Michael Bublé

Da Wikipedia, l'ençiclopedia libara.
Va a: navigasion, serca
Michael Bublé
Michael Bublé durante 'na aparision in publico
Michael Bublé durante 'na aparision in publico
Informasion xenerałi
Nòme vero Michael Steven Bublé
Nasùo/a 9 de setenbre 1975, Burnaby
In atività dal 1996
Xenere muxicałe Swing, Jazz, Pop, Soul
Eticheta discografega
Atività prinsipałe cantante
Discografia
Àlbun publicai 16
Studio 13
Live 3
Racolte 0
Sito web

Michael Steven Bublé (Burnaby 9 setenbre 1975) xe un cantante canadexe.

Biografia[canbia | canbia el còdexe]

I primi ani[canbia | canbia el còdexe]

Dopo esarse trasferìo co' ła fameja a Vancouver a l'età de 8 ani, el gavarìa vołesto deventàr xornałista, ma subito se gà scoverto el so tałento muxicałe, anca grasie ai incoragiamenti de so nono (Demetrio Santagà, orixinàl de Pregansiol, che gà spoxà nona Iolanda, che rivava da Carrufo, frasion picenina de Viła Santa Łusia dei Abrusi ne ła provincia de l'Aquiła), che par primo ło gà łansà al publico canadexe.

Co'l gaveva 17 ani el gà vinto el premio al Canadian Youth Talent Search e nel xiro de pochi ani el gà incixo alcuni CD de marca dipendente, xonxendo po' al vero suceso 'ntel 2003 co' l'insìda de l'albun Michael Bublé Al momento el gà vendùo più de 22 miłion de dischi.

Cresùo a son de swing e so' łe note de Ella Fitzgerald e Frank Sinatra, Bublé ciapa tanto da sto tipo de muxica, par xonta łontana da ła xenerasion de cui el faseva parte, e 'l decide de cantarla otegnìndo otimi rexultadi. E questo soratuto grasie ai nomi itałiani, visto che anca ła nona Iolanda Moscone, ło gà senpre segondà co' rescàldo. El taca un mucio xovane a xiràr el Canada co' diverse band insidendo anca un bon nùmaro de albun.

L'incontro co' David Foster[canbia | canbia el còdexe]

Michael Bublé in concerto ad Atlantic City el 5 marso 2006

Michael vien ingagià par cantàr a ła festa de matrimonio de so fia del primo ministro canadexe Brian Multroney: tra i ospiti ghe xe anca el produtor discografico David Foster, scovridor de tałenti de ła Warner Bros. Foster nel vardarlo exibirse resta imagà e ło mete soto contrato par la 143 Records, picoła label de ła Reprise. 'Ntel 2003 vien publicà l'albun de exordio dal titoło Michael Bublé che ghe ne respecia łe atitudini patoche e ło rendarà famoxo in tuto el mondo, canson pop co' standard del è jazz, da Moondannce de Van Morrison a un clasico del jazz cofà The way you look tonight. El disco, anca grasie ai sontuoxi arangiamenti e a 'na granda orchestra ne ła tradision de łe mejo Big Band americane, rexulta eser la raprexentasion del mondo muxicałe nel quałe Bublé xe cresùo e nel contenpo un omagio ai interpreti che maxormente ło gà ispirà Frank Sinatra, Bobby Darin, Ella Fitzgerald e i Mills Brothers.

Da ałora el suceso xe cresùo senpre de più, co' tournée internasionałi, partesipasion e show tełevixivi e łe registrasion de diversi albun, l'ultimo dei quałi xe Christmas del 2011.

Picołisimo cameo de Michael Bublé 'ntel film Duets del 2000 de Bruce Paltrow, a quel tenpo sconosùo al publico inernasionałe, co' ła pì famoxa Gwyneth Paltrow.

'Na tournée, scominsiàda 'ntel Xenaro 2010 ło gà menà ne łe maxor cavedałi eoropee; alcune date itałiane xe stàe posticipàe par motivi personałi de l'artista.

Vita privàda[canbia | canbia el còdexe]

Michael xe stà fidansà co' Emily Blunt dal 2005 al 2008. 'Ntel lujo 2008 i do gà concluxo ła rełasion a cauxa dei inpegni profesionałi che entranbi gaveva, ma continuando a mantegnìr un raporto de amcisia. Atualmente, el xe spoxà co' Luisana Lopilato, conosùa in Arxentina. I do se gà spoxà co' rito çiviłe el 31 marso 2011 a Buenos Aires. El 2 avrìl i s'a spoxà senpre a Buenos Aires co' rito lerigioxo. Ła toxa xe conparsa 'ntel video del so albun Crazy Love, ne ła canson Heavent'Met You Yet. El cantante xe un mucio amigo de Fiorello; tra l'altro, pròpio a 'na pontàda de Viva Radio 2 el gà fato 'na fedełe imitasion de Eminem. Durante ła segonda pontàda de Il più grande spettacolo dopo il weekend, Michael gà verto ła trasmision e sucesivamente el gà dotà co' Fiorello.

El gà otegnùo ła dopia çitadinansa canadexe e itałiana.

Carateristiche artistiche[canbia | canbia el còdexe]

Profiło vocałe[canbia | canbia el còdexe]

Michael Bublé xe un baritono. Ła so estension vocałe va dal Mib1 (come se pòl sentir da ła so cover de The More I See You) al Sib3 (in un'altra cover, Kissing a Fool. Xe stà clasificà cofà "l'erede" de Frank Sinatra pa'l so particołàr tinbro vocałe. El so stiłe un mucio confidensiałe xe simiłe a queło de grandi Crooner cofà Nat King Cole e Bing Crosby.

Interprete e autor[canbia | canbia el còdexe]

Bublé se aferma cofà interprete, ma da l'albun it's Time mostra de aver doti de autor grasie a ła bałàda Home. In seguito el scrivarà Lost ispirà da ła situasion sentimentałe co' l'atrice Debbie Timuss) ed Everything (ispiràda anca sta volta da 'na ex novìsa, Emily Blunt) entranbe contegnùe ne l'albun Call Me Irresponsible. Da l'albun Crazy Love łe canson ch'el gà scrito xe Haven't Met You Yet e Hold on. Infine pa'ła speciałe edision de Crazy Love Crazy Love(Hollywood Ediiton), Bublé publica Hollywood.

Formasion[canbia | canbia el còdexe]

Precedenti menbri de ła band[canbia | canbia el còdexe]

  • Frank Basile - sasosfono
  • Massimo Bolcati - baso
  • Jason Godman - sasofono alto
  • George Kavoukis - Accordéon
  • Lyman Medeiros - baso
  • Randy Napoleon - chitara
  • Peter Van Nostrand - bateria
  • Bill Wysaske - bateria

Discografia[canbia | canbia el còdexe]

Albun studio[canbia | canbia el còdexe]

Live[canbia | canbia el còdexe]

Compilation[canbia | canbia el còdexe]

  • The Michael Bublé Collection (2011)

EP[canbia | canbia el còdexe]

Albun indipendenti[canbia | canbia el còdexe]

Singołi[canbia | canbia el còdexe]

Altro[canbia | canbia el còdexe]

'Vanti de deventàr cantante el gà avùo 'na carièra curta de ator. Infra łe varie interpretasion, va ricordà ła partesipasion a do episodi de The X-Files de ła tersa stagion, intitołài "L'ufo degli abissi p.t. 1-2" e ła conparsa nel fim "Duets" co' Gwyneth Paltrow e Huey Lewis. El xe anca aparesto 'ntel 4° epixodio de ła segonda stajon de Las Vegas nel ròło de se steso.

Note[canbia | canbia el còdexe]

Altri progeti[canbia | canbia el còdexe]