Osèano Àrtego

Osèano Àrtego
	;
Sorte	Osèano e mar interior
Epònemo	nord
Parte de	Osèano Atlàntego e osèano mondiałe
Liogo
Nasion rivaresca	Rùsia, Norveja, Islanda, Groenlàndia, Cànada e Stati Unii de l'Amèrica
Rejon aministrativa	àcue internasionałi
Formà da	Mar de Lincoln ; Pasajo a nord-òvest ; Mar de Beaufort ; Mar de Sibèria Orientałe ; Mar de Kara ; Rijpfjorden (en) ; Scoresby Sund ; Duvefjorden (en) ; Mar de Laptev ; Baja de Baffin ; Mar de Wandel ; Mar de Barents ; Stretto di Hudson (it) ; baia di Hudson (it) ; Stretto di Davis (it) ; Mar de Norvegia
Afluente	Kukpuk ,Wolf River (en) ,Hood River (en)
Conca idrogràfega	conca de l'osèano Àrtego
Dati e sifre
Prodondità	màsimo: 5 550 m; mèdio: 1 038 m
Ponto pì baso	Abisso Molloy (it) (−5 550 m )
Àrea	14 056 000 km²
Mezure e indegadori
Vołumi	18 750 000 km³

El Osèano Àrtego o Mar Àrtego el ze un osèano situà intieramente inte ła rejon de l'Àrtego, sircondà da łe estreme rejon setentrionałi de Eoropa, Àzia e Amèrica.

Ła caratarìstega de distinsion prinsipałe de sto osèano el ze l'aver inte ła so parte sentrałe da torno al poło nord, ła superfise jasada in magnera permanenta: se parla de ła banchiza àrtega, che ła sorbise variasion stajonałi estensionàndose verso sud inte el ndar dei mezi invernałi e viceversa retiràndose verso nord inte i mezi d'istà.^[1]

Descrision

Idrografia

L'osèan Àrtego el òcupa na conca aprosimativamente sircołare e el òcupa na àrea de sirca 14090000 km²

.^[2]

Cuazi sarà-sù da ła teraferma, sto osèano el ze sircondà da łe tere de Eoropa, Àzia e Amèrica, st'ùltema co łe coste de Groenlandia e de l'Arsipèłago àrtego. Le so coste se se slarga par un totałe de 45389 km

^[3]; inte el so interno łe ghe ze numarévołi ìzołe. Inte i so bordi se ghe cata racuanti mari perifèreghi: Mare de Barents, Mar de Beaufort, Mare dei Ciukci, Mare de Kara, Mare de Laptev, mare Siberian Orientałe, Mare de Lincoln, Mare de Wandel, Mare de Groenlàndia, Mar Bianco e el Mar de Norveja.

Na dorsałe sotomarina, ła dorsałe de Lomonosov, ła divide el Osèano Àrtego in do conche: cueła eoroaziàtega (col conca de Nansen), che ła ze fonda da 4 000 a 5450 m

, e cueła nordamericana, profonda sirca 4000 m

. In totałe l'Osèano Glaciałe Artego el ze fondo in mèdia 1038 m^[4]. La topografia del fondo oseànego ła ze segnada da dorsałi, piane abisałi, fose e conche.

Carateristeghe de łe àcue

El pì grando fluso de àcua in entrada el vien da l'osèano Atlàntego, gràsie de ła corente norvezeze, che ła core drio ła costa de l'Euràzia. Altra àcua ła entra da l'osèano Pasìfego traerso el streto de Bering. La major parte de l'àrea che va de-fora ła pasa traverso ła corente de ła Groenlàndia orientałe. La tenperatura e ła sałinità łe vària drio łe stajon, sevendo ła formasion e el desolvimento dei jasi. El jaso el gałeja sora de ła superfise de l'àcua, co un spesor mèdio de 3 m

(rivando a un màsimo

10 m

). Ła coltra de jaso dópia ła so grandesa in inverno, inglobando tochi de teraferma arente. I iceberg i se destaca dal confin de ła banchiza, e i naviga lenti verso sud desolvéndose.

Vita marina

Inte l'Osèano Àrtego ghe ze spece a ris-cio intrà łe cuałe el tricheco e ła bałena^[5], oltre che altri mamìfari (pinìpedi) e pesi; intrà i invertebrai ła ze conosesta ła granda Cyanea capillata, prezente inte el mondo no par de soto del 42º parałeło Nord^[6]. L'ecosistema el ze in tuti i cazi vulneràbiłe e lento inte el rifarse.

La vezetasion pì difondesta ła ze cueła del fitoplancton, che el dòpara i nutrienti portai a l'osèano dai fiumi e da łe corenti pasìfeghe e oseàneghe. L'asensa de luze inte el perìodo invernałe e el strato de jaso che ghe ze sora l'àcua łe rende difìsiłe el desviłupo de piante; tuta-via inte l'istà el ze pusìbiłe par łe piante crésar e ver ła fotosìnteze par perìodi pì longhi^[7].

Clima

Le tenperature łe ze sotozero par ła pì granda parte del tenpo e de consevensa el jaso el cuerze ła major parte de ła superfise de l'osèano par tuto l'ano. L'Àrtego el ze na fonte de ària freda che ła se move verso l'ecuatore, catando inte el so pasajo ària pì calda inte łe mèdie latitùdeni provocando piove e nevegae. La so pozision połare ła fa-sì che l'inverno el sìpia longo e par ła major parte inte ła scurità. In sto periodo, el tenpo el ze fredo stàbiłe e el sieło zeneralmente lìnpio. In istà, ła note ła se reduze cuazi a zero, ma ła major radiasion sołare no ła fa erlevar de tanto łe tenperature, ponesto che el so àngoło de incidensa al teren el ze de-tuta-via tanto picenin. El tenpo el ze całigozo, co débołi sicloni che i porta piova e neve.

Fuzion dei jasi

Col crésar del consentramento de anidride carbònega inte l'atmosfera terestre e el consevente fenòmano de rinscaldamento globałe soto-forma de efeto sera, partindo dal sècoło scorso e che oncora-uncó ła ze drio avegner na guałiva fuzion dei jasi àrteghi in vołume e un so retiro in estension. Intrà el 1979 e el 2006 ła estension dei jasi arteghi ła se ze inte el conpleso reduzesta del 25%, mediamente ogni ano 100000 km²

de jaso i se fonde e no i se reforma inte el ndar de l'inverno. Inte el 2009 un'écuipe de siensiai doparando un moderno modeło climàtego e sevendo un sienàrio de incuinamento mèdio el ga stimà che entro el 2100 inte el mare Àrtego tuti i jasari i se garà fondesto.

El poło nord el ze drio sorbirse un buzo inte l'ozono simiłar a cueło pì conosesto del poło sud, ma pì picenin.

Economia

I porti prinsipałi de sto mare i ze łe sità de Murmansk e Arcangelo in Rùsia, Churchill in Cànada, e Prudhoe Bay in Alaska (USA). La navegasion de frecuente ła ze pusibiłe solché d'istà, co che el jaso el dasa lìbara na parte de l'àcua. Łe ze de frecuente nesesàrie speciałi nave spacajaso, che łe ze bone de vèrzarse autonomamente ła via inte un strato de jaso gałejante se el ze bastansa sotiło. El pasajo a nord-ovest (so łe coste nord del Cànada e de l'Alaska) el ze sta teatro de esplorasion racuanto conoseste.

El Osèano Àrtego el ze anca stratezegamente inportante, esendo ła via pì curta intrà el Nordamèrica e ła Rùsia; ghe ze stasion e baze sientìfeghe inte ła zona a Ny Ålesund inte łe ìzołe Svalbard, Norveja.

Notasion

↑ Since the beginning of the 21st century, sea ice covers only 1/3 to 1/2 the surface of the Arctic Ocean at the end of summer.
↑ Oceans of the World (PDF)mset.rst2.edu. entrada il 28 de outubro de 2010.
↑ John W. (ed.), Editors and reporters of The New York Times, The New York Times Almanac, 2006, pp. 455, ISBN 0-14-303820-6.
↑ The Mariana Trench - Oceanography, in www.marianatrench.com, 4 de abril de 2003. entrada il 2 de diciembre de 2006.
↑ (EN) CIA, Artic Ocean, in The World Factbook. entrada il 22 gennaio 2011.
↑ (EN) redOrbit.com, Lion's Mane Jellyfish, in Reference library.
↑ (EN) Terry Whiteledge, Physical Nutrients and Primary ProductivityNOAA ocean explorer - Arctic Expedition 2002. entrada il 22 gennaio 2011.

Varda anca

Lista de ìzołe de l'Osèano Àrtego

Altri projeti

Wikimedia Commons el detien imàjini o altri file so Osèano Àrtego
Scholia el detien schemi gràfeghi so Osèano Àrtego

Linganbi foresti

Artico, Mar GlacialeTreccani.it – Enciclopedie on line, Istituto de ła Ençiclopedia Italiana.
(EN) Osèano ÀrtegoGeographic Names Information System, USGS.

Controło de autorità	VIAF (EN) 248963128 · LCCN (EN) sh85006951 · GND (DE) 4042569-1 · BNF (FR) cb152898754 (data) · BNE (ES) XX457434 (data) · NDL (EN, JA) 00563373 · WorldCat Identities (EN) 248963128

[1] Since the beginning of the 21st century, sea ice covers only 1/3 to 1/2 the surface of the Arctic Ocean at the end of summer.

[Oceans_of_the_World-2] Oceans of the World (PDF)mset.rst2.edu. entrada il 28 de outubro de 2010.

[nyt-3] John W. (ed.), Editors and reporters of The New York Times, The New York Times Almanac, 2006, pp. 455, ISBN 0-14-303820-6.

[4] The Mariana Trench - Oceanography, in www.marianatrench.com, 4 de abril de 2003. entrada il 2 de diciembre de 2006.

[5] (EN) CIA, Artic Ocean, in The World Factbook. entrada il 22 gennaio 2011.

[6] (EN) redOrbit.com, Lion's Mane Jellyfish, in Reference library.

[7] (EN) Terry Whiteledge, Physical Nutrients and Primary ProductivityNOAA ocean explorer - Arctic Expedition 2002. entrada il 22 gennaio 2011.

[1]

[2]

[3]

[4]

[5]

[6]

[7]