Mar de Bering
| Mar de Bering | |
|---|---|
 | |
| Parte de | Osèano Pasìfego |
| Coordinae | |
| Giografia fixica | |
| Superfise | 2300000 km² |
| Longhesa | 2400 km |
| Larghesa | 1600 km |
| Fondità masima | 4191 m |
| Fondità mexana | 1600 m |
| Vołume | km³ |
| Sałinità | 26÷33‰ |
| Giografia umana | |
| Giografia pułitega | |
| Stati |  Rusia Stati Unìi
|
 el mar se cata a sentro-sanca | |
El mar de Bering (Imarpik en yupik; Bering Sea en inglexe; Берингово море, Bèringovo more en ruso) l'è na masa de aqua de do miłioni de km² che se cata in te l'oçeano Pacifico. L'è separà dal golfo de Ałaska da ła penixoła d'Ałaska e da łe ixołe ałeutine. Ła confina a est e a nordest co l'Ałaska, a ovest co ła Siberia rusa e ła penixoła de Kamchatka, a sud co ła penixoła d'Ałaska e łe ixołe ałeutine e a l'estremo nord col streto de Bering che separa el mar de Bering dal mar de Chukchi de l'oçeano Artico. Ła baia de Bristol (Iilgayaq) l'è ła porsion de mar de Bering che separa ła penixoła d'Ałaska da ła teraferma (l'Ałaska). El mar de Bering el deve el so nome al primo esplorador europeo a navigar tra łe so aque, el danexe Vitus Bering.
L'ecosistema del mar de Bering l'include risorse soto ła jurisdision dei Stati Unìi e de ła Rusia, oltre a łe aque internasionałi del ‘Donut Hole’. L'interasion tra corenti, banchixa połare e meteo i ghe ne fa un ecosistema vigoroxo e produtivo.
Storia[canbia | canbia el còdexe]
Ła majoransa dei siensiati ła pensa che durante l'ultima glaciasion el livel del mar el fuse baso in bixogno par parmetar ai omani e ai altri animałi de migrar a pié da l'Axia a ła Mèrica del Nord atraverso l'atuałe streto de Bering. Sto paso l'è comunemente ciamà "Beringia" e l'è credùo esar da çerti —seben mia tuti— eruditi el primo ponto de penetrasion dei omani in te łe Meriche.
Ghè na picoła porsion de placa de Kula in tel mar de Bering. L'è n'antica placa tetonica che subduxea soto l'Ałaska durante el Triasico.
Geografia[canbia | canbia el còdexe]
El mar de Bering l'include un bon numaro de ixołe, ła sovrania de łe quałi ła dipende dai Stati Unìi e da ła Rusia. In generałe, dipende da i Stati Unìi quełe piasè visine a l'Ałaska, tra cui:
- Łe ixołe ałeutine
- L'ixoła picoła de łe Diomede
- L'ixoła de King
- L'ixoła Nunivak, ła seconda piasè granda tra quełe bagnè da sto mar
- Łe ixołe Pribilof
- L'ixoła de San Lorenso, ła piasè granda
- L'ixoła de San Mateo
Dipende da ła Rusia quełe piasè visine a ła costa siberiana:
El mar de Bering el contien 16 canyon sotomarini, incluxo el piasè grando del mondo, el canyon Zhemchug.
