L'Internasionałe

Da Wikipedia, l'ençiclopedia libara.
Va a: navigasion, serca

L'Internasionałe (L'Internationale in francexe) ła xe ła pì famoxa canson sociałista e comunista, riconosuda confà l'ino dei lavoradori in tuto el mondo.

Comune di Parigi[canbia | canbia el còdexe]

Łe parołe originałi łe xe stà scrite in francexe da Eugène Pottier (18161887) inte'l 1871 par çelebrare ła Comune de Pariji. Pierre Degeyter (18481932) el ga scrito ła muxica inte'l 1888. Fin a queła data el testo el vegneva generalmente cantà co l'aria de ła Marsejexe.

Inno sociałista[canbia | canbia el còdexe]

L'Internasionałe ła xe vegnesta l'ino del sociałismo rivolusionario internasional, come el dixe el so ritorneło: C'est la lutte finale / Groupons-nous et demain / L'Internationale / Sera le genre humain ("Ła xe ła łota final / Metemose insieme e doman / l'Internasionałe / Ła sarà el gènare uman").

Tradusion[canbia | canbia el còdexe]

Ła canson ła xe stà tradota inte inumerevołi łengoe, e de tradision ła xe cantà col pugno sanco alsà in maniera de sałudar.

Iłegal[canbia | canbia el còdexe]

In tante nasioni eoropee l'Internasionałe ła xe stà iłegal a scomiçiar dal XX secoło cauxa ła so imajine rivolusionaria e łe so łirighe d'ispirasion insuresionałista.

Vèneto[canbia | canbia el còdexe]

No existe na tradusion vèneta "ofiçiałe", però ła pol vegner cantà traduxendo el testo itałian in vèneto.