Kodinzòn

Da Wikipedia, l'ençiclopedia libara.
Jump to navigation Jump to search
Sto articol al é scrit in belumat

Al kodinzòn (scrit meio kodinžòn) 'l é an prodoto agro-alimentàr de la antica tradižion de Belun fat de pom (ke sarìe el pomo). Al nàs da 'n paese pičol de Bełùn ke se čama "Sospirolo" e 'l nome al vién da kodinz ke in dialéto vol dir proprio spikio de pom sekà.

Sikome ‘l è an prodoto energètico 'l è stàt portà anca in varie spedižiòn de montàña, come al Kilimangiaro o anca inte 'l frét de l’Antartide.

Incoi sto prodoto 'l é brevetà da la siora Agnese Lise de Sospirolo. Par altre informazion varda (IT)sto sito.


Elo fàt comé[canbia | canbia el còdexe]

L’è formà da 'na pasta de pom (de la Roséta o Renéta) esikà: ste varietà de pom le ha la polpa sùta belche malòre e cosita tùt quànt al se seka inte manco temp.

Se'l falo comé[canbia | canbia el còdexe]

Ghe vol pi o manco 8 kg de pom par far 1 kg de kodinzòn.

Se čapa i frùt, i se péla e i se cusìna par cavarghe l’acqua fin ke te vién fora 'na speče de purè. Te 'l destira e te fa an strato fìn fìn sora 'na tecia e pò te la mét a sugàr fora al sol, o par far pi presto su 'n sikatòio.

No te à da meterghe ñent de pì, né žukero e niént de altro, tuta roba naturàl, se proprio te vòl farlo ancora pì energetico, te ghe zonta an cìn de miél. Co se à sekà te lo taia a strikéte o a quadratìn e te lo mét via in sakét po' te pol portartelo drio in gita, in tei momenti de bisonč energètico… o te lo da ai boče par premio, se i sta boni! Sté atenti ke un al tira drio màn kel'altro e se fa presto a finìrlo fora!