Giorgio Panto

Da Wikipedia, l'ençiclopedia libara.
Jump to navigation Jump to search
Un poster par le elesion de Progeto Nordest, co Giorgio Panto de sora

Giorgio Panto (Meolo, Venesia 1° de otobre 1941 - Venesia 26 de novenbre 2006) el jera un inprendidor e un omo polídego vèneto.

Panto ga scuminsià a far schei co i seramenti. Intel 1978 el ga inpiantà a Treviso ła tełevixion Antenna Tre che al dì de oncò la coverze el Friułi-Venesia Julia e un toco de Trentin-Alto Àdexe, Lonbardia e Vèneto. In sti ani el ga fato su 'ncora schei co ła Panto s.p.a. e co TeleAltoVeneto e TeleNordest.

El xe sta inte ła Lega Nord e in zugno 2004 el ga fato el partío Progeto Nordest, che'l xe par l'autonomía e xe fora dai do połi. El xe stà candidà presidente del Veneto a łe elesion regionali del 2005, 'ndo che'l ga ciapà el 6,0% dei vuti el PNE el ga ciapà el 5,6%, bon pa meter su do consejeri regionali. A łe elesion połídeghe del 2006 el se ga candidà al Senato co el steso partío, ciapando el 3%, quando che ghe saría vosúo almanco el 8% par méter su un senador.

A łe elesioni ministrative del 2006, se ga candidà par ła Provincia de Treviso.

El só ełicòtero xe cascà inte ła Laguna de Venesia el 26 de novenbre 2006, e Panto xe negà.