Interlingua

Da Wikipedia, l'ençiclopedia libara.
Jump to navigation Jump to search
Interlingua
Nome locaƚeInterlingua
Creà da:IALA
Parlà inFinlandia, Norvegia, Svezia, USA, UK e altri (no come prima lengua)
Parlanti
Totaƚe1500 (conprensibile par 600.000.000)
Altre informasion
ScrituraInterlingua alphabet
Fameja
FiƚojenexiLengue pianificàe
 Lengue ausiliarie
  Interlingua
Statuto ofiçiaƚe
Regoƚà daInternational Auxiliary Language Association
Codaxi de clasifegasion
ISO 639-1ia
ISO 639-2ina
ISO 639-3ina (EN)
Glottologinte1239 (EN)

L'Interlingua ła xe na lengoa artifisiałe che dopara parołe che łe se cata in ła magioranza de le lengoe ocidentałe-europee. La xe stà fata dal IALA - un grupo de gente (el pì conosiùo el jera Alexander Gode) che i ga łaorà su de ela par pi de 20 ani, e i gà finìo e publicà el primo disionario nel 1951. L'Interlingua ła jera creà su ła base del vocabołario de łe lengoe: ingléxe, francéxe, spagnoło, portoghéxe, e itałian.

Inter vol dir "intra" o "infra"; lingua vol dir "lengoa". I sviłupadori i gà sielto el nome "interlingua" parché lori i vołéa che la fusse doparà da zente de paesi difarenti par ciacolar fasilmente tra de lori. Sicome che l'interlingua ła xe stà fata artifisialmente, la xe pì fasiłe de inparar che no fa le lengoe naturałi.

Calche mejaro de zente conosse l'interlingua, e i parladori de l'interlingua i dise che miłioni de persone i la pol capir (lèzar testi e scoltar qualchidun che ciacola in interlingua) sensa bisogno de metarse prima a studiarla.

Ghe xe altre do lengoe artifisiałi 'ntel mondo che łe ga pì de 1000 parladori, esperanto e ido. Ste do łe jera stà fate prima de l'interlingua. Serta zente ła pensa che esperanto e ido łe sia fàsiłi da inparar parché ste lengoe no łe ga "ecezioni" (parołe che łe ronpe łe regołe) ma altra zente ła pensa che l'interlingua ła sia pì fàsiłe parché i sviłupadori i ga sielto tute łe parołe in modo che le fusse fàsiłi da capir par zente che za conosse ingléxe, francéxe, spagnoło, portoghéxe, o itałian, pì lengoe come l'ocitan e el romen, tute lengoe che łe vien dal latin, ła lengoa doparà in Roma molto tenpo fa.

In pì, la zente che dopara l'interlingua la dise che ła so lengoa ła xe in realtà un novo łatin, soltanto pì senplise e "modernizà" (fato novo).

Testo de esenpio in interlingua[canbia | canbia el còdaxe]

Lingua natural e musical de parolas international e un grammatica minimal. Comprensibile facilemente per personas intelligente. Le medio de communication adequate pro le solution del confusion de Babylon.

Pater Noster in Interlingua[canbia | canbia el còdaxe]

Nostre Patre, qui es in le celos, que tu nomine sia sanctificate; que tu regno veni; que tu voluntate sia facite super le terra como etiam in le celo.

Da nos hodie nostre pan quotidian, e pardona a nos nostre debitas como nos pardona a nostre debitores, e non duce nos in tentation, sed libera nos del mal.

Interlingua in Wikipedia[canbia | canbia el còdaxe]

Interlingua ła ga anca ła so Wikipedia.

Controło de autoritàGND (DE4162020-3
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Interlingua&oldid=855989"