Jennifer Lopez
-2_(48696671561)_(cropped).jpg) | |
| Biografia | |
|---|---|
| Nasimènto | (en) Jennifer Lynn Lopez  24 de lujo del 1969 (55 ani)The Bronx (New York) |
| Dati personałi | |
| Altri nomi | J.Lo |
| Grupo ètnego | Portorichegni dei Stati Unii |
| Atività | |
| Posto de laoro | Los Angeles |
| Ocupasion | |
| Atività | 1999 - in atività |
| Zènare | Electronic dance music (it)  , rhythm and blues, pop, musica latina (it) e hip hop |
| Patrimogno neto stimà | 400 M$ (2019) |
| Voze | Mezosopran |
| Instrumento muzicałe | Voze |
| Targheta discogràfega | |
| Àlbun | 10 |
| Àlbun stùdio | 8 |
| Àlbun compilation | 2 |
| Repertòrio | |
Pop, Pop latino, Dance Pop, Latin Dance, Club | |
| Fameja | |
| Cògnuze | Ojani Noa (en) (1997–1998), Divòrsio Cris Judd (it) (2001–2003), DivòrsioMarc Anthony (2004–2014), Divòrsio Ben Affleck (2022–2024), Divòrsio |
| Convivente | Ojani Noa (en) (1996–1997) Sean Combs (1999–2001) Cris Judd (it) (2001–2002)Ben Affleck (2002, 2021–2004, 2022) Marc Anthony (2004–2004) Drake (2016–2017) Alexander Rodriguez (it) (2017–2021) |
| Fiołi | |
| Zenitori | David López (en) e Guadalupe Rodríguez (en) |
| Fradełi | |
| |
 | |
 | |
| Sito web | jenniferlopez.com |
      
                | |
Jennifer Lynn Lopez, mejo conosesta cofà Jennifer Lopez o co'l soranome de J.Lo (New York, 24 łujo 1969), ła ze na cantante, atora, bałarina, inprenditora, showgirl, produtora discogràfega e produtora sinematogràfega statunitense. De orizene portoregane, ła ze una intrà łe mazore esponenti de'l pop łatin comersiałi, ła pì rica tra i łatin-mericani inte l'anbiente hollywoodian segondo Forbes, e ła pì influente atora ispànega d'America segondo ła łista dei "100 ispàneghi pì influennti" de ła revista People in Español[1].
Da'l 1999, Jennifer Lopez ła ga zlansà dieze àlbun, pì volte prezenti a l'interno de ła clasifega de ła Billboard 200[2][3]. Ła ga vinsesto l'American Music Award for Favorite Pop/Rock Female Artist del 2003[4] e American Music Award for Favorite Latin Artist del 2007[5][6][7]. Ła ze conparìa in numarozi film, e ła ga vinto l'ALMA Award inte el 1998 e inte el 1999. Ła ze stà ła prima a publegar un film (Prima o poi mi sposo) e un album (J. Lo) inte el ziro de na soła setemana portandoli tuti do a'l nùmaro 1 de łe clasifeghe muzegałe e sinematografeghe. Ła condivide 'sto record soło co Barbra Streisand e Whitney Houston[8][9]. Inte l'avril del 2011, a scuazi 42 ani, ła ze stà nominà "ła dona pì beła del mondo" dal magazine merican People. Ła ga vendesto sìrca 80 miłion de dischi inte ła só carièra[10][11] e ła stima de'l só patrimonio xe de sìrca 400 miłion de dołari[12][13].
Inte'l 2000 grasie a'l só abito dezenjà da Donatella Versace (deventà drìoman el séłebre Vestito verde Versace de Jennifer Lopez) prezentà a ła serada dei Grammy Award nase Google Immagini, deventando cuindi uno dei abiti pì discusi inte ła storia del tapèo roso. Ła sera del 7 novenbre 2011 ła ga risevùo da Donatella Versace el premio Woman of the Year inte el corso de ła serada a ła Carnegie Hall de New York che selebra ogni ano el corajo de łe done che canbia el mond co łe so idee e el so inpegno. Inte el 2012 ła vien ełexesta Sełebrità pì potente de'l mondo da Forbes[14]. Inte el 2013 ghe vien asegnada ał stèła nùmaro 2500 so ła Hollywood Walk of Fame de Los Angeles[15] e inte el 2014 ła xe ła prima dona inte ła storia a risever el premio Icon Award ai Billboard Music Awards. Inte ła so carièra ła ga cołesionà 4 sìngołi a łe poxision nº 1 e 10 de ła Top 10[16] de ła Billboard Hot 100. Inte el 2018 durante i MTV Video Music Awards 2018 ghe vien conferìo el premio a ła carièra Michael Jackson Video Vanguard Award[17].
Durante ła só carièra ła ga resevesto 2 nominations ai Golden Globe e 2 nominations ai Grammy Award.
Biografia
[canbia | canbia el còdaxe]
Ła ze nasùa el 24 de łujo 1969 da na fameja de orizene spanjołe e nadive portoregane[18][19] a Castle Hill, un cuartier de New York in cui ghe ze na alta consentrasion de portoregani e afromeregani, co taso de criminałità pìtosto ełevà. I zenidori, David Lopez e Guadalupe Rodríguez, i se ga trasferìo da l'izoła caraìbega in serca de fortuna. Par 'sto motivo Jennifer ła ze riusìa ad inparar fin da puteła do łengue, l'ingleze e el spanjoło. Ła ga do sorèłe: Lynda e Leslie. Só pare David el ga łaorà cofà vardian noturno a ła Guardian Insurance Company, vanti de deventar un tècnego de computer, e so mare Guadalupe ła zera na cazałìna. Co Jennifer ła ze nasesta, ła fameja ła viveva in un picoło partamento, ma ła ze riusìa ad acuistarghene uno a do piani un paro de ani drìo, concludendo un acuisto che pareva ezajerà par na fameja rełativamente pòvara cofà cueła dei Lopez.
Jennifer gaveva ciapà łesion de canto e de dansa sin da l'età de 5 ani. Ła ga frecuentà de łe scòłe catołeghe e in partegołar ła Preston High School, na scòła par sołe toxe inte el Bronx. A l'età de 18 ani ła ga łasà ła caxa e se ga mantegnesto da so pòsta, pagandose łe lesion de canto e de bàło. Dopo aver frecuentà el Baruch College par un semestre, ła ga dividesto el so tenpo tra na ocupasion in un studio łegałe, scòłe de dansa e tra performance de bàło inte i night club de Manhattan. Dopo mexi de audision, Jennifer xera stà sełesionà come bałarina par vari video rap, un epixodio de Yo! MTV Raps (1990), e come bałarina de rixerva par i New Kids on the Block par ła so performance de ła canson "Games" par l'American Music Awards inte el 1991. Poco pì tardi, ła xe devegnesta bałarina de rixerva par Janet Jackson e ła ga faxesto na aparision inte el so video del 1993 That's the Way Love Goes[20].[21]
Carièra
[canbia | canbia el còdaxe]Tełevizion
[canbia | canbia el còdaxe]Dopo un tour in Japon, ła ga ezordìo so'l picoło schermo inte'l 1990 co ła sit-com In Living Color, inte ła cuała ła interpretava ła parte de ła Hip-Hop Girl[22]. Par continuar a far parte de'l cast, ła ze ndà a Los Angeles insieme a'l só primo morozo, David Cruz. Ła ga partesipà a'l programa tełevizivo fin a'l 1991, inisiando inte'l fratenpo a ciapar łesion de resitasion.
Ła ze stà notà grasie a un spesiałe so'l drìo łe cuinte de In Living Color e ła ga fazesto un provin par South Central, tełefilm che'l ga avùo vita curta; propio mentre na rede tełeviziva inportante ła gavarìa posùo prołongar 'sta serie, A ghe ze stà ofrìo un contrato domeché a ła Lopez, par interpretar Melinda Lopez inte ła serie tv Second Chances. Ła prima serie de'l tełefilm ła ga avesto un discreto suceso: A zera el 1993, ano inte'l cuało Jennifer ła apariva anca inte'l par ła tv Nurses On The Line: The Crash Of Flight 7, mejo conosùo come Lost In The Wild. El suceso de'l só parsonazo in Second Chances el ga spenzesto i produtori a crear un spin-off de'l tełefilm e inte'l 1994 A ze ndà in programasion Hotel Malibu.
Tra el 2004 e'l 2005, ła ze stà ła guest star de tre epizodi de ła sit-com Will & Grace.
Inte'l magio de'l 2006, ła xze stada ła produtora ezecutiva de'l reality show conponesto da oto epizodi, DanceLife, trazmetesto da MTV, da'l 15 de zenaro de'l 2007. L'atora ła ga cołaborà a ła sełesion dei partesipanti de'l spetacoło e ła ga fato algune aparision inte'l programa.
Inte'l 2007 ła ze stada produtora ezecutiva de na miniserie trazmetesta so Univisión, intitołada Como ama una mujer, trazmetesta in sincue epizodi da'l 30 de otobre a'l 27 de novenbre 2007, co i atori Christian Borrero e Adriana Cruz. Inte l'isteso parìodo ła ga firmà un contrato come star e produtora de un reality par TLC.
Ła ze stà anca inpenjada inte'l reality show merican American Idol, andove che ła ga fazesto ła só prima aparision come mentore el 10 de apriłe de'l 2007. Drioman ła ze entrada a far parte de ła zurìa par łe edision de'l 2010, 2011 e 2014.
Inte'l 2010 ła ze aparìa come guest star in un epizodio de ła serie tełeviziva How I Met Your Mother, inte el roło de ła scritora Anita.
Inte'l 2013 ła ga produzesto ła serie tv The Fosters, a temàdega LGBT, che'l ga debutà so ła rede tełeviziva mericana ABC Family.
Inte'l 2016 ła ze protagonista de ła serie TV połisiesca de ła NBC Shades of Blue che ła vede come protagonista anca inte ła segonda stajon inte'l 2017 e renovada par na tersa stajon che ła ndarà in onda inte'l 2018 grasie ai alti ascolti otenjesti.
Sinema
[canbia | canbia el còdaxe]
Inte el 1994 ła ga reçità in My family, un film indipendente direto da Gregory Nava e anbientà inte i ani vinti, in cui ła ga avesto ła parte de Maria Sanchez; el film ga avesto suceso inte ła comunidà ispànega e ła ga otegnesto varie nomination, de cui una ai Oscar[23], e ła Lopez ga avùo na nomination ai Independent Spirit Awards come mejo atora exordiente inte el 1996[24]. El steso ano ła ga reçità al fianco de Wesley Snipes e Woody Harrelson inte el połisiesco Money Train, el so primo film ad alto budget. Anca in sto film ła ga interpretà na dona łatin-mericana ma, a difarensa de ła prima, inte ła cuała ła rivestiva i pani de na mesegana, cui ła jera Grace Santiago, na dona portoregana del Bronx.
Inte el 1996 Francis Ford Coppola ła ga vołesta in Jack inte i pani de na mestra de scòła ełementar. Inte el film ła ga reçità al fianco de Robin Williams.
Inte el 1997 ła ga reçità in Blood and Wine de Bob Rafelson, al fianco de Jack Nicholson, Stephen Dorff e Michael Caine, interpretando oncora un personaxo łatin-merican, Gabriela, conosùa come Gabi, de orixeni cubane.
Ła svolta inte ła so carièra ła xe stà costituìa da ła partesipasion al film Selena, so ła vita de ła cantante Selena Quintanilla Pérez, copada a 23 ani. Direto da Gregory Nava, el film xe stà un suceso al boteghin[25][26] e'l ga risevesto varie nomination, tra cui cueła de ła Lopez ai Golden Globe come mejo atora protagonista[27].
Inte el sucesivo film d'aventura-horror Anaconda ła Lopez ła ga interpretà Terri Flores, regista de un grupo de cineasti che gera drìo reałixar un documentario in Amasonia. Inte el steso ano ła vien direta da Oliver Stone, inte el thriller U Turn, indove ła Lopez, inpersonando l'indiana Grace McKenna, par ła prima volta inte ła so carièra ła ga interpretà un personaxo non łatin-merican.
Inte el 1998 ła xe stada Karen Sisco, inte el połisiesco Out of Sight al fianco de George Clooney. Inte el steso ła ga partesipà co ła so voxe, al film-anemasion Z la formica, dopiando ła formìga operaia Azteca[28].
Dapò un ano de pauxa so i schermi sinematografeghi ła xe toranda co The Cell - La cellula, un thriller psicołoxego de Tarsem Singh co Vince Vaughn, inte i pani de ła psicoterapeuta Catherine Deane. Inte el 2001 ła ga recità in altri do film: ła comedia romantega Prima o poi mi sposo e el połisiesco romantego Angel Eyes - Occhi d'angelo co Jim Caviezel.
Inte el 2002 ła xe stada protagonista del thriller Via dall'incubo.
Inte el 2003 ła ga recità in Un amore a 5 stelle e Amore estremo - Tough Love e inte el 2004 Jersey Girl e Shall We Dance?.
Inte el 2005 ła xe stada protagonista de do film, el primo insenbre a Jane Fonda in Quel mostro di suocera e el segondo al fianco de Morgan Freeman e Robert Redford in Il vento del perdono.
Do film produxesti da Jennifer ga catà spasio inte i film festival: Bordertown (2006) al film festival de Bruxelles e El Cantante (2007) al Festival internasionałe del film de Toronto. In sto ùltemo film l'atora ła ga cołaborà col marìo cantante-ator Marc Anthony. El film xe in inglexe, co un uxo de sototitołi par łe canson co testi spagnołi.
Ła Lopez inte el 2010 ła xe stà inpegnà col film Piacere, sono un po' incinta na comedia romantega al fianco de l'ator Alex O'Loughlin.
A l'inisio del 2012 ła ga recità inte el film intitołà Che cosa aspettarsi quando si aspetta, al fianco de Cameron Diaz. Ancora inte el 2012 ła xe tornada al dopiagio, prestando ła voxe a ła tigre Shira inte el film d'anemasion L'era glaciale 4 - Continenti alla deriva.
Inte el 2013 ła ga recità inte el film Parker al fianco de Jason Statham. Inte el mexe de zugno , durante na intervista radiofonega ła ga dichiarà de aver acetà na parte par un film intitołà The 33 al fianco de Antonio Banderas, ma drìoman ła ga abandonà el set a cauxa de disapori co ła produsion.
Inte el 2015 ła cantante ła torna oncora al dopiagio in Home - A casa, film d'anemasion de ła DreamWorks, partesipando anca a ła cołona sonora col sìngoło Feel the Light, contegnùo inte l'album Home (Original Motion Picture Soundtrack) e prexentà par ła prima volta ad American Idol.
A xenaro xe usìo el film Il ragazzo della porta accanto, un thriller erotico in te'l cuało ła vien afiancada dal xovane ator e bałarin Ryan Guzman. El film, nonostante tante critiche negative, ga otegnesto un gran suceso al boteghin.
Inte el 2016 ła xe tornà a dopiar el personaxo de Shira in L'era glaciale - In rotta di collisione, cuinto capitoło de l'omonema saga. Inte el 2018 ła xe ła protagonista de "Ricomincio Da Me", film in cui ła reçita al fianco de Vanessa Hudgens. Inte el 2019 ła interpreta ła spojarełista Ramona inte ła comedia Le ragazze di Wall Street - Business Is Business.[29]
Incasi sinematogràfeghi e vadanji conplesivi
[canbia | canbia el còdaxe]Jennifer Lopez ła ze una de łe atore pì pagàe a Hollywood e l'atora łatina pì pagada inte ła storia de Hollywood[30], anca se no ła ga mai fato parte de un film che'l gabia incasà pì de 100 miłion de dołari inte i Stati Unìi. Jennifer ła ze aparìa inte'l Guinness dei primati de'l 2007 come atora pì enèrzega[31]. Ła jera inte ła łista top ten de łe paghe de atore de The Hollywood Reporter inte'l 2002, 2003 e 2004[32]. Ła ga resevùo 15 miłion de dołari par el só roło in Quel mostro di suocera[33]. El film Un amore a 5 stelle el ga ciapà i 94 011 225 dołari[34], mentre Shall We Dance?, el ga ciapà 112 238 000 dołari a'l boteghin intarnasionałe, par i ascolti 57 890 460 dołari e un totałe 170 128 460 dołari in tuto el mondo.
El ocupa ła nona pozision inte ła łista de'l magazine Forbes de łe 20 done de spetacoło pì riche.
Mùzega
[canbia | canbia el còdaxe]
Inte'l 1999 ła ga debutà inte'l mondo de ła mùzega co'l singoło If You Had My Love, publegando el só primo àlbun On the 6, che ad ancò el ga vendesto 8 miłion de copie[35][36][37]. I altri singołi ciapài fora i ze stài No Me Ames (solchè par l'America łatina, in doto co Marc Anthony), Waiting for Tonight, Feelin' So Good e Let's Get Loud (solchè par Europa e Australia).
Inte'l 2001 ła ga publegà el singoło Love Don't Cost a Thing che'l antisipava l'usida de l'àlbun J.Lo. L'album el ga debutà a ła prima pozision in Amerega e in tanti altri paezi[38] diventando, con dodici milioni di copie, il suo album più venduto finora[39][40]. I altri singołi i ze stài Play, Ain't It Funny (non publegà inte i USA) e I'm Real.
Inte'l 2002 ła ga publegà el só primo àlbun de remix J to tha L-O!: The Remixes, i cui singołi estrazesti i ze stài I'm Real(Murder Remix), Ain't It Funny (Murder Remix) e I'm Gonna Be Alright (Trackmasters Remix). El suceso de l'àlbun el ghe ga conferìo do record: co i só tre miłion de copie el ze el terso àlbun de remix pì vendùo de ła storia e el ze el primo a debutar a ła prima pozision inte i Stati Unii. Inte el steso ano ła ga publegà l'àlbun This Is Me... Then che el ga vendùo pì de sete miłion de copie, de cui, do miłion e mezo solchè inte i Stati Unìi[41]. El singoło de zlanso el ze stà Jenny from the Block, a cui ze sevità All I Have, I'm Glad e Baby I Love You.
Inte'l 2005 el singoło Get Right el ga antisipà l'usida deRebirth che'l ga debutà a ła segonda pozision inte ła Billboard 200 inte i Stati Unìi. El segondo singoło estrazesto el ze stà : Hold You Down. L'àlbun el ga vendùo suparzó tre miłion de copie[42].
Inte'l 2006 ła ga publegà el singoło Control Myself.
Inte'l 2007 A ze venjùo fora el singoło Qué hiciste antisipando el primo àlbun in spanjoło de ła cantante, da'l titoło Como ama una mujer.
L'àlbun el ga vendùo oltra Cuatrosentocincuantamiłe copie inte łe prime setemane, razonzendo ła dièzema pozision inte ła Billboard 200[43]. Da l'àlbun A ze sta estrazesti come singołi promosionałi Me Haces Falta e Por Arriesgarnos.
Inte'l steso ano vien publegà l'àlbun Brave, antisipà da'l singoło Do It Well, che'l senja ritorno a l'ingleze. El segondo singoło el ze Hold It Don't Drop It, publegà solchè in Itałia indove el ga ciapà el cuarto posto. El singoło el ga ciapà ła prima pozision de ła Hot Dance Club Play de Billboard[44]. Tutavia, 'sto àlbun no'l ga otenjùo el suceso dei presedenti in tèrmeni de vendite.
El 19 de febraro 2010 Jennifer ła ze stà ospite spesiałe a'l Festival de Sanremo 2010, indove l'ha cantà ła canson (What Is) Love? e alguni tra i só pì grandi sucesi.
Fra el 2008 e'l 2011 ła ga rejistrà racuante canson par el só novo àlbun, Love?, firmando un contrato co ła Def Jam. Ła publegasion ła ze avenjesta el 29 de avril 2011 in Europa e el 3 de majo inte i Stati Unìi[45]. L'album el ze stà antisipà dai singołi Fresh Out the Oven, in cołaborasion co Pitbull, e Louboutins, drioman no includesti inte l'album, a cauza del scarso suceso otegnuo da entranbi inte łe clasifeghe de vendita.
A zenaro 2011 ze stà publegà el novo sìngoło se zlanso, oncora in cołaborasion co Pitbull, On the Floor[46], che'l ga reportà Jennifer Lopez inte ła top ten dei Stati Unii dopo oto ani[47].
Da l'àlbun A ze stài ciapài fora altri do singołi: I'm Into You co Lil' Wayne e Papi.
_(cropped).jpg)
Inte'l 2012 A vien publegà Dance Again... the Hits, el primo Greatest hits de ła cantante, da'l cuało vien ciapài sìngołi Dance Again in cołaborasion co Pitbull) e Goin' In co Flo Rida.
Inte'l steso parìodo vien publegà anca el singoło Follow the Leader, produzesto da'l do Wisin & Yandel.
Inte'l 2013 insenbre ad Andrea Bocelli ła ga publegà el singoło Quizas, quizas, quizas che'l ga razonzesto ła sima de ła Billboard Classic. A majo A ze venjùo fora el singoło Live It Up, cofà antisipasion de'l só novo àlbun, da novo in cołaborasion co Pitbull.
Inte'l novenbre 2013 ła cantante, in ocazion de'l retiro de'l Premios Juventud ła se ga ezibìa insenbre a Pitbull co un mash-up dei só pì grandi sucesi: On the Floor, Dance Again e Live It Up.
El 24 de novenbre ła se ga ezibìa ai American Music Awards, in un conserto tributo a ła rezina de ła salsa Celia Cruz.
Inte'l zenaro 2014 vien publegà un teaser video de un novo singoło scrivesto in cołaborasion co Chris Brown el cui titoło el ze Same Girl che, come eła istesa ła ga dichiarà in un'intervista, el ze un regało par i fan, non sendo includesto in nisun projeto de ła cantante. El 22 de zenaro 2014 A vien publegà l'audio de Girls, uno dei singołi promosionałi de l'iminente otavo àlbun in studio de ła cantante. Inazonta A vien anunsià ła só partesipasion a l'ino dei Mondiałi de calcio 2014 We Are One (Ole Ola), reałizà da'l rapper Pitbull, cantà in copia co sto ùltemo e co ła cantante braziłiana Claudia Leitte. El 31 de zenaro vien publegà el video de Same Girl, segondo singoło promosionałe.
El 3 de marso vien publegà el video de Adrenalina de'l cantante portoregan Wisin, in cołaborasion co Jennifer Lopez e Ricky Martin. El 13 de marso vien publegà el video de I Luh Ya Papi in cołaborasion co French Montana, primo singoło estraesto da'l novo àlbun A.K.A. de ła cantante. El brano el vien prezentà in anteprima ad American Idol. El 29 de marso ła cantante ła se ga ezibìa a Dubai par ła finałe de ła Copa de'l Mondo de Dubai indove par ła prima volta ła ga cantà Girls, I Luh Ya Papi e anca Never Satisfied, brano inedito includesto inte'l novo àlbun.
El 25 de apriłe A vien anunsià el tìtoło de'l segondo singoło estraesto da l'àlbun, First Love, che'l vien publegà el primo de majo e'l cui video ze venjesto fora a ła fine de'l steso meze
.JPG)
El 17 de majo 2014 ła ga partesipà ai Billboard Music Awards, verzendo ła serada insenbre a Pitbull e Claudia Leitte co ła performance de We Are One (Ole Ola) e indove ła ga promovesto anca el novo singoło First Love, resevendo el premio Icon Award, devntando ła cuarta artista inte ła storia ad averlo resevùo e ła prima dona in asołuto.
El 12 de zunjo ła cantante ła se ga ezibìa insenbre a Pitbull e Claudia Leitte a ła sarimonia de vertura dei Mondiałi de Calcio 2014 so łe note de We Are One (Olè Olà),[48] publegando el zorno sucesivo, el só òtavo àlbun in studio, dièzemo de ła só carièra, A.K.A., in cui Jennifer Lopez ła ga cołaborà co racuanti artisti, cofà Chris Brown (Same Girl), Sia (Expertease (Ready Set Go) ), T.I. (A.K.A.), French Montana (I Luh Ya Papi e Same Girl), Iggy Azalea (Acting Like That & Booty), Rick Ross (Worry No More), Pitbull (Booty), Jack Mizrahi (Tens) e Nas (Troubeaux). El disco parò el ze el rezultà el manco vendùo de tuta ła só cariera, co sołe setantun miłe copie totałi vendùe. A ła fin de'l steso meze ła ga tenjùo un conserto a maca de oltra do ore inte'l Bronx, a sorpreza par i só fans.
El 23 de setenbre 2014 ze stà publegà el terso singoło de l'àlbun, Booty, in cołaborasion co Iggy Azalea, l'ùnego singoło che'l riese a piasarse ben inte łe clasifeghe. In orìzene el brano el jera in cołaborasion co Pitbull ma ła cantante ła ga desidesto de sostituirlo in un segondo momento co Iggy Azalea. El singoło el vien promovesto co na performance ai American Music Awards, e co un video a'l cuało ga partesipà ła stesa Azalea.
El 4 de novenbre vien publegà el primo łibro de ła cantante intitołà True Love, un łibro autobiogràfego indove reparcorer łe tape de'l só primo tour e de ła só vita. Na parte dei proventi recavà da ła vendita de'l łibro i ze stà destinà a ła Lopez family foundation.
El 31 de desenbre 2014 ła cantante ła ga tenjùo conserto a Las Vegas cantando, oltra ai só sucesi, alguni brani de l'àlbun A.K.A., inaugurando cusì el só parìodo de conserti inte la sità de'l Nevada. El steso zorno A vien trazmetesto da ła rede tełeviziva HBO el docufilm Dance Again, che'l reparcore łe tape de'l tour de ła cantante e de ła só vita.
Inte'l 2015 vien anunsià ła só residency a Las Vegas che ła sarìa partìa da zenaro de'l 2016, co na serie de conserti a'l Planet Hollywood de Las Vegas. Ła nota revista Billboard ła ga pozisionà el só show a'l primo posto par incasi e cuałità.
A majo ła cantante ła se ga ezibìo ai Latin Billboards Music Awards in un tributo a ła cantante łatina Selena Quintanilla.
Inte'l meze de zunjo 2015 A vien rełasà el singoło Back It Up in cołaborasion co Prince Royce e Pitbull. Ła canson ła vien reałizà par ła prima volta durando ła finałe de ła penùltema stajon de American Idol, indove ła cantante ła coverzeva el łogo de zùdeze. Ła canson ła ga resevùo na nomination ai Latin Grammy Awards come mejo canson urban. Inte l'isteso ano A ze sta publegà dei singołi promosionałi che i ga vedesto ła partesipasion de ła Lopez: What you mean to me de Trey Songz e Try Me de Jason Derulo, che'l vien drioman publegà come terso singoło de l'àlbun de'l cantante.
A łujo 2015 ła cantante ła ga tenhjesto un conserto in Maroco in ocazion de'l Mawazine Festival che'l vien trazmetesto live da łe redi tełevizive łocałi. Tutavia, a cauza de łe coreografie masa sexy e dei abiti dezbonigołài el conserto el ga susità controversie cuando el governo marochin ła ga condanà a do ani de prezon.
A setenbre 2015 vien publegà na nova varsion de'l singoło El mismo sol de'l cantaudor spanjoło Álvaro Soler. Inte l'isteso meze ła cantante ła se ga ezibìo a l'IHeartRadio Music Festival prezentando ła nova varsion de El mismo sol e un novo singoło da sołista intitołà Breaking Me Down[49]. El singoło el farà parte, insenbre ai brani confermài Two Sides e Amnesia, de'l só novo àlbun in studio, par el cuało ła ga rechiedesto anca ła co-produsion de RedOne e Liam Payne[50].
El 7 de apriłe 2016 ze vegnesto fora el singoło Ain't Your Mama, scrivesto da Meghan Trainor e produzesto da Dr. Luke. El video che'l conpanja ła canson ze el pì vełose de ła cantante a razónzer ła sertifegasion Vevo. Drìoman, Jennifer ła cołabora da novo co'l só ex marìo Marc Anthony inte'l brano "Olvídame y Pega la Vuelta".
Inte'l 2017 ze stà publegà Ni tú ni yo in cołaborasion co Gente de Zona. Ghe ze andà drìo Amor, amor, amor in cołaborasion co'l rapper Wisin.
Inte'l 2018 A vien invese publegà el singoło "Us", a'l cuało fa sùito da sèito n'altro singoło in spanjoło, "El Anillo". Drioman, Jennifer ła cołabora co'l produtor DJ Khaled e co ła rapper Cardi B inte'l brano "Dinero" e co'l rapper łatin Bad Bunny in un remix de "El Anillo".
Inte'l 2019, ła dota co Bryan Adams inte'l brano That’s How Strong Our Love Is par l'àlbun Shine a Light.[51] L'artista ła reałiza inazonta altri singołi cofà: "Limitless", da ła cołona sonora de "Ricomincio Da Me" e "Medicine" in doto co'l rapper French Montana. Ghe va drìo n'antro singoło in spanjoło, "Baila Conmigo". Inte'l steso parìodo, Jennifer Lopez ła parte par un novo tour, el "It's My Party Tour", prima serie de conserti a'l de fora de Las Vegas da'l 2012.
Inte'l setenbre 2019 A ze stà anunsià che Jennifer Lopez e Shakira łe sarìa stàe łe protagoniste de l'halftime show Super Bowl LIV, che'l se ga tenjesto el 2 de febraro 2020.[52] El 24 setenbre 2020 ła pùblega i singołi Pa' Ti e Lonely, entranbi in cołaborasion co Maluma.[53] Tałi brani i vien drioman proponesti da'l vivo durando i American Music Awards. El 27 de novenbre 2020 ła pùblega el singoło In the Morning: el brano el desta sùito scalpor par via de ła só covertina, in cui l'artista ła aparise nùa patòca.[54] Inte'l zenaro 2021 ła se ezibise durando ła sarimonia de insediamento de'l 46º presidente dei Stati Unìi Joe Biden.[55]
Stiłe muzegałe: voze, coreografie e influense muzegałe
[canbia | canbia el còdaxe]
Jennifer Lopez ła ga parlustrà tanti stiłi muzegałi: Latin pop, dance, R&B, hip hop, rock, funk, house e ritmi łatin-mericani cofà salsa, merengue e bachata ai cuałi ła ze łigà fin da picenina. Infati el só debuto inte ła dansa avien fin da zòvane asè cuando che ła entra a far parte de na conpagnìa de bało.
El só debuto so łe sene muzegałe invese el avien co ła publegasion de'l só primo àlbun On the 6, che ghe verze ła strada ai vari zènari muzegałi. Ła reałizasion de l'àlbun This Is Me... Then ła vede ła Lopez in contato co ła mùzega R&B che ła se ispira a ła mùzega dei ani '70. L'album Rebirth invece esplora ritmi più hip hop e pop rock, mentre gli album Brave e Love? ła visina a ła mùzega dance, cosa che ghe far otegner ancora pì suceso. A.K.A., el só otavo àlbun in studio, desimo de ła cariera, el ze un àlbun rico de zèneri e el ze un àlbun de sperimantasion de novi zèneri par ła cantante. Łe icone a łe cuałe ła Lopez ła se ispira A ze Tina Turner, James Brown, Michael Jackson, Madonna e Barbra Streisand.
Imprenditora
[canbia | canbia el còdaxe]
Inte'l 2001 Jennifer Lopez ła ga fondà na caza de distribusion sinematogràfega ciamada J.Lo Inc. Ła caena de distribusion ła ga produzesto de distribuìo serti film co protagonista ła Lopez stesa, tra cui The Cell, Prima o poi mi sposo e Un amore a 5 stelle. Ła Lopez ła ga łansà na łine de cai de fornimento inte'l 2003. Ciamada jLO by Jennifer Lopez, ła łinea ła includeva difarenti tipi de cai par zòvane done[56][57]. Jennifer ła ga partesipà a ła canpagna invernałe de ła Louis Vuitton inte'l 2003. Inte'l 2005 ła ga łansà na łinea de cai de fornimento ciamada Sweetface. Inte'l 2007, ła ga retirà jLO by Jennifer Lopez e ła ga łansà na łinea par zòvani ciamada JustSweet[58]. Łe só łinee de moda łe ga fato pate de tnati eventi setimanałi de moda a New York.
Inte l'apriłe 2002 Jennifer ła ga verto un restorante cuban inte'l distreto de South Lake a Pasadena, in Całifornia, ciamà "Madre's"[59].
Jennifer ła se ga aventurà inte l'industria de profumi co Glow by J.Lo. Inte l'otobre 2003 ła ga łansà un profumo ciamà "Still". Par el Nadałe 2005 ła ga łansà n'altra fragransa, "Live by Jennifer Lopez". Par el San Vałentin 2006 A zera stà metesto so'l marcà "Love at First Glow by J.Lo". Ła só fragransa sucesiva, "Live Luxe", ła ze stà sparpanjà inte'l 2006, mentre "Glow After Dark" inte'l zenaro 2007.
Jennifer ga fondà na conpagnìa de produsion tełeviziva e sinematogràfega, ła Nuyorican Productions, insenbre al só manager, Benny Medina[60].
Inte'l desenbre de'l 2010 ła ze stà sernìa cofà testimonial de L'Oréal[61].
Ła Lopez ła ze stà reconosùa da ła rivista People en Español sia come el sojeto prensipałe de ła łista de łe "50 più belle"(50 pì bełe) inte'l 2006 e de ła łista de łe "100 ispaniche più importanti"(100 ispàneghe piasè inportanti) inte'l febraro 2007.
Vita privà
[canbia | canbia el còdaxe]
Ła Lopez ła se spoza par ła prima volta el 22 de febraro 1997 co'l camarier cuban Ojani Noa. I do i divorsia inte'l zenaro 1998. Tra el 1999 e'l 2001 ła ga na rełasion co'l rapper P. Diddy.[62]
El 29 de setenbre del 2001 ła spoza el bałarìn Cris Judd, da'l cuało ła divorsia ofisialmente inte'l zugno 2003.
Ła ga avùo na turbołente rełasion co l'ator Ben Affleck, che ła gaveva afiancà in Amore estremo - Tough Love e Jersey Girl, dal 2002 al 2004, ano in cui ła cubia ła se gavarìa dovesto spozar; poco tenpo prima de łe prevedeste nose, i ga roto, pur restando in boni raporti.
Notasion
[canbia | canbia el còdaxe]- ↑ Copia archiviatatheinsider.com. entrada il 16 zugno 2009 (archivià dal URL orizenałe il 28 maggio 2009).
- ↑ Billboard.com - Discography - Jennifer Lopez - On the 6
- ↑ Jennifer Lopez news, music videos, pictures and albums - AOL Music Archivià il 19 agosto 2009 Data inte l'URL no conbazante: 19 de agosto 2009 in Internet Archive.
- ↑ AmIAnnoying.com - American Music Award for Favorite Pop/Rock Female Artist
- ↑ [1] Archivià il 15 de febraro 2018 in Internet Archive.
- ↑ 2007 American Music Awards Complete List Of Winnerspopcrunch.com. entrada il 30 zugno 2009 (archivià dal URL orizenałe il 9 zugno 2009).
- ↑ Taylor's Entertainment News: The Winners at the American Music Awards 2007
- ↑ Jennifer Lopez - Corriere della Sera
- ↑ Jennifer Lopez | MYmovies
- ↑ Jennifer Lopez Net Worth 2022 Archivià il 19 de febraro 2022 in Internet Archive.
- ↑ Jennifer Lopez Biografia
- ↑ In Pictures: The Richest 20 Women In Entertainment - Forbes.com
- ↑ The Sydney Morning Herald: national, world, business, entertainment, sport and technology news from Australia's leading newspaper
- ↑ Jennifer Lopez ze la celebrità più potente, parola della top 100 di Forbes - Panoramablog.panorama.it. entrada il 18 maggio 2012 (archivià dal URL orizenałe il 18 maggio 2012).
- ↑ Jennifer Lopez ze sulla Walk of Fame, in ANSA, 21 zugno 2013. entrada il 22 zugno 2013.
- ↑ Jennifer Lopez, in Billboard. entrada il 23 dicembre 2017.
- ↑ Mtv Video Music Awards 2018: la notte di J.Lo (e Camila Cabello)Vanity Fair, 21 agosto 2018.
- ↑ Jennifer Lopez | MYmovies
- ↑ [2]
- ↑ Janet Jackson - That's the way love goes - YouTube
- ↑ Biography Editer, Jennifer Lopez Biographythegreatbiography.com, 6 febbraio 2020.
- ↑ Fly Girls & Double XX Posse - YouTube
- ↑ My Family (1995) - IMDb
- ↑ Independent Spirit Awards (1996) Archivià l'8 de setenbre 2009 in Internet Archive.
- ↑ The Numbers Archivià l'11 de zunjo 2011 in Internet Archive. box office data. Last accessed: 9 gennaio 2008.
- ↑ Box Office Mojo box office data. Last accessed: 9 gennaio 2008.
- ↑ Selena (film 1997) - Movieplayer.it
- ↑ Z LA FORMICA [ Recensione ] - Animation Italy - Cinema d'animazione e fantastico in Italia
- ↑ Alessandra Magliaro, Jennifer Lopez, la popstar latina punta all'Oscaransa.it, 6 ottobre 2019. entrada il 16 ottobre 2019.
- ↑ Jennifer Lopez: A Biography (Greenwood Biographies) by Kathleen Tracy - Powell's Books
- ↑ Jennifer Lopez Not Breastfeeding Sets Bad Example - Breastfeeding
- ↑ Copia archiviataitsasurvey.com. entrada l'11 maggio 2007 (archivià dal URL orizenałe l'11 maggio 2007).
- ↑ Jennifer Lopez Sedu Hairstyles Elegant, Simple and Sleek Haircutshairfad.com. entrada il 30 zugno 2009 (archivià dal URL orizenałe il 27 maggio 2009).
- ↑ Maid in Manhattan (2002) - Box Office Mojo
- ↑ More Jennifer Lopez Bios & Profiles - Filmbug
- ↑ Jennifer Lopez (American actress and musician) - Britannica Online Encyclopedia
- ↑ Jennifer Lopez Web Archivià il 20 de febraro 2009 in Internet Archive.
- ↑ TIME Archivià il 1º de marso 2009 in Internet Archive.
- ↑ Jennifer Lopez | Music Videos, News, Photos, Tour Dates | Blastroblastro.com. entrada l'8 zugno 2009 (archivià dal URL orizenałe l'11 aprile 2009).
- ↑ Jennifer, Lopez - Personaggi - Elle Archivià il 6 maggio 2009 Data inte l'URL no conbazante: 6 de majo 2009 in Internet Archive.
- ↑ Lopez Gearing Up For March 'Rebirth' | Billboard.com
- ↑ 50 Cent Massacres Album Chart Competition | Billboard.com
- ↑ Billboard.com - Discography - Jennifer Lopez - Como Ama una Mujer
- ↑ [3]
- ↑ Jennifer Lopez Single, 'On the Floor,' Leaks Online | Billboard.com
- ↑ Rap-Up.com || New Music: Jennifer Lopez f/ Pitbull – ‘On the Floor’ [Snippet]
- ↑ Week Ending Feb. 27, 2011: Songs: Judge J.Lo | Chart Watch - Yahoo! Music Archivià il 4 de otobre 2012 in Internet Archive.
- ↑ Mondiali 2014, cerimonia di apertura con Jennifer Lopez in versione sexy. Ed è festa delle bellezze sugli spaltihuffingtonpost.it, 16 zugno 2014. entrada il 21 maggio 2021.
- ↑ ATRL - Single: Jennifer Lopez - Breaking Me Downatrl.net. entrada il 30 marzo 2016.
- ↑ (EN) Jennifer Lopez new studio album | New registered track “Two Sides”Ultimate Music. entrada il 30 marzo 2016 (archivià dal URL orizenałe il 25 marzo 2016).
- ↑ (EN) Martin Holmes, Bryan Adams Joins Forces With Jennifer Lopez On New Single ‘That’s How Strong Our Love Is’, in etcanada.com, 15 febbraio 2019. entrada il 23 febbraio 2020.
- ↑ Billboard Italia, Shakira: ecco come si sta preparando al Super Bowl con Jennifer Lopezwww.billboard.it. entrada il 20 ottobre 2019.
- ↑ (EN) Jennifer Lopez Announces New Singles Pa' Ti' & 'Lonely' With Maluma / Previews Scorching Two-Part Video - That Grape Juicethatgrapejuice.net. entrada il 21 de setenbre 2020.
- ↑ Jennifer Lopez senza veli sulla copertina del nuovo singolo "In The Morning"News MTV Italia, 26 de novenbre 2020. entrada il 27 de novenbre 2020.
- ↑ In total look bianco Jennifer Lopez urla "Let's get loud" e l'America rispondeMarie Claire, 20 de zenaro 2021. entrada il 22 de zenaro 2021.
- ↑ [4] Archivià il 13 de marso 2012 in Internet Archive.
- ↑ Exchanging vowels - theage.com.au
- ↑ Style Stars
- ↑ madresrestaurante.com Archivià il 15 maggio 2010 Data inte l'URL no conbazante: 15 de majo 2010 in Internet Archive.
- ↑ When Jenny Dumped Benny - New York Times
- ↑ Jennifer Lopez testimonial per L'Oreal - Jennifer Lopez e la nuova testimonial L'Oreal - Stile.it (ligo ronpesto dispunìbiłe in Internet Archive; védarse el [http://www.stile.it/notizie/jennifer-lopez-e-la-nuova-testimonial-l-oreal Jennifer Lopez testimonial per L'Oreal - Jennifer Lopez e la nuova testimonial L'Oreal - Stile.it istòrego], la [http://www.stile.it/notizie/jennifer-lopez-e-la-nuova-testimonial-l-oreal Jennifer Lopez testimonial per L'Oreal - Jennifer Lopez e la nuova testimonial L'Oreal - Stile.it prima version] e ła [http://www.stile.it/notizie/jennifer-lopez-e-la-nuova-testimonial-l-oreal Jennifer Lopez testimonial per L'Oreal - Jennifer Lopez e la nuova testimonial L'Oreal - Stile.it ùltema]).
- ↑ (EN) Remember When Jennifer Lopez and P. Diddy Got Arrested Together?www.yahoo.com. entrada il 21 settembre 2019.
Linganbi foresti
[canbia | canbia el còdaxe]- Jennifer Lopez Song Lyricslyrics.az.
| Controło de autorità | VIAF (EN) 42038339 · ISNI (EN) 0000 0001 2129 9281 · Europeana agent/base/146851 · LCCN (EN) no97019851 · GND (DE) 122627121 · BNF (FR) cb140175480 (data) · BNE (ES) XX1266889 (data) · NLA (EN) 42364554 · WorldCat Identities (EN) no97-019851 |
|---|