Kodinzòn
 Kodinzòn | |
| Sorte | Dolsi e Deser |
|---|---|
| Rejon d'orìzene | Sospiroło |
| Difuxion | Vèneto |
| Ingredienti prinsipałi | *Pomo (var. Roxeta/Reneta)
|
| Invension | } |
El kodinzòn el xe on dolse tìpego de ła antiga tradision de Bełun fato de pomi.
El nase da on paexe pìcoło de Bełùn che el se ciama "Sospiroło" e el nome el vién da kodinz ke in diałéto bełumato vołe dir pròpio cuartexin de pomo secà.
Sicome el xe on prodoto enerxetego el xe stà portà anca in vàrie spedisiòn de montàgna, cofà inte el Kilimanjaro o anca inte el frédo de l’Antàrtide. Inte ła cultura contadina sto "dolse" el vegnea faxesto a Nadałe par donarlo ai putełi inte łe feste.[1]
Incoi sto prodoto el xe brevetà da ła siora Agnese Lise de Sospirolo.
Come xeło fato?
[canbia | canbia el còdaxe]El xe formà da na pasta de pomi (de ła Roxeta o Renéta) esicà: ste varietà de pomo łe ga la polpa suta belché malòre e cosita łe se seca inte manco tenpo.
Come che el se fa
[canbia | canbia el còdaxe]Ghe vol su par xo 8 kg de pomi par far 1 kg de kodinzòn.
Se ciapa i fruti, i se peła e i se cuxina par cavarghe l’acua finché vién fora na spese de purè.[2] Po' el se destira e se fa on strato fin sora na técia e pò ła se mete a sugàr fora al sołe, o par far pì in presa so on sicatòio.
No se ga da xontarghe njiente de pì, njianca el sùcaro, par mantegnerlo al naturàłe. Se se vołe invese farlo oncor pì enerxetego, se ghe połe xontar on cìn de miełe.
Prexentasion
[canbia | canbia el còdaxe]Col se ga secà, dopo 24 ore xeneralmente, par prexentarlo, łe sfoje łe njien tajae a strichete o a cuadratini, stiłe barete enerxeteghe.
Notasion
[canbia | canbia el còdaxe]- ↑ https://www.saporetipico.it/prodotti-tipici/kodinzon
- ↑ https://www.ilgazzettino.it/pay/belluno_pay/kodinze_kodinzon_bellunesi_arrivano_expo_le_merende_di_un_tempo_base_di-1101338.html
Linganbi foresti
[canbia | canbia el còdaxe]
- (IT) El Kodinzon so Saporetipico.it