Fiat Croma

Fiat Croma
Tipo	modeło de automòbiłe
Fabricante	Fiat
Designer	Giorgetto Giugiaro
caratarìsteghe
Distansa intrà ase	2 660
Dimension	1 433 () × 1 760 () × 4 495 () mm ;
Istòrego
	← Fiat Argenta (it)

Ła Fiat Croma (nome in codeze Tipo 154) ła ze na autovetura produzesta da ła FIAT tra el 1985 e el 1996; A se trata de na berlina consideràbiłe come ła zmiragia de ła caza che no ła ze stada sostituìa da nisun modeło de istesa categoria da ła fin de ła só produsion.

Storia e profiło

Inte'l desenbre 1985 ła FIAT ła ga renovà el só modeło de clase alta sostituindo ła Fiat Argenta, restada in produsion par soło cuatro ani e dai rezultadi de vendita pitosto dełudenti, co ła nova Croma. El só ezordio ga dà łogo a ła sconparsa de ła trasion posterior in favor de ła trasion anteàta. El progeto el ze anca conosùo come "Tipo Quattro" e el sera in sé anca altre veture: Lancia Thema, Saab 9000 e Alfa Romeo 164.

El progeto comun tra łe amiragie de ła nasita prima de Lancia Thema e Saab 9000, mentre par Croma se ga recoresto a un studio de stiłe otenjesto "par derivasion" da ła Lancia Thema, contenjeno un mucio i tenpi de zviłupo e i costi de design. Ła łinea estremamente ecuiłibrada ed ełegante, el comfort de l'abitacoło, ła versatiłità de'l portełon dadrìo e l'inovativo conceto "VSS", el ga garantìo a ła Croma un gran suceso: durante i ùneghi ani de vita comersiałe de'l modeło, ne ze stai vendesti sìrca 438 000 ezenplari.

Tecnègamnete ła spartiva co łe altre veture l'autotełaro, łe sospension, l'osadura de łe fiancàe, el padiłion, gran parte deiinpianti (condisionamento, sircuito frenante) e co Thema e Saab anca łe porte.

El dezenjo de ła clàsega łinea a do vołumi e mezo el jera nasesto in seno a'l Sentro Stiłe Fiat, che'l ghe n'aveva afidà ła suparvizion a Tom Tjaarda^[1], e Giorgetto Giugiaro de ła Italdesign, mentre ła costrusion ła zera scuazi par intieramente robotizada^[2].

Inisialmente ła zera stà vendesta in racuante varsion de motor, derivài dai propulsori montài so ła Fiat Argenta: do co i clàseghi carburadori co siłindràe da 1585 e 1995 cm³, do co iniesion da 1995 cm³, uno a presion atmosferega e un turboconpreso; łe potense erogae łe andava dai 83 ai 155 CV; tałi motori xera tuti evołusion del "bialbaro Lampredi". A zera anca disponìbiłi a łistin un Diesel (2,5 L), e un turbodiesel (2,4 L) da 75 e 100 CV. Xera stà comersiałizà anca na varsion a benxina denomenada "CHT", co motorixasion da 1995 cm³ e 90 CV e sistema Yamaha CHT (Controlled High Turbolence –

alta turbołensa controłada), che ła consentiva de aver l'aspirasion a geometria variàbiłe par mazor regołarità de funsionamento ai basi rezimi e minori consumi inte el siclo urban. Ciò el zera posìbiłe grasie a um sdopiamento dei condoti de aspirada: uno picoło (par i rezimi basi) e uno de dimension pì granda, che'l entrava in funsion co ła vertura de łe paveje suplementari, adato ai rezimi medi e alti^[3].

Ła gama ła ze stà arichìa inte'l 1988 co'l primo propulsor 2.000 turbodiesel a iniesion direta montada so na vetura de granda serie.

Inte'l 1991 el modeło el ga subìo un restyling che ne ga tondà łe łinee, seguindo ła moda del tenpo e el novo family feeling de ła caza, che ła ne ga inzentiłìo el frontałe; inte i ani anca łe motorizasion łe ze stàe remordenàe, co l'ełiminasion de ła siłindrata minor. A fin de cariera, inte i ùltemi ani de produsion, A ze stà metesto in łistin un modeło de ła Croma co airbag (a partir da'l 1994/95, łe prime serie del 1993 ne jera sproviste) e ABS; motor a V da 2492 cm³ e 160 CV, prełevà diretamente da'l surplus de motori provegnenti dal V6 Busso montà in chel periodo da łe Alfa Romeo 155. Ła produsion ła ga cesà, dopo na łonga carìera, inte el disenbre 1996, sensa che ła vetura ła fuse sostituìa da alcun modeło de anałoga clase^[3].

Come łe Lancia Thema, anca łe Fiat Croma xe stae łargamente acuistae enti, ministeri e un mucio de aministrasion itałiane. Par numarozi ezenplari A se tratava de varsion blindàe, destinàe a'l trasporto proteto de parsonałità pùbleghe o mazistradi. Tra 'ste veture spesiałe, łe pì tristemente conosùe inte ła memoria cołetiva łe ze łe tre Fiat Croma 2.0 turbo (bianca, azura e maron) che łe conponeva el corteo de scorta al zùdeze Giovanni Falcone saltàe par aria inte ła straze de Capaci el 23 de magio 1992.

Motorizasion

Modeło	Disponibiłità	Motor	Siłindrada (cm³)	Potensa max	Cubia max (Nm)	0–100 km/h (segondi)	Vełosità max (km/h)	Consumo medio (km/L)
1.6	da l'ezordio a'l 1991	Benzina	1585	61 kW (83 CV)	127	14,0	170	13,5
2.0 CHT 90	da l'ezordio a'l 1989	Benzina	1995	66 kW (90 CV)	169	11,8	182	14,1
2.0 CHT 98	da'l 1989 a'l 1992	Benzina	1995	72 kW (98 CV)	168	11,7	183	13,7
2.0 i.e. cat.	da'l 1992 a'l 1997	Benzina	1995	85 kW (116 CV)	162	10,5	190	12,3
2.0 i.e.	da l'ezordio a'l 1992	Benzina	1995	86 kW (117 CV)	162	9,9	192	13,0
2.0 i.e. Automatica	da'l 1989 a'l 1991	Benzina	1995	86 kW (117 CV)	162	11,8	188	11,8
2.0 i.e. 16V cat.	da'l 1992 a'l 1997	Benxina	1995	101 kW (137 CV)	180	10,1	200	11,1
2.0 i.e. Turbo cat.	da'l 1992 a'l 1997	Benzina	1995	110 kW (150 CV)	247	7,8	210	12,0
2.0 i.e. Turbo	da l'ezordio a'l 1992	Benzina	1995	114 kW (155 CV)	235	7,8	210	12,2
2.5 i.e. V6 cat.	da'l 1993 a'l 1997	Benzina	2492	117 kW (159 CV)	213	8,6	215	9,9
1.9 Turbodiesel i.d. 90	da'l 1988 a'l 1991	Diesel	1929	66 kW (90 CV)	186	12,5	180	19,4
1.9 Turbodiesel i.d. 92	da'l 1991 a'l 1997	Diesel	1929	68 kW (92 CV)	196	12,5	180	19,3
2.4 Turbodiesel	da l'ezordio a'l 1989	Diesel	2445	74 kW (101 CV)	216	11,9	185	14,5
2.5 Diesel	da l'ezordio a'l 1989	Diesel	2499	55 kW (75 CV)	162	16,6	165	16,1
2.5 Turbodiesel Eco	da'l 1992 a'l 1993	Diesel	2499	77 kW (105 CV)	220	10,7	190	14,2
2.5 Turbodiesel	da'l 1989 a'l 1992	Diesel	2499	85 kW (116 CV)	245	11,0	195	14,3

^[4]

Redòparo de'l nome

Vinti ani daspò ła prezentasion de ła Croma, el 28 de magio 2005 Fiat ła scominsia ła comersiałizasion de na nova Croma, che parò no ła ga njente in comun co ła só anteata se non el nome, e ła ga na tipołozìa de carosarìa crossover. Ła vetura in cuestion ła ze venjùa fora da'l łistin inte'l 2010.

Notasion

↑ Tom Tjaarda: un americano a Torinopanorama-auto.it, 15 agosto 2013. Entrada il 22 agosto 2017 (archivià dal URL orizenałe il 22 agosto 2017).
↑ Fiat Croma (1985 -1996)autoblog.it, 17 dicembre 2012. Entrada il 22 agosto 2017 (archivià dal URL orizenałe il 22 agosto 2017).
1 2 Fiat Cromaomniauto.it, 6 agosto 2005. Entrada il 22 agosto 2017 (archivià dal URL orizenałe il 22 agosto 2017).
↑ Fiat Croma (1985-97)automoto.it. Entrada il 22 agosto 2017 (archivià dal URL orizenałe il 22 agosto 2017).

Altri projeti

Wikimedia Commons el detien imàjini o altri file so Fiat Croma
Scholia el detien schemi gràfeghi so Fiat Croma

[1] Tom Tjaarda: un americano a Torinopanorama-auto.it, 15 agosto 2013. Entrada il 22 agosto 2017 (archivià dal URL orizenałe il 22 agosto 2017).

[2] Fiat Croma (1985 -1996)autoblog.it, 17 dicembre 2012. Entrada il 22 agosto 2017 (archivià dal URL orizenałe il 22 agosto 2017).

[omniauto-3] 1 2 Fiat Cromaomniauto.it, 6 agosto 2005. Entrada il 22 agosto 2017 (archivià dal URL orizenałe il 22 agosto 2017).

[4] Fiat Croma (1985-97)automoto.it. Entrada il 22 agosto 2017 (archivià dal URL orizenałe il 22 agosto 2017).

[1]

[2]

[3]

[4]