Granda recesion
| Sorte | Recesion  |
|---|---|
| Data | dècada del 2010 dècada del 2000 |
| Càuza | crisi finanziaria del 2007-2008 (it)  |
|
| |
La granda recesion[1] ła ze sta na crize econòmega mondiałe che ła se ga verifegà intrà el 2007 e el 2013 s-ciopada inte i Stati Unii de l'Amèrica inte el 2006 de sevente a ła crize dei subprime e del marcà imobiłiare.
Ła zera sta inescada dal s-ciopo de na boła imobiłiare, che ła ghea produzesto a caena na grave crize finansiària inte l'economia americana[2]. La recesion ła ga dopo guałivamente ciapà un caràtaro globałe, spinzesta da mecanismi finansiari de contajo, e perdurante (fate-salve racuante ecesion cofà Ìndia e Cina) co ła spirałe recesiva che ła se ga oncor-pì agravada, in vari paezi eoropei (Eoropa mediterànea e altri), co ła crize del dèbito dei Stati sovrani eoropei.
Intrà i prinsipałi fatori de ła crize i figura i alti presi de łe matèrie prime (petrojo in primis), na crize ałimentare mondiałe, ła menasa de na recesion in tuto el mondo e na crize creditìsia[3] (seguia a cueła bancària) co consevente croło de fidusa dei marcai borsìsteghi. Ła vien considerada da tanti economisti cofà una de łe pèzo crize economiche de ła stòria, seconda solché a ła granda depresion de łe prime dècadi del XX secoło[4][5].
Rasegna istòrega[canbia | canbia el còdaxe]
A ła crize finansiària s-ciopada inte l'agosto del 2007 łe ze seguie na recesion, scumisiada inte el secondo trimestre del 2008, e na grave crize industriałe (seguia al fałimento de Lehman Brothers inte el 15 de setenbre par ła crize dei subprime) s-ciopada inte l'autuno de l'isteso an –
de proporsion pì grande in confronto a cheła là de ła Granda crize –
co na forte contrasion de ła produsion e dei ordenativi.[6][7]
El 2009 el ga dopo vedesto na crize ecònomega zenerałizada, pezanti recesion e vertizenozi crołi de PIL in numarévułi paezi del mondo e in special modo inte el mondo osidentałe[8]. Finia ła recesion inte el terso trimestre del 2009, intrà ła fine de l'isteso an e del 2010 ła se ga verificada na parsiałe recuperasion econòmega.
Intrà el 2010 e el 2011 el se ga conosesto el slargamento de ła crize ai dèbiti sovrani e a łe finanse pùbleghe de tanti paezi[9] (in larga mezura gravai da łe speze frontezae inte el sostegno ai sistemi bancàrii), soratuto ai Paezi de l'eorozona, inpusibiłitai a oparar manovre sul taso de cànbio o a atuar pułìteghe de crèdito espansive e de monetizasion, che in racuanti cazi łe ga evità l'insolvensa sovrana (Portogało, Irlanda)[10][11], gràsie de l'erogasion de grandi inprésti da parte de FMI, BCE e Comision eoropea (ła denomenada troika).
Sti interventi, denomenai "piani de salvatajo" e dirizesti a evitar pusìbiłi default, i ze stai parò concedesti a presi de pułìteghe de bałanso fortemente restritive sui conti pùbleghi (c.d. austerità) co fren a consumi e produsion e ałimentasion de ła spirałe recesiva.
Notasion[canbia | canbia el còdaxe]
- ↑ Did 'Great Recession' Live Up to the Name?, The Wall Street Journal, 8 aprile 2010. entrada il 25 ottobre 2014.
- ↑ "Financial Crisis Inquiry Report-Conclusions-January 2011"
- ↑ (ES) El petróleo casi ha triplicado su precio desde la invasión de Irak y el barril ha pasado de 25,5 a 61,3 dólaresabc.es, 21 de marso 2006. entrada il 12 de otobre 2020.
- ↑ World Economic Outlook: Crisis and Recovery, April 2009
- ↑ (EN) Chiara Casi, Bail in -la gestione delle crisi bancarie, in "Bail in e la nuova gestione delle crisi bancarie"". entrada il 6 de otobre 2019.
- ↑ I dati della crisi economica (JPG), La Stampa, 15 gennaio 2009. entrada il 9 dicembre 2011 (archivià dal URL orizenałe il 14 dicembre 2013).
- ↑ Lavoce.Info - Articoli - La Grande Recessione E I Redditi Familiari * Archivià il 14 dicembre 2013 Data inte l'URL no conbazante: 14 de disenbre 2013 in Internet Archive.
- ↑ La crisi economica: origini e cause | Treccani, il portale del sapere
- ↑ Bail in -la gestione delle crisi bancarieacademia.edu. entrada il 6 de octubre de 2019.
- ↑ Tre crisi diverse in Europa: Grecia conti truccati, Irlanda crisi bancaria, Portogallo non competitivo
- ↑ Cause, soluzioni, prospettive. Uno sguardo sulla crisi
Altri projeti[canbia | canbia el còdaxe]
Wikimedia Commons el detien imàjini o altri file so Granda recesion
Linganbi foresti[canbia | canbia el còdaxe]
- (EN) Brian Duignan, Great RecessionEnçiclopedia Britannica, Encyclopædia Britannica, Inc.
| Controło de autorità | BNE (ES) XX4922618 (data) |
|---|