Luigi Meneghello

Luigi Meneghello

Biografia
Nasimènto	Mało (Itàlia)
Mòrte	(85 ani) Vicensa (Itàlia)
Dati personałi
Formasion
Atività
Ocupasion
Inprenditor
Partio
Menbro de
Premio Bagutta (it)

Luigi Meneghello (nato a Malo, Vicensa, inte el 1922 - morto a Thiene el 26 de zugno, del 2007) el xe stà un scritor italian. El só primo libro, Libera nos a Malo del '63, el xe ritegnù oncora deso dai critici come una de łe opere leterarie piasè rapresentative del Nóvesento. Dal só libro I piccoli maestri (1964) el xe stà fato anca un film inte el 1998 direto dal regista Daniele Lucchetti.

Vita

Nato a Malo inte el 1922, un paexe de canpagna in provincia de Vicensa, Meneghello el frequenta l'Università de Padoa, in dove ch'el se làurea in fiłoxofia; ghe tóca parò asàr lì i studi durante la guèra (tema che, insieme co ła rexistensa, el vien contà in tel libro I piccoli maestri).

Ła particołare storia de Meneghello ła xe indicativa del personagio, soratuto dopo che ła fameja ła se trasferise da Malo a ła çità: dopo de 'ver frequentà i primi ani de liceo, Meneghello el se ritira parchè drìo lu i studi i xe "masa lenti" e el finise el liceo par conto suo, faxendo i ultimi dó ani in uno solo (difati el ciapa el diploma de maturità a soło sedex'ani). Dopo del'8 setenbre, Meneghello el entra a far parte, insieme co i só conpagni sbandati, del Partio d'Asion.

Inte el 1947 el fonda e el dirige la càtedra de łeteratura itałiana al'Università de Reading in Inghiltera. Dal''80 el vive faxendo 'vanti e indrío tra Reading e Thiene, in dove el va a star na òlta par tute al'inisio del 2000, quando ghe móre só mujér.

Ła poetica de Meneghello la xe particołarìsima: l'anbiente de paexe de Malo el fa da fonte d'ispirasion par łe prime opere come Libera nos a Malo e Pomo Pero, caraterixe da na lengoa tuta sua, na lengoa itałiana leteraria con contaminasion dal diałeto vixentìn e con tante cólte citasion inglexi. Łe temàteghe łe và dal contar łe robe picenine che capita tra ła xente, ai episodi de fameja che serca de contar, in vena umoristica, de na società contadina che al dì d'ancó ła xe drio sparire, a łe storie de ła guera, par rivar in fin al periodo inglexe (del “Dispatrio”).

El xe morto a Thiene el 26 de zugno del 2007.

Bibliografia

Opere de Meneghello

• Libera nos a Malo, Mondadori, Milàn, 1963
• I piccoli maestri, Mondadori, Milàn, 1964
• Pomo Pero , Mondadori, Milàn, 1974
• Fiori italiani , Mondadori, Milàn, 1976
• L’acqua di Malo, Lubrina, 1986
• Il Tremaio. Note sull’interazione tra lingua e dialetto nelle scritture letterarie, Lubrina, 1986
• Jura, Garzanti, Milàn, 1987
• Bau-Sète!, Rizzoli, Milàn, 1988
• Leda e la schioppa, Moretti & Vitali, 1989
• Rivarotta, Moretti & Vitali, 1989
• Che fate quel giovane? , Moretti & Vitali, 1990
• Maredè, Maredè, Rizzoli, Milàn, 1991
• Il dispatrio, Rizzoli, Milàn, 1993
• Promemoria 1994
• Il Turbo e il Chiaro 1996
• La materia di Reading, Rizzoli, Milàn, 1997
• Le Carte. Volume I: Anni sessanta, Rizzoli, Milàn, 1999
• Le Carte. Volume II: Anni settanta, Rizzoli, Milàn, 2000
• Le Carte. Volume III: Anni ottanta, Rizzoli, Milàn, 2001
• Trapianti. Dall'inglese al vicentino, Rizzoli, Milàn, 2002
• Quaggiù nella biosfera. Tre saggi sul lievito poetico delle scritture, Rizzoli, Milàn, 2004
• La materia di Reading e altri reperti, Rizzoli, Milàn, 2005

Opere su Meneghello

• AAVV, Su/Par Meneghello, Edizioni di Comunità, Milàn, a cura de Giulio Lepschy

Altri progetti

• Wikimedia Commons

• Wikimedia Commons el detien imàjini o altri file so Luigi Meneghello