Medicare

Medicare

Dati
Sorte
Istoria
Creasion	30 de lujo del 1965
'	Social Security Amendments of 1965 (en)
Governo d'impresa
Aministrador dełigà
Autorità ezecutiva	Centers for Medicare and Medicaid Services (en)
Parte de
Altri
Nùmaro de tełèfono	+1-800-633-4227
Sito web	medicare.gov

Medicare el ze el nome dato a un programa de asegurasion mèdega aministrà dal goerno dei Stati Unii, rełasionà a łe persone dai 65 ani in sora, o che i gàpia altri criteri partegołari.

Istòrego

La rełativa leje ła ze sta firmada, co cueła del programa Medicaid, inte el 30 de lujo del 1965 dal presidente Lyndon B. Johnson cofà emendamento al Social Security Act. Inte el momento de firmare ła leje, Johnson el ga asegnà a l'ex presidente Harry S. Truman ła tèsara Medicare fazéndoghene el primo vantajà del programa.

El provedimento el ze finansià par liveło federałe gràsie a łe contribusion dei lavoratori e dei paroni de laoro. I prinsipałi vantaji de ła leje łe ze l'asegurasion ospedałiera e l'asegurasion mèdega gràtis.

De sevente al rełevante inalsamento de ła popołasion ispanòfona inte i Stati Unii, el goerno el ga provedesto a ła tradusion del sito in spagnoło.

Contegnesto

Medicare el ze el programa de asegurasion sanitària american par łe persone dai 65 ani in sora; racuante persone par de soto de cueła età che i ghene połe desfrutar ghe ze zente co insufisense renałi e dezabiłità. In Medicare el ze pusìbiłe iscrìvarse par na parte dizesta A (asegurasion ospedałiera) e na parte dizesta B (asegurasion mèdega). Se no se se iscrive par ła parte B dai 3 mezi antesedenti al conpimento dei 65 ani finmente ai 3 mezi drioman a sta data, se pagarà na penałe che ła consta inte un 10% ano par ogni ano inte el cuało no se se iscrive. Oltre che a ła parte A e B łe ghe ze altre do parte: ła parte C, conosesta cofà Medicare Advantage, ła cuała ła ofre piani de asistensa sanitària zestii da socetà aseguratore privae reconoseste da Medicare; sti piani i fa ciapare vantaji a łe parte A e B e ai so servisi e i concore al pagamento dei fàrmaghi co prescrision; ła parte D, invese, ła concore al pagamento de łe speze dei fàrmaghi, ła sbasa łe speze dei fàrmaghi prescrivesti e ła proteze da l’inalsamento del costo de sti fàrmaghi.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Medicare

Linganbi foresti

• (inglezo) Sito ufisałemedicare.gov.
• (EN) David M. Mazie, Medicare and MedicaidEnçiclopedia Britannica, Encyclopædia Britannica, Inc.

Controło de autorità	LCCN (EN) sh85083053