Litro

Da Wikipedia, l'ençiclopedia libara.
Grafèma
Grafèma
Grafèma
Grafèma

Se calche caratare in sta pajina nol se vede e vien fora dei cuadratini vodi o dei ponti interogadivi, lexi ła pajina Unicode.

Un resipiente co indicasion del vołume de liquido contenùo, fino a 1 litro.

El litro el xe un'unità de mixura del vołume.[1] Nò'l xe un'unità del SI, ma ła njien comuncue açetà dal Sistema Internasional. El sinboło del litro xe ła letera maiuscoła L opùre minuscoła l.

Definision[canbia | canbia el còdaxe]

Un litro equivałe a:

  • 0,001 metri cubi
  • 1 desimetro cubo
  • 1 000 sentimetri cubi
  • 106 miłimetri cubi
  • el vołume de un cubo de 10 sentimetri de lato

Ghè xe 100 litri in un etolitro. Ghè xe 1 000 litri inte un metro cubo (m³).

El litro el pol essare sudivixo in unità pì picenine utiłixando i prefisi del SI, siché un litro equivałe a:

  • 106 microlitri (µl) =106 miłimetri cubi
  • 1 000 miłilitri (ml) = 1 000 sentimetri cubi (cm³)
  • 100 sentilitri (cl)
  • 10 desilitri (dl)
  • 0,1 decalitri (dal)
  • 0,01 etolitri (hl)

Quantità magiori de liquidi i pol essare mixurài uxando chiłolitri (kl, 1 000 litri), megalitri (Ml, 1 000 000 litri), xigalitri (Gl, 1x109 litri) o teralitri (Tl, 1x1012 litri), ma normalmente in sti caxi i se dopàra i metri cubi (m3, 1 000 litri).

El sinboło[canbia | canbia el còdaxe]

El sinboło del litro xera in orixine l (ła letera minuscoła ele).

Par evitare confuxion co el numaro 1, inte el 1979 fu adotà come alternativa el sinboło L (ła letera maiuscoła ele). El 'National Institute of Standards and Technology dei Stati Unii de ła Mèrica i racomanda ła L maiuscoła.

Prima del 1979, el sinboło (l corsiva minuscoła) entrò inte el uxo de alcuni paexi; a exenpio, jera stà racomandà inte i ani '70 da ła publicasion M33 del South African Bureau of Standards. Sto sinboło rimane inte el uxo comun, ma continua a nò essare acetà dall'Ufiso internasional dei pexi e de łe mexure.

Se cata anca indicà co l'abreviasion lt., ma anca questa sinbołogia nò ła xe accetà.

Storia[canbia | canbia el còdaxe]

Inte el 1793 el litro xe stà introdoto in Fransa come una de łe nove "Mexure Republicane", definìo come un desimetro cubo. El nome deriva da na vecìa unità fransexe, ciamà litron.

Inte el 1879 el Comitato internasional dei pexi e de łe mexure adotò ła definision de litro e el sinboło l.

Inte el 1901 a ła tersa conferensa xenerałe dei pexi e de łe mexure el litro xe stà ridefinìo come el vołume ocupà da 1 kg de aqua pura a ła tenperadura de ła so masima densità (3,98 °C) a ła presion de un'atmosfera. Se pensava che questo fuse 1 dm³, ma sucesivamènte se scoprì che jera 1,000028 dm³. In pì el vołume dipende da ła presion, e l'unità de presion ga come fatore ła masa, otenendo na dipendensa sircołare inte ła definision del chiłogramo.

Inte el 1964 durante ła 12ª Conferensa xenerałe dei pexi e de łe mexure fu ripristinà l'orixinałe definision del litro. Fu consijà l'uxo de questa unità in anbiti comersałi ma nò par laori sientifisi de alta precixion.

Inte el 1979 durante ła 16ª Conferensa xenerałe dei pexi e de łe mexure fu adotà el sinboło alternativo L.

Note[canbia | canbia el còdaxe]

  1. Ła capasità corisponde al vołume de fluido che un resipiente el pol ospitare, mentre el vołume pol riferirse a qualsiasi stato de agregasion, anca sołido. Inoltre, mentre ła capasità xe na grandesa propia de un resipiente, el vołume xe na grandesa propia de qualunque corpo.
Unità de mixura
Sistemi de mixurasion · Conversion dełe unità de mixura · Sistema consuetudinario statunitense · Sistema inperiale britanico · Antiche unità de misura italiane
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Litro&oldid=1029342"