I maestri picinini

I maestri picinini el xe on livro de Luigi Meneghello, publegà intel 1964.

Autobiografego, el parla de ła łota partexana itałiana inte łe tere vènete in tei ani de ła seconda guera mondiałe.

I ga fato anca on film in tei so rivardi, in tel 1998.

Istoria

L'autor in tel setenbre del 1943 el xe un zoino soldà de leva che, co l'Armistisio de Cassibile, el çerca de 'ndar casa, dopo ver butà via łe armi e ła divixa par no esar ciapà. Na olta a caxa parò ghe toca partir de novo par evitar ła nova leva obligatoria volùa da ła Republica Sociałe Itałiana: e cosita el scapa sui monti de l'Altopian de Axiago e el se unise coi primi partigiani.

Meneghello el conta cosita ła so esperiensa da partigian, i contrasti tra de lori, le dificoltà e el senso de inutiłità causà da ła scarsa operatività de łe formasion partigiane; dopo alcuni sucesi el riese a 'ndar zo co altre formasion verso ła val e nei cołi Berici, catandose cosita a do pasi da caxa sua a Malo. Dopo ghe vegnarà afidà alcune mision a Padoa, ła sità dove che lu el studiava fiłoxofia prima de ła guera, e dove el catarà anca l'amor.

Altri progetti

• Wikimedia Commons

• Wikimedia Commons el detien imàjini o altri file so I maestri picinini