Kelvin

I Kelvin (pi inpropiamente "gradi kelvin"; scursà: K) i xe l'unità de mexura de ła tenperadura termodinàmica che fa parte del Sistema Internasionałe SI. 'Sta unità de mexura qua ła xe stà proposta e definìa dal fìxico britànico William Thomson che l'era baron sóto el nome de Lord Kelvin.

Ła tenperadura de 0 K, dita anca zero asołuto oben zero Kelvin, ła corispónde a ła quiete mołecołar asołuta cioè a ła tenperadura de -273,15 °C che nisuna mołécoła ła se móve pi: de conseguensa, dato el raporto fra tenperadura e vełocità mołecołar, no pol mìa èserghe tenperadure piasè base dei 0 °K.