Festival de Sanremo 1967

Da Wikipedia, l'ençiclopedia libara.
bandieraItàliaProgramma Nazionale
Festival de Sanremo 1967
Ano 1967
Xenere musicałe
Edision
Puntade
Prexentator Mike Bongiorno e Renata Mauro

Ła XVII^ edixion del Festival de ła Canson Italiana ła se ga svolta al Sałon de łe Feste e al Teatro de l'Opera del Casinò muniçipałe[1][2] de Sanremo da xobia 26 de genajo a sabo 28 de genajo 1967[1][2][3] e ła xe stà condota da Mike Bongiorno co Renata Mauro[2][4]. Direttore artistico gera Gianni Ravera[1][2] el programa xe stà trasmeso in Eurovixion da ła Rai [1].

L'edixion ła xe stà vinta da ła canson Non pensare a me interpretà (in version separà) da Iva Zanicchi e Claudio Villa.[1][2][4][5] Uficiosamente, se ga clasificà rispetivamente al secondo e al terso posto Quando dico che ti amo, interpretà da Annarita Spinaci e Les Surfs, e Proposta, interpretà da i Giganti e The Bachelors.[1][4][5]

'Sta edixion chi ła xe stà funestà dal suicidio (o presunto tałe) del cantautore Luigi Tenco, uno dei artisti in gara, dopo l'eliminaxion del so' brano Ciao amore, ciao.[1][2][4][6][7][8][9][10]

Formuła[canbia | canbia el còdaxe]

A 'sta edixion del Festival ga parteçipà 58 cantanti/grupi[2], i brani in garia i gera 30[1][2][5] (che le gera 'stà sełexionà dal diretore artistico Gianni Ravera[1][5] da un grupo de 35 indicà da na comision[1][5]).

En ognuna de łe do serate eliminatorie, vigneva exeguìe 15 canson[5], ognuna de łe cuałi vigeva cantà da do interpreti difarenti[5]. I brani vigneva giudicà da 225 giurati[1][5], che i gera sudivixi in 15 sedi segrete[1][5] e che i doveva esprimere 6 prefarense[5]: 'sto voto cuałificava par ła finałe 6 canson par sera[5].

Tra łe nove canson escluse ghe un vigneva ripescà una, scelta da na comision de esperti formà da Gianni Ravera, Enrico Bertolini, Ugo Zatterin, Lino Procacci e Lello Bersani (sostituìo inte ła seconda serata da ła condutrice Renata Mauro).[5]

Inte ła serata finałe le giure le podeva esprimere na soła prefarensa.[5]

I brani in gara i gera aconpagnà senpre da ła stesa orchestra, direta da 25 maestri difarenti.[1]

Storia[canbia | canbia el còdaxe]

Prima serata[canbia | canbia el còdaxe]

El suicidio de Luigi Tenco[canbia | canbia el còdaxe]

Dopo l'eliminaxion de ła so' canson, Ciao amore ciao (un brano sul tema de l'emigraxion[6]), eliminaxion che gaveva scatenà un disidio inte ła comision de ripescagio, co el conseguente ritiro del giornałista Lello Bersani, el cantautore ventotenne Luigi Tenco se ritira inte ła so' stansa d'albergo, la nr. 219[1][9] de l'Hotel Savoy[1][6][10].

Un paro de ore dopo, el vien ritrovà, ormai privo de vita, co un colpo de pistoła a ła testa[9], da Dalida, conpagna del cantautore, nonché altra interprete di Ciao amore ciao.[6] Tra i primi a dare l'alarme ge xe el cantautore Lucio Dalla.[6]

Inte ła stansa, acanto al corpo de Tenco, vien rinvegnù un biglieto co su scrito łe seguenti parołe[6][9]:

(VEC)
«Mi go vosudo ben al publico italian
e ghe go dedicà çinque ani de ła me vita.
Faso 'sta roba no parché sia stufo de ła vita (tut'altro)
, ma come ato de protesta contro na giuria che ła manda inte ła finałe Io, tu e le rose
e na comision che sełexiona La rivoluzione.
Spero che el serva par s-ciarire le idee a cualchedun.
Ciao,
Luigi
»

El giornałista Lello Bersani comentarà el fato cusì[7]:

(VEC)
«Tenco co el so' gesto ga dà un s-ciafon al mondo
[…]'Sto gesto asurdo chi el condana tanta jente
, el condana tanti de nojaltri
»

Seconda serata[canbia | canbia el còdaxe]

Nonostante ła tragedia de Tenco, el Festival el va 'vanti.[8] El condutore Mike Bongiorno se limita a dire[8]:

(VEC)
«Purtropo, 'sta serata scumisia co un po' de mestisia
par el luto che ga colpìo el mondo de ła mùxica lejera
co ła sconparsa de un so' vałoroso esponente
»

Serata finałe[canbia | canbia el còdaxe]

Clasifica[1][5][canbia | canbia el còdaxe]

  1. Non pensare a me (Alberto Testa e Eros Sciorilli) Claudio Villa (Fonit-Cetra) - Iva Zanicchi (Ri-Fi) p. 45
  2. Quando dico che ti amo (Alberto Testa e Tony Renis) Annarita Spinaci (Interrecord) - Les Surfs (Festival) p. 43
  3. Proposta (Albula e Giordano Bruno Martelli) Giganti (Ri-Fi) - The Bachelors p. 28
  4. La musica ze finita (Nisa-Franco Califano-Umberto Bindi) Ornella Vanoni (Ariston Records) - Mario Guarnera p. 24
  5. Io, tu e le rose (Daniele Pace-Mario Panzeri-Mario Giacomo Gili-Luigi Barazzetti) Orietta Berti (Polydor) - Les Compagnons de la Chanson p. 15
  6. Bisogna saper perdere (Giuseppe Cassia-Ruggero Cini) Lucio Dalla - The Rokes p. 14
  7. Dove credi di andare (Sergio Endrigo) Sergio Endrigo (Fonit-Cetra) - Memo Remigi p. 12
  8. Pietre (Gian Pieretti-Ricky Gianco) Gian Pieretti - Antoine p. 11
  9. L'immensità (Don Backy-Mogol-Detto Mariano) Johnny Dorelli (CGD) - Don Backy (Clan Celentano) p. 9
  10. Cuore matto (Armando Ambrosino-Totò Savio) Little Tony (Durium) - Mario Zelinotti p. 8
  11. Io par amore (Pino Donaggio-Gino Paoli-Vito Pallavicini) Pino Donaggio - Carmen Villani p. 5
  12. Par vedere quant'è grande il mondo (Mogol-Carlo Donida) Wilma Goich (Dischi Ricordi) - The Bachelors p. 5
  13. E allora dai (Giorgio Gaber) Giorgio Gaber - Remo Germani p. 3
  14. La rivoluzione (Mogol-Roberto Soffici) Gianni Pettenati (Fonit-Cetra) - Gene Pitney p. 3

Note[canbia | canbia el còdaxe]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 cfr. Festival di Sanremo 1967 su Festival.Viva Sanremo
  2. 2,0 2,1 2,2 2,3 2,4 2,5 2,6 2,7 cfr. Anselmi, Eddy, Festival di Sanremo. Almanacco illustrato della Canzone Italiana, Panini, Modena, p. 179
  3. cfr. Anselmi, Eddy, op. cit., pp. 184-186
  4. 4,0 4,1 4,2 4,3 cfr. Sanremo 1967 su Sanremo Rai
  5. 5,00 5,01 5,02 5,03 5,04 5,05 5,06 5,07 5,08 5,09 5,10 5,11 5,12 5,13 cfr. Anselmi, Eddy, op. cit., p. 180
  6. 6,0 6,1 6,2 6,3 6,4 6,5 cfr. Anselmi, Eddy, op. cit., p. 181
  7. 7,0 7,1 cfr. Anselmi, Eddy, op. cit., p. 182
  8. 8,0 8,1 8,2 cfr. Anselmi, Eddy, op. cit., p. 185
  9. 9,0 9,1 9,2 9,3 cfr. Biografia di Luigi Tenco su Onda Rock
  10. 10,0 10,1 cfr. Luigi Tenco su Biografie Online

Linganbi foresti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Festival_de_Sanremo_1967&oldid=1030654"