Michele Zarrillo
| Michele Zarrillo | |
|---|---|
 Michele Zarrillo co' ła xornałista Elena Torre. | |
| Informasion xenerałi | |
| Nasùo/a | 13 xugno 1957, Roma |
| In atività dal | 1972 |
| Xenere muxicałe | Pop, Pop Rock, Rock Progresivo |
| Eticheta discografega | Aris, CBS, Fonit Cetra, RTI Music |
| Strumento | chitara, pianoforte |
| Atività prinsipałe | cantautor |
| Discografia | |
| Àlbun publicai | 12 |
| Studio | 10 |
| Live | 2 |
| Sito web | |
Michele Zarrillo (Roma, 13 xugno 1957) xe un cantante e chitarista itałian. Cantante e chitarista bonorìvo, el gà sonà in diversi grupi de ła sena progressive rock itałiana avendo un gran suceso da sołista co'ła vitoria al Festival de Castrocaro 'ntel 1979 e al Festival de Sanremo 1987 ne ła sesion Nove Proposte.
Biografia[canbia | canbia el còdexe]
I exordi[canbia | canbia el còdexe]
El nase a Roma segondogenito da pare che rivava da Rionero in Volture Potensa e de mare orixinal de Corbara Sałerno[1]. 'Ntel 1972 el exordise ch'el xe un mucio xovene come chitarista cantante co' i Semiramis grupo progressive co'l qual publica un albun. L'ano drìo el grupo se sfanta e Michele intra par un periodo non tanto longo nei Rovescio della Medaglia, un altro grupo inportante de l'avanguardia muxicałe de quel periodo. Nei ani sucesivi el se verxe anca al mondo de ła muxica pop publicando nel steso periodo i primi do singołi da sołista, co'l nome d'arte (che i discografici de quel' epoca ghe gaveva inponesto) Andrea Zarrillo.
'Ntel 1979 el torna al so vero nome e vinse el Festival de Castrocaro co' Indietro no, e conpone łe muxiche de Sesso o esse par Renato Zero e Ricetta di donna par Ornella Vanoni (incixa anca da Roberto Vecchioni).
'Ntel 1981 el exordise al Sanremo co' ła canson Su quel pianeta libero a cui l'ano sucesivo ghe va drìo, in una discusa edision del Festival, Una rosa blu, canson che deventarà un suceso un mucio de ani dopo, e sarà inserìa co' altri 3 brani in una ristanpa in cd de l'albun "Sarabanda" 'ntel 1998 intitołà pròpio Una rosa blu.
Dopo un altro 45 xiri pasà sensa rimàrco La Voglia di Volare e Valery, canbia caxa discografica pasando a ła Fonit Cetra, e 'ntel 1987 el riva a łe quante ła vustu ła vitoria a Sanremo ne ła categoria "Nove Proposte" (dopo più de quindex'ani de carièra) co' el brano La notte dei pensieri. Il lato B del 45 xiri, E intanto vivo, vegnarà incixo 'ntel steso ano anca in un dòto co' Loretta Goggi, ne l'albun C'è poesia due, senpre de ła Fonit Cetra.
El suceso de sto brano no xe però suportà adeguatamente da ła caxa discografica e par Michele segue un longo periodo de fermàda de quatro ani amca se, 'ntel 1988 ghe xe stà l'insìda de l'albun Soltanto Amici. Malgrado tute łe dificoltà e łe aprensión de quel periodo, Michele continua a créder in sè steso e a scriver cansón. Nase cussì novi brani, cofà par exenpio Strade di Roma che pì vanti darà scominsio a 'na nova svòlta.
'Ntel 1989 ła cantante de ła band de l'epoca ghe prexenta Vincenzo Incenzo, autor de ła parte łeteraria de ła maxor parte dei brani publicà fin ancùo. Sta nova cołaborasion co' Incenzo fa sì che, pur sensa un contrato discografego, i brani par un eventuałe futuro albun sia xa a bon pónto.
El suceso[canbia | canbia el còdexe]
'Ntel 1990 el taca 'na cołaborasión co' Alessandro Colombini, produtor storico de ła muxica itałiana (Battisti, Bruno Lauzi, PFM, Bennato, Dalla, Venditti, co' el quało el dà vita ad un progeto de laoro, el cui primo rexultado xe ła reałixasión de l'abun Adesso precedùo da ła partecipasion al Sanremo co' ła xa sòra minsionàda Strade di Roma, brano in cui Antontello Venditti tien sànca nel scriver el testo.
A Sanremo 1994 Michele Zarrillo prexenta uno dei so mejo brani, dal titoło Cinque giorni che otien un straxordenario consenso popołàr e de vendite e deventa presto un clasico de ła canson itałiana. El suceso de Cinque Giorni xenera un novo albun, Come uomo tra gli uomini. Ła sucesiva tournée teatrałe conferma el formidabiłe momento artistico de Zarrillo, che 'ntel 1995 se dedica a ła conpoxision patòca dei brani pa'l novo albun, che ese dopo el Festival dfe Sanremo 1996 a cui el partesìpa co'ła cansón L'elefante e la farfalla, cansón che darà el nome al so albun.
El laoro drìo, L'amore vuole amore (otobre 1997), rancura tute łe pì inportanti canson de Michele co' ła axonta de do novi brani (L'amore vuole amore e Ragazza d'argento) e de nove reałixasion de tre canson significative del primo periodo (La notte dei pensieri, Una rosa blu e Su quel pinaeta libero). Sti brani, (in particołàr Una rosa blu otien un novo. strepitoxo suceso e porta l'albun a quota 600 000 copie che xontàe a più de 120 concerti reałixài in un longo e fortunà tour, mena a ła definitiva consacrasion de l'artista. Nel fraténpoi in Spagna, vien publicà l'albun "Cinco dias", (tute łe canson xe stàe ricantàe in spagnoło) e ła title track deventa 'na hit.
Intanto ła version itałiana de l'albun L'amore vuole amore vien distribuìa anca in tanti Paexi eoropei. L'èco de l'anda poxitiva del parcorso artisticio de Michele fa sì che da metà novenbre a metà disenbre '98 Zarrillo se exibise in alcuni concerti oltra oceano otegnindo 'na gran controłarìa de publico e critica.
'Ntel xugno 2000 Michele Zarrillo publica el novo albun dal titoło Il vincitore non c'è, nel quałe el se dedica a 'na riserca muxicałe più fondìva, capaçe de far convìver el so pasà de muxicista d'avanguardia co'l pop d'autor. Nel corso de un tour teatrałe, in un momento de ispirasion fondìva, Michele conpone L'acrobata, che vien prexentà a Sanremo 2011. Sto brano va a xontarse co' quełi pì significativi de ła so vita artistica. Sucesivamente taca a sviłuparse un progeto al qual Michele Zarrillo pensa da tenpo: reałixàr un albun dal vivo, el primo deła so longa carièra.
A tal fìn vien reałixàe łe registrasion durante i do concerti-evento che se tien a Roma e a Firense, nei quałi el grupo gà 'na sesion de archi xontàda. Nel fraténpo Michele conpone alcune nove canson. Infra queste, ghe xe, Gli Angeli che vien presielta pa'l Festival de Sanremo 2002. L'albun live vien publicà subito dopo el Festival co' el titoło Le occasioni dell'amore. Nei do CD xe rancurài disnòve dei grandi sucesi e tre brani inediti reałixài in studio (ła title track, Gli Angeli e Sogno par oltra do ore de muxica.
Ne l'otobre 2003, a tre ani de distansa dal precedente albun da studio, vien publicà "Liberosentire", che gà diexe canson inedite reałixàe in cołaborasion co' Lele Anastasi. Co' sto ablun Michele conferma un staxordenario momento de cresìta artistega, tocando, inaxonta a l'amor, tematiche de caratere sociałe, tratàe co' ła consueta sensibiłità e sincerità. Michele Zarrillo alterna i sucesivi inpegni tra i concerti e ła conpoxision de novi brani.
'Ntel 2006 el publica el CD L'alfabeto degli amanti reałixà in cołaborasion co' Lorenzo Maffia e 'l steso ano el partesìpa al 56° Festival de Sanremo, prexentando el titoło che ghe gà da el nome a l'albun. Co' tałe brano el raxonxe ła final del festival che, quel'ano prevedeva l'aceso ała finałe soło de 8 canson so 30 partesipanti.
'Ntel 2008 el partesìpa ancora al Festival de Sanremo co' un brano dal titoło "L'ultimo film insieme" reałixà co' Giampiero Artegiani. Segue ła publicasion de l'albun Nel tempo e nell'amore, 'na racòlta dei sucesi dal 1981 al 2008, in 2 CD, contenente ła canson prexentàda al Festival.
'Ntel magio 2009 ese Michele Zarrillo Live - Roma, un cd più dvd fruto del concerto del 30 magio 2008 al Palalottomatica de Roma. El laoro contien el brano inedito L'amore infinito.
'Ntel 2009 el gà cantà ne l'ultimo disco de Claudio Baglioni "Q.P.G.A.", ne ła canso "Nuvole e sogni".
El 20 setenbre 2011 vien publicà l'albun de inediti Unici al mondo
Discografia[canbia | canbia el còdexe]
Albun[canbia | canbia el còdexe]
Co' i Semiramis[canbia | canbia el còdexe]
- 1973 - Dedicà a Frazz
45 xiri[canbia | canbia el còdexe]
- 1976 - Maledetta signora/E poi st'amore matto (Aris, AN 410; incixo cofà Andrea Zarrillo)
- 1976 - Il vero amore/I miei cari sentimenti (Aris, AN 426; incixo cofà Andrea Zarrillo)
- 1979 - Indietro no/Quanto (CBS, 7277)
- 1980 - Più forte/Troppo amore (CBS, 8520)
- 1981 - Su quel pianeta libero/Strano (CBS, 9532)
- 1981 - Non è finita/Sarabanda (CBS, A 1226)
- 1982 - Una rosa blu/Venere (CBS, A 1970)
- 1983 - La voglia di volare/Valery (CBS, A 3317)
- 1987 - La notte dei pensieri/E intanto vivo (con Loretta Goggi) (Fonit Cetra, SP 1848)
- 1987 - Dammi un po' di più/Sotto il cielo non c'è niente di nuovo (Fonit Cetra, SP 1859)
- 1988 - Come un giorno di sole/Da quando l'aria sei tu (Fonit Cetra, SP 1862)
- 1992 - Strade di Roma/Strade di Roma (strumentale) (RTI Music, 0702-7)
Sołista[canbia | canbia el còdexe]
- 1982 - Sarabanda (CBS)
- 1988 - Soltanto amici (Fonit Cetra, LPX 196)
- 1992 - Adesso (RTI Music, 1004-1)
- 1994 - Come uomo tra gli uomini (RTI Music)
- 1996 - L'elefante e la farfalla (Rti Music)
- 1997 - Una rosa blu
- 2000 - Il vincitore non c'è
- 2003 - Liberosentire
- 2006 - L'alfabeto degli amanti
- 2011 - Unici al mondo
Racòlte[canbia | canbia el còdexe]
- 1997 - L'amore vuole amore (con due inediti)
- 2008 - Nel tempo e nell'amore (con un inedito)
- 2011 - Le mie canzoni
Live[canbia | canbia el còdexe]
- 2002 - Le occasioni dell'amore (con tre inediti)
- 2009 - Michele Zarrillo Live - Roma
Singołi[canbia | canbia el còdexe]
- 1992 - Innamorando
- 1992 - Adesso
- 1994 - Cinque giorni
- 1994 - Il sopravvento
- 1994 - Il canto del mare
- 1994 - Gli assolati vetri
- 1994 - Perdono
- 1996 - L'elefante e la farfalla
- 1996 - Domani
- 1996 - Come hai potuto
- 1996 - L'infanzia negata
- 1997 - L'amore vuole amore
- 1997 - Ragazza d'argento
- 2000 - Bellissima
- 2000 - Io e te
- 2000 - Prima o poi
- 2001 - L'acrobata
- 2001 - Il vincitore non c'è
- 2002 - Gli angeli
- 2002 - Le occasioni dell'amore
- 2002 - Sogno
- 2003 - Un nuovo giorno
- 2003 - Ballando nei giorni del mondo
- 2003 - Dove il mondo racconta segreti
- 2006 - L'alfabeto degli amanti
- 2006 - Soltanto un attimo
- 2006 - L'amore che resta
- 2006 - Tutta la vita che c'è
- 2008 - L'ultimo film insieme
- 2009 - L'amore infinito
- 2011 - La prima cosa che farò
- 2011 - Unici al mondo
Partecipasion al Festival de Sanremo[canbia | canbia el còdexe]
- 1981 Su quel pianeta libero (Categoria unica - 8º posto)
- 1982 Una rosa blu (Categoria unica - NF)
- 1987 La notte dei pensieri (Categoria Nuove Proposte - 1º posto)
- 1988 Come un giorno di sole (Categoria Big - 15º posto)
- 1992 Strade di Roma (Categoria Big - 11º posto)
- 1994 Cinque giorni (5º posto)
- 1996 L'elefante e la farfalla (11º posto)
- 2001 L'acrobata (4º posto)
- 2002 Gli angeli (11º posto)
- 2006 L'alfabeto degli amanti ('2º posto ne ła categoria Omeni, finałista ne ła clasifica xenerałe)
- 2008 L'ultimo film insieme (11º posto, a struco guałìvo, co' altri partesìpanti)
