John Travolta

John Travolta
Biografia
Nasimènto	(en) John Joseph Travolta ; 18 de febraro del 1954 (70 ani); Englewood (New Jersey) (it)
Dati personałi
Rełijon	Ceza catòłega e Scientology (it)
Formasion	Dwight Morrow High School (en)
Cołor dei oci	Cełeste
Cołor de caveji	Cavejo nero
Atività
Ocupasion	ator, ator de tełevixion, ator, ator de teatro, bałarin, produtor de cine, scritor, cantante, dopiador
Atività	1969 - in atività
Instrumento muzicałe	Voze
Àlbun	10
Repertòrio
	pop rock, R&B, disco, soft rock
Fameja
Cògnuze	Kelly Preston (1991–2020), morte del coniuge (it)
Fiołi	Ella Travolta (it) , Jett Travolta (en)
Zenitori	Salvatore Travolta (en) e Helen Cecilia Travolta (en)
Fradełi	Joey Travolta (it) , Ellen Travolta (it) e Margaret Travolta (it)
	(2012) Prèmio Donostia; (1996) Golden Globe par el mejo atore in un film comèdia o muzicałe, premià par Get Shorty (it) ; stella sulla Hollywood Walk of Fame (it) ; IAS Freedom Medal (en) ;
	Segno
Sito web	travolta.com

John Travolta, (Englewood, 18 de febraro, 1954) el ze un ator, cantante e bałarin statunitense.

El ga otenjesto ła fama internasionałe co i film La febbre del sabato sera (1977), par el cuało el ga risevesto na candidatura par l'Oscar al mejo ator, e Grease (1978). Inte el 1994 el ga intarpretà Vincent Vega inte el film Pulp Fiction, risevendo na segonda candidatura al Premio Oscar al mejo ator. Inte el 1995 el se ga azudegà el Golden Globe par el mejo ator in un film comedia o muzegałe par ła so intarpretasion in Get Shorty. El ga risevùo nantre do candidature ai Golden Globe (oltre a cuełi za minsonai) par i film I colori della vittoria (1998) e Hairspray - Grasso ze bello (2007).

In canpo tełevizivo, el ze conosuo par ła so intarpretasion de Robert Shapiro inte ła serie antołozega American Crime Story (2016), par ła cuała el otenjuo el plauzo de ła critica e na candidatura al Premio Emmy come mejo ator non protagonista.

Biografia

Travolta nase ad Englewood, inte el New Jersey, ultemozenito dei sie fiołi de Salvatore "Sam" Travolta (1912-1995), copropietario de na dita de pneumadeghi, ła Travolta Tyre Exchange, ed ex zogador semiprofesionista de football merican de orizeni itałiane (ła fameja de Sam ła jera orizenaria de Godrano, comune de l'odierna Sità metropułitana de Pałermo), e de Helen Cecilia Burke (1912-1978), na dosente de angleze e de arte dramatega de orizeni irlandeze, in pasà na atora e cantante col grupo muzegałe radiofonego de łe The Sunshine Sisters; ze stà par merito de ła mare, infati, che i picołi Travolta ga avuo modo de creser e formarse a contato co ła muzega e l'arte. Travolta crese so un cuartier de ła sità scuazi escluzivamente irlandezo-merican, venjendo, par so stesa amision, mazormente a contato co łe so raìze irlandeze che co cuełe itałiane a caza. Educà in fameja come catołego, inte el 1975 el deventa menbro ativo de Scientology.

Travolta e i so fradełi i zera uzi ezibirse onji setemana in recite, co łe cuałe łori intratenjiva amighi e visini de caza. A dodeze ani, el vien incorajà dai zenitori a ciapar łesion de tip-tap da Fred Kelly, so fradeło del çełebre Gene. Drioman, el ricita in alcuni musical de cuartier. Inte el 1971, dopo aver frecuentà ła Dwight Morrow High School, el abanda i studi par poderse dedegar a ła propia cariera artistega a tenpo pien.

L'ezordio a Broadway e i primi rołi

A ła reserca de un łaoro inte el teatro, Travolta otien un roło inte ła conpanja itinerante del musical Grease (1971) e'l seita calcando łe sene de Broadway col spetacoło Rain; el gran suceso teatrałe otenjesto co Grease ło mena in ziro par tuti i Stati Unii, e drioman a trasferirse a Los Angeles par seitar ła so cariera da ator. Ła ze so mare Helen a spronarlo a frecuentar corsi de recitasion a New York.

Inte el 1975 el riese farse notar inte el film Il maligno, andove el otien el so primo roło di rimarco.

Inte el 1976, a l'età de sołi 22 ani, Travolta ga el so primo roło da protagonista, entrando a far parte del cast de ła çełebre serie TV I ragazzi del sabato sera, indove el interpreta Vinnie Barbarino, un studente itałian da ła vena poetega, che el se diverte a insołentar el prosimo in rima. In chel steso ano el veste anca i pani de Billy Nolan inte el film horror Carrie - Lo sguardo di Satana, adatamento sinematografego del romanzo d'ezordio de Stephen King Carrie.

El suceso mondiałe

El rejista John Badham resta inpresionà da ła prestasion teatrałe de Travolta, el traze sponto da ła so intarpretasion e'l ło sernise cofà protagonista par el so sucesivo film.

Travolta incontra el suceso col ze protagonista del cult La febbre del sabato sera (1977), inte el roło de Tony Manero, un comeso itało-meregan, che el serca el so riscato el sabo de sera inte łe discoteche newyorkezi. Co sto film, l'ator ze bon de incrementar ulteriormente ła so notorietà, otenjendo anca ła so prima candidatura ai Oscar del 1977. El film se reveła un grandisimo suceso in tuto el mondo, e'l deventa na icona dei ani de ła disco music; grasie a sto film, John Travolta el deventa un divo de fama mondiałe.

El suceso se ripete anca inte el 1978, col vien contatà da Randal Kleiser par intarpretar el roło de Danny Zuko inte el film Grease, traspozisoon sinematografega de l'omonemo musical, e indove el recita insenbre a Olivia Newton-John. El suceso el ze sensa presedenti: el film, anbientà inte i Stati Unii dei ani sincuanta, otien sincue candidature ai Golden Globe inte el 1979 e ła cołona sonora ła vende pì de 25 milion de copie inte el mondo, deventando ła pì vendua inte ła storia de ła muzega. El brano You're the One That I Want, un doto tra Travolta e ła Newton-John, el vende pì de 7 milion de copie globalmente, e'l sta in sima a ła clasifeghe muzegałe de Stati Unii e Renjo Unìo.

Inte i ani drio ła so cariera ła subise na brusca frenada. Intrà i film intarpretai, che no i otien el suceso de publego e critica sperà, se recorda Urban Cowboy (1980), Blow Out (1981), el seguito de La febbre del sabato sera, Staying Alive (1983) di Sylvester Stallone, nonché Due come noi (1983), che ło vede da novo in cubia co Olivia Newton-John dopo Grease. Inte el steso periodo l'ator refuda alcune proposte che pezarà so ła so cariera, tra cui American Gigolò (1980) e Ufficiale e gentiluomo (1982), film che rende famozo Richard Gere.

Ła rinasita co Pulp Fiction e altre cołaborasion

Inte el 1989 el recita in Senti chi parla darente a Kirstie Alley; el film el otien un gran suceso e incasa pì de 297 milion de dołari in tuto el mondo, devenjendo el segondo mazor suceso inte ła cariera de Travolta dai tenpi de Grease; drioamn el recita inte i do seguiti del film: Senti chi parla 2 (1990) e Senti chi parla adesso (1993). Inte el 1989 el partesipa, inazonta, al video muzegałe del sìngoło Liberian Girl di Michael Jackson.

Ła so cariera ła ga na nova inportante zvolta inte el 1994, cuando che Quentin Tarantino ło vol par el sorprendente roło del gangster Vincent Vega in Pulp Fiction, un cult movie che regała a Travolta na segonda zoventù artistega, frutàndoghe anca ła so segonda candidatura ai Oscar.

El roło insołito inte el film de Tarantino ofre l'oportunità a Travolta de tornar a otenjer granda popołarità e de venjir scriturà par i film Get Shorty (1995) e Phenomenon (1996). Co el suceso de sti film, Travolta torna a esar uno dei atori pì rechiesti, come ai tenpi de La febbre del sabato sera. Drioman el partesipa ad altri inportanti film come Mad City - Assalto alla notizia (1997) insenbre a Dustin Hoffman, Face/Off - Due facce di un assassino (1997), a fianco de Nicolas Cage, La figlia del generale (1998), altro sostansiozo suceso al boteghin e di critica, e A Civil Action (1998), de fianco a Robert Duvall.

El novo miłenio e altri projeti

Inte el 2000 el vinse el Razzie Awards par ła pezo intarpretasion de l'ano in do film, Battaglia par la Terra e Magic Numbers - Numeri fortunati. Par el primo, el riseve anca el Razzie Awards a ła pezo copia, un premio singołare vinsesto, come spiegà inte ła motivasion, da l'ator e da chisesipia el gapie recità co eło inte el film^[1].

Inte el 2007 el torna al musical recitando inte el film Hairspray - Grasso ze bello, inte el roło de Edna Turnblad, na formoza dona mare de ła protagonista; anca sto film el se reveła un gran suceso al botehgin. Inte el 2010 el ze protagonista co Jonathan Rhys Meyers in From Paris with Love, del rejista Pierre Morel.

Inte el 2016 el ze tra i protagonisti de American Crime Story, spin-off de ła serie horror antołozega American Horror Story.

Vita privà

So'l set del film tełevizivo The Boy in the Plastic Bubble (1976), Travolta conose l'atora Diana Hyland, a cui el resta łigà fin al 1977, cuando che ła more par un cancro al sen.

Inte i ani novanta Travolta el se spoza du volte co l'atora Kelly Preston, conosua sol set del film Gli esperti americani. Ła cerimonia ła ga da esar ripetua: ła prima, ofisiada el 5 de setenbre 1991 da un ministro de ła ceza de Scientology, no ła ze riconosua vałida sol pian łegałe; ła segonda, sta volta łegalmente vałida, ła ze ofisiada durante el steso meze. Dal matrimonio nase tre fiołi: Jett (1992-2009), Ella Bleu (2000) e Benjamin (2010). Ła fioła Ella ła debuta inte el mondo del sinema inte el 2010, al fianco del pare inte el film Daddy Sitter.

El 12 de łujo 2020, tramite el so account Instagram, el anuncia ła morte de Kelly Preston par un cancro al sen.

El 9 de novenbre 1985 el vien invidà dal prezidente Ronald Reagan a na sena a ła Caza Bianca, durante ła cuała el bała co Diana Spencer, prinsipesa de Galles, in vizita ofisiałe inte i Stati Unii insenbre al mario Carlo.

Morte del fio Jett

El 2 de zenaro 2009 el fiol de sedeze ani, Jett, el mor col ze in vacansa co ła fameja a łe Bahamas par cauze non ben presizae (fursi un ataco cardiaco o na convulsion epiłetega^[2]). Ła fameja ła dichiara che Jett el pativa de ła sindrome de Kawasaki, na małatia che ła provoca l'infiamasion dei vazi sanguinji inte i putełi e che, in forma grave, ła pol cauzar seri problemi al cuor. Tanti acuza Travolta di non aver mai ametesto che el fioło el fuse autistego, roba par cui in pasà el zera stà criticà anca dal Sunday Telegraph e da l'Hollywood Interrupted, ma l'ator el ga senpre zmentìo. El 10 de apriłe 2006 ła Hollywood Interrupted gaveva domandà publegamente a ła copia de curar el fioło privatamente e ła mujer Kelly Preston ła ga confermà l'autizmo del fioło. L'ano drio el fradeło Joey el ga produzesto un documentario so l'autizmo.

Morte de ła mujer Kelly

El 12 de łujo 2020 John Travolta anuncia ła morte de ła mujer, Kelly Preston, avenjesta drioman a na łonga bataja, durà 2 ani, contro el cancro al sen, co na nota: Co ła morte inte el cor A ve informo che ła me bełisima mujer Kelly ła ga perdesto ła so bataja de do ani col cancro al sen. Ła ga conbatùo na corajoza łota co l'amor e'l sostenjo de tante parsone. Ła me fameja e mi saremo par senpre grati ai so dotori e infermieri del MD Anderson Cancer Center, tuti i sentri medeghi che ła ga jutà, cusì come i so tanti amighi e łe parsone care che ze stae al so fianco. L'amor e ła vita de Kelly sarà senpre recordai. Me ciaparò un poco de tenpo par star co i me fiołi che i ga perdesto so mare, cuindi perdoneme in antisipo se no se sentiremo par na scianta. Ma sapié che sentirò el vostro amor inte łe setemane e inte i mezi che venjarà. Tuto el me amor, JT.

Pasion par l'aviasion

Travolta, grando pasionà de aviasion, el ga otenjuo l'abiłitasion de piłota de łinea e'l ze propietario de tre vełivołi che el piłota parsonalmente: un Gulfstream, un Learjet e un Boeing 707 conprà da ła conpanja aerea austrałiana Qantas.^[3] Par sto motivo ła fameja Travolta ła resiede so na viła fazente parte de un viłajo rezidensiałe che el conprende anca na pista di decoło a uzo escluzivo dei rezidenti. Inte el 2010 el ga piłotà uno dei so aerei fin ad Haiti par portar ajuti umanidari a ła popołasion łocałe drioman al tarmoto de Haiti.

Filmografia

Ator

Sinema

The Devil's Rain (Il maligno), regia de Robert Fuest (1975)
Carrie (Carrie - Lo sguardo di Satana), regia de Brian De Palma (1976)
Saturday Night Fever ( La febbre del sabato sera ), regia de John Badham (1977)
Grease (Grease - Brillantina), regia de Randal Kleiser (1978)
Moment by Moment (Attimo par attimo), regia de Jane Wagner (1979)
Urban Cowboy, regia de James Bridges (1980)
Blow Out, regia de Brian De Palma (1981)
Staying Alive, regia de Sylvester Stallone (1983)
Two of a Kind (Due come noi (film 1983)|Due come noi), regia di John Herzfeld (1983)
Perfect, regia de James Bridges (1985)
The Experts (Gli esperti americani), regia de Dave Thomas (1989)
Look Who's Talking (Senti chi parla), regia de Amy Heckerling (1989)
[[Look Who's Talking Too] ( Senti chi parla 2]), regia de Amy Heckerling (1990)
Eyes of an Angel (Teneramente in tre), regia di Robert Harmon (1991)
Shout, regia di Jeffrey Hornaday (1991)
Chains of Gold (Nella tana del serpente), regia de Rod Holcomb (1991)
Look Who's Talking Now (Senti chi parla adesso!), regia de Tom Ropelewski (1993)
Pulp Fiction, regia de Quentin Tarantino (1994)
White Man's Burden (Il rovescio della medaglia (film)|Il rovescio della medaglia), regia de Desmond Nakano (1995)
Get Shorty, regia de Barry Sonnenfeld (1995)
Broken Arrow (Nome in codice: Broken Arrow), regia de John Woo (1996)
Phenomenon, regia de Jon Turteltaub (1996)
Michael, regia de Nora Ephron (1996)
She's So Lovely (She's So Lovely - Così carina), regia di Nick Cassavetes (1997)
Face/Off (Face/Off - Due facce di un assassino ), regia di John Woo (1997)
Mad City (Mad City - Assalto alla notizia), regia di Costa-Gavras (1997)
Primary Colors (I colori della vittoria ), regia di Mike Nichols (1998)
La sottile linea rossa (The Thin Red Line), regia de Terrence Malick (1998)
A Civil Action, regia de Steven Zaillian (1998)
The General's Daughter (La figlia del generale), regia de Simon West (1999)
[[Battlefield Earth ] ( Battaglia par la Terra (film)|Battaglia par la Terra]), regia de Roger Christian (2000)
Magic Numbers (Lucky Numbers - Numeri fortunati), regia de Nora Ephron (2000)
Swordfish (Codice: Swordfish ), regia de Dominic Sena (2001)
Domestic Disturbance ( Unico testimone), regia de Harold Becker (2001)
Basic, regia de John McTiernan (2003)
The Punisher, regia de Jonathan Hensleigh (2004)
A Love Song for Bobby Long ( Una canzone par Bobby Long ), regia de Shainee Gabel (2004)
Ladder 49 ( Squadra 49 ), regia de Jay Russell (2004)
Be Cool, regia de F. Gary Gray (2005)
Lonely Hearts, regia de Todd Robinson (2006)
Wild Hogs (Svalvolati on the road), regia de Walt Becker (2007)
Hairspray - Grasso ze bello! (Hairspray), regia di Adam Shankman (2007)
Pelham 123 (The Taking of Pelham 123 - Ostaggi in metropolitana), regia de Tony Scott (2009)
Daddy Sitter (Old Dogs), regia de Walt Becker (2009)
From Paris with Love, regia de Pierre Morel (2010)
Savages (Le belve (film 2012)|Le belve ), regia de Oliver Stone (2012)
Killing Season, regia de Mark Steven Johnson (2013)
The Forger (The Forger - Il falsario), regia de Philip Martin (2014)
Life on the Line, regia de David Hackl (2015)
Criminal Activities, regia de Jackie Earle Haley (2015)
In a Valley of Violence (Nella valle della violenza), regia de Ti West (2016)
I Am Wrath (I Am Wrath - Io sono vendetta), regia de Chuck Russell (2016)
Gotti - Il primo padrino (Gotti), regia de Kevin Connolly (2018)
Speed Kills, regia de Jodi Scurfield (2018)
Trading Paint (Trading Paint - Oltre la leggenda), regia de Karzan Kader (2018)
The Poison Rose (La rosa velenosa), regia de George Gallo, Francesco Cinquemani e Luca Giliberto (2019)
The Fanatic, regia de Fred Durst (2019)

Tełevizion

Squadra emergenza (Emercency!) - serie TV, 1 epizodio (1972)
Difesa a oltranza (Owen Marshall: Counselor at Law) - serie TV, 1 epizodio (1972)
A tutte le auto della polizia (The Rookies) - serie TV, 1 epizodio (1973)
Nightmare, regia de William Hale - film TV (1974) - non acredità
Medical Center - serie TV, 1 epizodio (1974)
The Boy in the Plastic Bubble, regia de Randal Kleiser - film TV (1976)
Mr. T and Tina - serie TV, 1 episodio (1976)
The Tenth Level, regia de Charles S. Dubin - film TV (1976) - non acredità
The Boy in the Plastic Bubble, regia de Randal Kleiser - film TV (1976)
I ragazzi del sabato sera (Welcome back, Kotter) - serie TV, 81 epizodi (1975-1979)
Basements, regia de Robert Altman - film TV (1987)
The Drew Carey Show - serie TV, 1 epizodio (2001)
Fat actress - serie TV, 1 epizodio (2005)
Kirstie - serie TV, 1 epizodio (2014)
American Crime Story - serie TV, 10 epizodi (2015-2016)

Dopiador

Our Friend Martin, regia de Rob Smiley e Vincenzo Trippetti (1999)
Magnificent Desolation: Walking on the Moon 3D, regia de Mark Cowen (2005) - documentario
Bolt - Un eroe a quattro zampe (Bolt), regia de Byron Howard e Chris Williams (2008)

Senejador

Nella tana del serpente (Chains of Gold), regia de Rod Holcomb (1991)

Discografia

Album

Over Here! (album orizinałe del cast) (1974)
John Travolta (1976)
Can't Let You Go (1977)
Travolta Fever (1978)
Grease (cołona sonora) (1978)
The Road to Freedom (album reałizà par Scientology) (1986)
Let Her In: The Best of John Travolta (1996)
The Collection (2003)

Singołi

You Set My Dreams To Music (1969)
Goodnight Mr. Moon (1969)
Rainbows (1969)
Settle Down (1970)
Moonlight Lady (1971)
Right Time Of The Night (1972)
Big Trouble (1972)
What Would They Say (1973)
Back Doors Crying (1973)
Dream Drummin' (1974)
Easy Evil (1975)
Can't Let You Go (1975)
Let Her In (1976)
Slow Dancin' (1976)
It Had To Be You (1976)
I Don't Know What I Like About You Baby (1976)
Let Her In (1976)
Baby, I Could Be So Good At Lovin' You (1977)
Razzamatazz (1977)
Sandy (1978)
Greased Lightnin' (1978)
Never Gonna Fall In Love Again (1980)
I Thought I Lost You (ft. Miley Cyrus) (2008)

Premi e reconosimenti

Premio Oscar

1978 - Nomination al mejo ator protagonista par La febbre del sabato sera
1995 - Nomination al mejo ator protagonista par Pulp Fiction

Golden Globe

1978 - Nomination mejo ator in un film comedia o muzegałe par La febbre del sabato sera
1979 - Nomination mejo ator in un film comedia o muzegałe par Grease
1995 - Nomination mejo ator in un film dramadego par Pulp Fiction
1996 - Mejo ator in un film comedia o muzegałe par Get Shorty
1999 - Nomination mejo ator in un film comedia o muzegałe par I colori della vittoria
2008 - Nomination mejo ator non protagonista par Hairspray - Grasso ze bello
2017 - Nomination mejo ator non protagonista in una serie, mini-serie o film par ła tełevizion par American Crime Story

National Board of Review Awards

1977 - Mejo ator protagonista par La febbre del sabato sera

New York Film Critics Circle Awards

1977 - Nomination Mejo ator protagonista par La febbre del sabato sera

National Society of Film Critics Awards

1977 - Nomination Mejo ator protagonista par La febbre del sabato sera

BAFTA

1995 - Nomination Mejo ator protagonista par Pulp Fiction

American Comedy Awards

1996 - Mejo ator protagonista par Get Shorty

Chicago Film Critics Association Awards

1995 - Nomination Mejo ator protagonista par Pulp Fiction

David di Donatello

1995 - Mejo ator foresto par Pulp Fiction

London Critics Circle Film Awards

1995 - Ator de l'ano par Pulp Fiction

Los Angeles Film Critics Association Awards

1994 - Mejo ator par Pulp Fiction

Notasion

Bibliografia

(EN) Irene Lamano. "John Travolta". In Italian Americans of the Twentieth Century, ed. George Carpetto and Diane M. Evanac (Tampa, FL: Loggia Press, 1999), pp. 378–379.
(EN) Rachel Simpson. John Travolta, Philadelphia: Chelsea House, 1997.

Altri projeti

Wikimedia Commons el detien imàjini o altri file so John Travolta
Scholia el detien schemi gràfeghi so John Travolta

Linganbi foresti

(inglezo) Sito ufisałetravolta.com. Sconosesta: inglezo (juto)
Travòlta, JohnTreccani.it – Enciclopedie on line, Istituto de ła Ençiclopedia Italiana.
(EN) John TravoltaEnçiclopedia Britannica, Encyclopædia Britannica, Inc.
(EN) Opere di John TravoltaOpen Library, Internet Archive.
(EN) John TravoltaGoodreads.
John TravoltaLast.fm, CBS Interactive.
(EN) John TravoltaAllMusic, All Media Network.
(EN) John TravoltaDiscogs, Zink Media.
(EN) John TravoltaMusicBrainz, MetaBrainz Foundation.
(EN) John TravoltaSecondHandSongs.
(EN) John Travoltagenius.com.
John TravoltaCineDataBase, Rivista del cinematografo.
John TravoltaMYmovies.it, Mo-Net Srl.
John TravoltaMovieplayer.it.
John TravoltaFilmTv.it, Arnoldo Mondadori Editore.
(EN) John TravoltaInternet Movie Database, IMDb.com.
(EN) John TravoltaAllMovie, All Media Network.
(EN) John TravoltaRotten Tomatoes, Flixster Inc.
(EN) John TravoltaMetacritic, CBS Interactive Inc.
(EN) John TravoltaTV.com, CBS Interactive Inc.
(EN) John TravoltaAFI Catalog of Feature Films, American Film Institute.
(EN) John TravoltaBFI Film & TV Database, British Film Institute.
(EN) John TravoltaInternet Broadway Database, The Broadway League.
(EN) John TravoltaBehind The Voice Actors, Inyxception Enterprises.

Controło de autorità	VIAF (EN) 117713609 · ISNI (EN) 0000 0001 2148 7581 · Europeana agent/base/147054 · LCCN (EN) n84006931 · GND (DE) 118623680 · BNF (FR) cb119397268 (data) · BNE (ES) XX4579561 (data) · NLA (EN) 35373991 · NDL (EN, JA) 00621572 · WorldCat Identities (EN) n84-006931

[1] 2000 RAZZIE Nominees & "Winners" - The Official RAZZIE Forum - Page 1 Archivià il 13 de majo 2013 in Internet Archive.

[2] Il Corriere della sera.it: Causa della morte attacco epilettico.

[3] John Travolta's Boeing 707 at Flightstory.net - Aviation Blog

[1]

[2]

[3]