biografia[canbia | canbia el còdaxe]

De orixeni itałiane da parte del pare (so nono el jera de Bernalda, in provinsia de Matera, e so nona de Napołi[1]), todesche e połache da parte de mare. El so vero nome xe Nicolas Kim Coppola e'l xe nevodo del regista Francis Ford Coppola e de l'atora Talia Rose Coppola (in arte Talia Shire), nonché cuxin de Sofia Coppola, Jason Schwartzman, Robert Carmine e Roman Coppola e nevodo del conpoxidor Carmine Coppola. Fiol del profesor August Coppola e de ła bałarìna Joy Vogelsang, i so xenitori ga divorsià col gaveva 12 ani. Da xovane Cage ga desidesto de canbiar el so nome par afrancarse da ła reputasion del barba e proar a sfondar cofà ator independentemente da ła çełebrità dei parenti.[2] Cage ga dichiarà de aver canbià el so cognome in onor de John Cage, muxicista e conpoxidor che a l'epoca el ghe piaxeva.[3]

El so primo ròło de spico xe in Rusty il selvaggio (1983), direxesto pròpio da Francis Ford Coppola. Inte el 1984 el xe'l protagonista, insieme a Matthew Modine, del poetico Birdy - Le ali della libertà, de Alan Parker. Tra i vari film prima del premio Oscar A se recorda Stregata dalla luna (che ga frutà na candidatura l Golden Globe) e ła partesipasion a Cuore selvaggio de David Lynch, film che vinse ła Palma d'oro al Festival di Cannes, andove Cage resita visin de Laura Dern.

Protagonista de vari film di asion a ła fin dei ani 1990, come The Rock co Sean Connery e Ed Harris, Con Air, co John Malkovich (tuti do produxesti da Jerry Bruckheimer) e Face/Off - Do fase de un sasin (1997), co John Travolta; el ga łaorà, tra i altri, anca co Martin Scorsese inte el 1999 inte el film dramatego Al di là della vita, e co Brian De Palma inte el film Omicidio in diretta. Tra i film xirà inte i primi ani domiłe fegura: Il ladro di orchidee (2003) de Spike Jonze, indove el interpreta el senegiador Charlie Kaufman; Il genio della truffa (2004) di Ridley Scott; Il mistero dei Templari - National Treasure (2004; produzione Bruckheimer e Disney); Lord of War (2005), in cui el interpreta un trafegante d'armi e World Trade Center (2006), baxà so dramateghi avegnimenti de l'11 de setenbre 2001.

Inte el 2006 el otien ła candidatura al Razzie Awards par ła pexo interpretasion de l'ano in Il prescelto e l'ano sucesivo el otien na candidatura ai Razzie Awards par łe sue interpretasion inte i film Il mistero delle pagine perdute - National Treasure, Ghost Rider e Next.[4] Inte el 2009 el reçita inte el film Segnali dal futuro che otien òtimi incasi in tuto el mondo e drìoman el ciapa parte a łe riprexe del film Il cattivo tenente - Ultima chiamata New Orleans co el cuało el otien el so segondo Toronto Film Critic Award, come mejo interpretasion mascołina. Inte el 2010 el reçita in ben cuatro film, che riva in Itałia soło inte el 2011, tra cui Trespass de Joel Schumacher, regista che ło gaveva xa dirixesto inte el fortunatisimo thriller 8mm - Delitto a luci rosse (1999). Inte el 2012 xe usìo el sequel de Ghost Rider, intitołà Ghost Rider - Spirito di vendetta.

Vita privà[canbia | canbia el còdaxe]

El 26 de disenbre 1990 el ga avùo el so primo fio, Weston Cage, nasùo da na rełasion co ła modeła Christina Fulton. Inte el 1995 el se spoxa co Patricia Arquette, co ła cuała el reçita inte el 1999 in Al di là della vita e da cui el divorsia inte el 2000. Inte el 2002 el spoxa Lisa Marie Presley, ma i do i se łasa xa drìo un mexe e mexo de matrimonio, par po' divorsiar inte el 2004. Senpre inte el 2004, do mexi drìo el divorsio de ła Presley, el spoxa ła camariera axiàtega Alice Kim, da ła cuała el ga ei so segondo fiól, Kal-el (2005), e da ła cuała el se separa inte el xenaro del 2016. Indrìoman el ga na rełasion anca co ła modeła Kristen Zang. Inte el 2019 el spoxa ła makeup artist Erika Koike, chiedendo parò l'anułamento de łe nose 'pena cuatro dì drìo.[5]

El 1º de łujo 2014, a 50 ani, el xe devegnesto nono de Lucian August, fiòło de Weston. Inte el 2015, conplisi presedenti problemi conomeghi, el ga dovesto saldar 96 miłion de dołari col fisco statunitense.[6][7]

Riconosimenti[canbia | canbia el còdaxe]

Steła de Nicolas Cage so ła Hollywood Walk of Fame, Los Angeles (Całifornia)

Nicolas Cage ga otegnesto do candidadure ai Oscar come mejo ator protagonista: par i film Via da Las Vegas, che ghe ga vałesto ła statueta, e par Il ladro di orchidee.[8]

El ga otegnesto do candidadure ai Golden Globe par el mejo ator in un film dramatego, concuistandone uno par Via da Las Vegas.[9] Cuesta ła xe considerada ła mejo interpretasion de l'ator statunitense: tra i altri premi, ghe ga vałesto el Chicago Film Critics Association Award al mejo ator protagonista, el National Board of Review al mejo ator, el Screen Actors Guild Awards al mejo ator, ła capa d'arxento al festival internasionałe del sinema de San Sebastián. El ga vinsesto anca el Toronto Film Critic Award par ła mejo interpretasion mascołina inte i film Il ladro di orchidee e Il cattivo tenente.

Altre candidadure: al Saturn Award, come mejo prova mascołina inte el film Face/Off - Due facce di un assassino e ła dopia candidadura al BAFTA come mejo ator protagonista inte i film Via da Las Vegas e Il ladro di orchidee.[10]

Filmografia[canbia | canbia el còdaxe]

Ator[canbia | canbia el còdaxe]

Sinema[canbia | canbia el còdaxe]

Tełevixion[canbia | canbia el còdaxe]

Documentari[canbia | canbia el còdaxe]

Dopiador[canbia | canbia el còdaxe]

Regista[canbia | canbia el còdaxe]

Produtor[canbia | canbia el còdaxe]

Riconosimenti[canbia | canbia el còdaxe]

Altri riconosimenti[canbia | canbia el còdaxe]

Notasion[canbia | canbia el còdaxe]

  1. Peter Cowie, Coppola: a biography, Da Cao Press, 1988, 2, ISBN 0-306-80598-7.
  2. http://www.biography.com/people/nicolas-cage-9234498biography.com. entrada il 2 gennaio 2017.
  3. Andrea D'Addio, Nicolas Cage si racconta in Transilvania: "Ho fatto ogni tipo di film, ma sento oncora il peso di chiamarmi Coppola"ScreenWEEK.it Blog, 11 de zugno 2019. entrada l'11 de zugno 2019.
  4. (EN) Nicolas Cage "amused" by criticsfilm-news.co.uk, 19 aprile 2012. entrada il 29 marzo 2014.
  5. https://www.tgcom24.mediaset.it/spettacolo/nicolas-cage-chiede-l-annullamento-delle-nozze-dopo-appena-quattro-dì_3199766-201902a.shtml?fbclid=IwAR0E6vOLC2HmoTwAghXNxVlspg4k1qz8u2bFxwShJyZKVMi8Q0ZqVO115g0
  6. (IT) Nicolas Cage in bancarotta: maxi debito da 96 milioni col fisco Usa | Blitz quotidianowww.blitzquotidiano.it. entrada il 22 maggio 2017.
  7. Nicolas Cage, star decaduta: dopo ville e castelli, ora vive in affitto, in ilGiornale.it. entrada il 22 maggio 2017.
  8. (EN) Julie Miller, Nicolas Cage Explains His Recent Oscar-Shunning Career Choices in Most Confusing, Cage-ian Way Possiblevanityfair.com, 14 febbraio 2012. entrada il 29 marzo 2014.
  9. (EN) Seven Days of Golden Globesgoldenglobes.com. entrada il 29 marzo 2014 (archivià dal URL orizenałe il 26 ottobre 2014).
  10. Nicolas Cagemymovies.it. entrada il 29 marzo 2014.

Voxe corełade[canbia | canbia el còdaxe]

Altri projeti[canbia | canbia el còdaxe]

Linganbi foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Nicholas_Cage&oldid=1037419"