Germano Mosconi

Da Wikipedia, l'ençiclopedia libara.
Jump to navigation Jump to search
Germano Mosconi.png

Germano Mosconi (San Bonifacio (VR), 11 de novenbre 1932, 1° de marso 2012) el xe sta un giornalista sportivo e condutor.

« I lo ga meso ala berlina […] Par farlo inrabiar i tenici i ghe organixava un mucio de schersi[…] Montàe in chela maniera, le pare le imagini de un omo ke 'l ga pasà la vita a biastemar. »
(Lorenzo Roata, giornalista Rai Sport)


Mosconi l'é sta uno dei volti tełevisivi pìasè noti del Nord-est tałian dei ani 80-90, grasie al laoro cofà giornałista e prexentadór de el tełegiornal de ł’emitente tełevixiva Telenuovo inte'l periodo che ła squadra de bałon de Verona ła vinséa el scudeto. El jera conosùo par l’elegansa e ła pachèa dénansi a łe tełecàmare e par esar on brao tenista.

Intel 2005 el xe sta ogeto de na vicenda particolar, che el lo ga fato conosare in tuta Itałia. Na fonte anonima ła ga publicà so Internet vari foraonda che vegnèa da registraxion de'l tełegiornal, andoe se faxéa vedar e reasion irè de Mosconi a vari disturbi che i causava el fermo dełe riprese (xente che la vien rento intel studio, casoto, notixie scrite so foji ilexibii o anca solo i so Lapsus Linguae).

El gran uso de raxìe, insulti, linguajo colorà en Lengoa veneta e el sapiente montajo ke el faxea scaturir na spontanea comicità, i ga determinà na grandisima difusion de'l video. inte'l giro de on fià de tenpo, i xe nati forum dedicà, fan club in Itałia e inte i paexi forèsti, monografie e cartoni animai dopiai co l’utilixo dela vóxe de Mosconi, faxèndo su na bonarja maceta comica. A Mosconi parò a no ghe ga mia piasesto sto tipo de notorietà, denunsiando i anonimi che i ga difuso el video e dixendo de no a tute łe richieste de intreviste o proposte rełative ai fati (cofà quea de Lino Toffolo de partexipar a calche serada del so spetacolo)

L'è stà ànca el diretor del fóio en lengoa tedesca Gardasee Zeitung dedichèsto a i turisti del lago de Garda, en pì el scrivea in te ł’inserto veronexe d'el Gaxetin.