Francenigo

Francenigo
frasion
Dati aministrativi
Stato	Itałia
Rejon	Veneto
Provincia	Trevixo
Comun	Gaiarine
Teritorio
Coordinae	45°54′27″N 12°30′08″E
Altitudine	18 m s.l.m.
Abitanti	2 200
Altre informasion
Còd. postałe	31018
Prefiso	0434
Fuxo orario	UTC+1
Nome abitanti	francenighexi
Patrono	Tisian de Oderzo
Locałixasion
Francenigo Francenigo

Francenigo xè na frasion del comun de Gaiarine, in provincia de Trevixo.

Ła se cata a sirca sinque chiłòmetri in diresion nord-est dal caologo e ła xè situà in prosimità del ingreso "Saciłe ovest" de l'autostrada A28 Conejan-Portogruèr, al confin có el Friul-Venesia Julia.

Monumenti e loghi d'interese

Céxa de San Tisian

Ła céxa parochiałe de Francenigo, dedicà a San Tisian, ła xè del 1547 e ła xe sta costruìa in logo de un edifiso preexistente. Coeva ła tore canpanaria.

Ła céxa ła xe sta anplià e molto rimanexà inte ła prima metà del Novesento; uncò ła se mostra có ła faciata a salienti tripartìa, e có al sentro un gran roxón.

Drento a ła céxa xè conservae n'inportante pała d'altare del 1564 e de łe tołe de Pomponio Amalteo

Vila Piovexana

Vila Piovexana ła risałe al XVIII secoło.

Ła se conpone de un corpo prinsipałe, de do piani pì sototeto, 'verto da monofore retangołari e da un gran portałe a tuto sesto, e de adiacense laterałi de epoca sucesiva, pì base e scandìe da de łe aperture picenine quadrangołari. El conpleso el varda su un xardin có fontana, poso setecentesco e vegetasion rigojioxa.

Mułini e setificio

So'l teritorio de Francenigo ghè xè numeroxi mułini, uncò dismesi, che i testimonia na fiorente economia ligà al artexanà e evolutasi poi, inte ła seconda metà del XX secoło, in industria.

Degni de nota el Mułin so'l Aralt e el Mułin Tonet; st'ultemo, moso da łe acue de ła Fosa del Simitero, el jera sede de atività de un favaro.

Exenpio de archeołoxia industriałe xè anca ła strutura primo-novesentesca del Setificio Piovesana. Ativo tra el 1922 e 'l 1960. Se conserva ben łe archieteture, su cui sveta ła siminiera, mentre drento se conserva oncora gran parte de i machinari orixenałi.

Fiume Livensa

Par saverghene de pì, varda ła pajina Livensa.

De gran vałore anbientale xè l'area orientałe de ła frasion, 'ndove score el fiume Livenza, caraterixà da de łe anse torno a łe quali crese na rigojoxa vegetasion tipica, tra cui el Bosco Crasere.

Eventi

Durante ła sagra paexana (dal 5-6 lujo fin al 12-13 lujo) se svolxe el tradisionałe Palio dei Veci Mestiéri, a cui partesipa squadre coinsidenti có łe contrade del paexe.