Bałanso del Stato

Da Wikipedia, l'ençiclopedia libara.

El bałanso del Stato o bałanso publego, xe na carta de contabiłità de Stato che indica i schei che vien drento (inpoxision fiscałe, tase e rediti derivanti de xughi publeghi (lotarie, xugo d'axardo evc...), concesion evc...) e i schei che va fora de l'aministrasion de on Stato (spexa publega) rełativa a on determinà periodo de tenpo, i cusì diti conti publeghi.

Rełativamente al stato itałian, sto qua xe na carta de previxion scrito inte el art. 81 de ła Costitusion che el ga da esare prexentà a łe camare entro el 20 de otobre e aprovà entro el 31 de diçenbre de ogni ano[1].

Descrision[canbia | canbia el còdaxe]

Entrae preventivae dei goerni inte el 2006

L'è fato in termini de conpetensa e de casa. łe varie situasion contabiłi pusibiłi, łe influensa in profondo łe sielte da parte del goerno in fato de pułitega de bałanso (che el fa parte de ła pułitega economega) o vero i rispecia łe sielte de ła parte de ła finsansa publega rełative ai vołeri de ła cołetività, a le prioridà dei difarenti obietivi preposti inte la pulitega economega (ad exenpio: livelo de presion fiscale inposto a carego dei contributori) atuae traerso le lexi finansiarie e el DEF (Documento economego e finansario).

El balanso de conpetensa indega el ndar sù de le spexe de el Stato, preveda chel che se ga da pagar e de le entrade che preveda el poer tore i schei inte el ano de riferimento (nasita de l'obligasion). El balanso de casa indega invese le spexe che efetivamente le vegnerà liquidae e le entrae che efetivamente le vegnerà incasae (adenpimento de l'obligasion).

El balanso ga difarenti funsion: contabile, de garansia, pulitega, xuridega e economega.

Funsion contàbiłe[canbia | canbia el còdaxe]

La prima funsion la xe chela de na carta contàbiłe che la permete de conosare la situasion contàbiłe de l'ente e de regolarghene l'ativita che vegnarà. El balanso vegnea predisposto anca inte el Stato asoluto, co la finansa publega la se indentifegava col patrimonio del re, ma la so funsion jera soltanto chela de on mexo tenego de conosensa e el so valore jera chelo de on ato aministrativo interno, fato par on exigensa de ordinada jestion.

Funsion de garansia[canbia | canbia el còdaxe]

Co i stati i toe carateristeghe pi renti a chele del Stato moderno, el balanso el toe anca na funsion de garansia par i sitadini inte i confronti de l'aministradore publego: el goerno ga manco pusibilità de movarse col ga da rispetar le voxi e i numari scriti in balanso,

El dirito de aprovar el balanso, dopo verlo fato conosare a tuti, traerso i so raprexentanti, segna l'evolusion de el Stato verso forme costitusionali.

Funsion pulitega[canbia | canbia el còdaxe]

El bałanso el xe oromai tanto pì che on sénplego instrumento de riłevasion contàbiłe e el se ga ciapà na funsion pułìtega inte el raporto intrà el goerno e el parlamento. Dal momento che i fini verso andove se garia da rivar i xe senpre sgrandamente superiori a łe pusibiłità econòmeghe de on Stato (inpienia ocupasion, redusion del dèbito pùblego mejoramento dei servisi pùbleghi, eçe) el bałanso el xe ùtiłe par védar cuałi che i xe che el goerno intende priviłejar, e par sta motivasion, cuałe che łe sìpia łe so reałi intension pułìteghe, el tuto se el parlamento el inproa ła diresion pułìtega.

In pì, traerso sto documento, se vede i intròiti e estròiti che ghe xe efetivamente stà inte el determenà perìodo de goerno.

Funsion xuridega[canbia | canbia el còdaxe]

L'aprovasion del balanso el divien on ato xuridego de autorixasion, che sensa de st'ultimo i organi del podere executivo no i pole jestir la spexa publega e gnanca torse le entrae. I schei mesi da parte del balanso, i segna xuridegamente na limitasion, rento sto qua, el ga da farse la jestion aministrativa: el balanso ga forsa le lexe e vincola a la so vixion l'atività de la publega aministrasion.

Parò l'è limità dal fato che no poer modifigar le lexi che xe xà funsionanti: No se pole riadatar on inposta pitosto che n'altra, co el fin de far quadrar i conti. Par sto motivi, xe sta fate lexi afiancae, che le se toe el quadro xuridego fiscale: la pì inportante xe chela finansiaria.

Funsion economega[canbia | canbia el còdaxe]

La funsion del balanso, a la fine, la se ingrandise inte lo stato contenporaneo, co a la finansa publega se scuminsia a darghe on rolo ativo in funsion de l'equilibrio economego xenerale. El balanso divien ełora on strumento de progamasion, che la permete de valutar i efeti de l'ativita finansiaria sui vari aspeti de la vida economego-social e de orientar i interventi de pulitega economega, verso i obietivi desiderai (on aumento o na diminusion de la sifra tegnua da parte inte el balanso, vol dire, in sostansa, na major o menor posibilità de atuasion par tute le sielte puliteghe).

I obietivi e i interventi i pole esar coordinai in maniera organega e rasional, dato che l'intero quadro de la finansa publega xe esposto a un unico documento contàbiłe (anca se de consistensa granda senpre).

Anca el balanso de el stato el ga da esar fato inte el rispeto de alguni prinsipi fondamentali:

  • Anoalità, ai sensi de l'art. 81 Cost., el ga da esar fato dal Goerno e aprovà da le Camare co frequensa anuale;
  • Unidà (Unisità), ai sensi de l'art. 24, coma 4, L. 196/2009 le entrae le ga da tore i schei da on fondo solo, chel serve a finansiare le spexe;
  • Universalità, tute le spexe e entrae le ga da catar na colocasion justa in balanso e no le xe concese jestion fora balanso se no le xe espresamente autorixae;
  • Integrità, ogni voxe la ga da esar inseria al "lordo", sensa conpensasion tra voxi in entrada e voxi in insida;
  • Veridisità, El ga da esar "vero", sensa supervalutasion de entrade o de inside, al de fora de eventuai reati fati dai so conpiladori,
  • Publisità, el balanso el ga da esar postà in gaxeta ufisale;
  • Spesifegasion, ogni voxe de entrada e de spexa la ga da esar iscrivua in balanso al fin de evidensiarghine la nadura contabile;
  • Tendensiale equilibrio inte el mèdio periodo, i stati che apartien a l'area Euro, i xe obligai a vere un parejo de balanso o al masimo on dixavanso publego che no'l ga da superar parò el 3% del PIL.

Situasion contàbiłi posìbiłi[canbia | canbia el còdaxe]

In xeneral, in relasion a la difarensa tra entrae e inside (saldo primario), xe pusìbiłi 3 difarenti situasion contabili, comuni par altro anca inte le situasion aziendali:

  • Avanso primario, o sia saldo poxitivo tra entrae e inside;
  • deficit publego, o sia dixavanso o saldo negativo tra entrae e inside al neto dei intaresi sol debito publego (es. dixavanso primario) o pure co sti qua e col ricorso quindi a indebitamento (vedi Debito publego);
  • Parejo de balanso, o sia saldo in parejo tra entrae e inside.

In relasion a ste situasion, le xe pusìbiłi altre mixure a livelo de pulitega economega (puliteghe de balanso) da parte del goerno che serve a sbasar l'eventual deficit (ex. spending review, taji a la spexa publega o l'inalsarse de la tasasion sui contributori) o pur a finansiar la cresita economega.

Notasion[canbia | canbia el còdaxe]

  1. Raxoneria xenerałe del Stato - Ministero de l'Economia e de łe Finansewww.rgs.mef.gov.it. entrada il 22 agosto 2016 (archivià dal URL orizenałe il 16 de agosto 2016).


Controło de autoritàGND (DE4072349-5 · NDL (ENJA00564992
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Bałanso_del_Stato&oldid=1044039"