Estathé

Estathé, ła ze na marca de tè fredo prodota da l'azienda Ferrero, che'l se insarise inte ła fiłiera de łe bibite.

Prodoto

Inte'l 1972 nase Estathé a'l łimon, seguìo inte'l 1994 da cueło a'l pèrsego, inte'l 2002 da ła varsione deteinada a'l łimon, drioman anca a'l pèrsego, e inte'l 2008 da'l tè verde.

Inte'l 2014 A vien creà i gusti de EstaThé par l'istà ciamài «EstaThé Limited Edition»: menta, tropical e karkadè. Inte'l 2015 el gusto tropical el vien sostituìo da cueło naransa-lime e i tre gusti i vien redenominà «EstaThé Summer Edition». Inte l'autun 2015 A vien fora so'l marcà łe nove variante de Estathè denominàe «Fruit», co i gusti pero-ùa e Arancia Passion (fruto de ła pasion).

Inte'l 2016 A vien fora Estathé Ice, na varsion de Estathé giasà che ła dòpara ła formuła za sparimentada da n'altro prodoto Ferrero, el "Gran Soleil". Inte'l 2017 A vien fora Estathé Zero, varsion sensa sùcaro, co'l dòparo de estrato de stevia cofà dolsifegante. Inte'l 2018 A vien fora EstaThé verde Bio.

L'Estathé el ze clasegamente vendùo inte un goto de plàstega da 20 cl, co na menbrana izołante da zbuzar co ła canucia prima de bévar. El se cata anca in łatine da 33 cl e in bose da 40 cl o 1.50 l. A ghe ze anca vazeti conbinài co Estathé a'l łimon (in Fransa a'l pèrsego), Nutella e gresini.

Estathé el ze stà, fin a'l 2013, sponsor ofisiałe de'l Giro d'Italia.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Estathé

Łinganbi foresti

• Sito ufisałeestathe.it.