Emilio De Bono

Da Wikipedia, l'ençiclopedia libara.

Emilio De Bono (Cassano d'Adda, 1866Verona, 1944) xe stà un [[miłitare |miłitare]], [[generałe (exercito) |generałe]] e [[połitego |połitego]] [[Itàłia |itałian]].


El ga studià a l'academia militar e intel 1912 el ga tolto parte con sucesso a ła Guera Itało-Turca. Promoso cołoneło dei Bersajeri, el xe stà pluridecorà inte ła Prima guera mondiałe: sta esperienza belica la ga ispirà la cełebre canzon "Monte Grappa, tu sei la mia patria" che intel 1918 la xe stà mesa in musica da Antonio Meneghetti

L'adexion al fasismo[canbia | canbia el còdaxe]

Finìa la Grande Guera el ga aderìo al fasismo, e, pur rifiutando el squadrismo, el ga guidà la Marcia su Roma de łe camixe nere e poco dopo la nasita del Goerno Mussolini, el ga asunto le cariche de diretor xenerałe de ła Publica Sicureza e de primo comandante de ła Milizia. Dopo che el xe stà acusà de ła morte del deputato soçialista Giacomo Matteotti el xe stà procesà (e quindi ghè tocà rinunçiar a tuti i soi incareghi) ma el xe stà anca clamorosamente asolto.

Emilio De Bono e la nomina de Cesare Mori come Prefeto de Palermo[canbia | canbia el còdaxe]

Emilio De Bono el ga sugerìo a Benito Mussolini chi el sarìe dovù essar el Prefeto de Fero de Palermo: Cesare Mori. De Bono el ga avixà Mussolini che Mori el gavea un «difeto»: no el savea gnente de pułìtega e el xera un monarchico antifasista. Mussolini el ga risposto indrio a De Bono: «Mi no vujo un poitico ma un militar; vujo che el sia cusì duro co i latitanti de Palermo cusì come el xe stà co i mei squadristi a Bologna».[1]

El Goerno de ła Tripolitania, el Ministero de łe Cołonie, la nomina de Maresiało e la sostituzion de De Bono con Badoglio[canbia | canbia el còdaxe]

Goernador de ła Tripolitania dal 1925 al 1928, intel 1929 Benito Mussolini el lo gà nominà Ministro de łe Cołonie, tegnéndoghe parò sconti i soi intrighi pułìteghi. Comandante de łe trupe italiane durante le prime fasi de ła Guera d'Etiopia, el gà asunto na tàtica prudente e par questo el xe stà sostituido da Mussolini con Pietro Badoglio. Prima de ła sostituzion el gavea conquistà Massaua e el gera rivà a łe porte de Adua: in quel stesso dì el xe stà nominà Maressało d'Italia, par na mossa propagandistica del revanscismo fasista.

L'oposizion a la Seconda Guera Mondiale[canbia | canbia el còdaxe]

Ispetore de łe trupe d'oltremar intel 1939 e dopo comandante de łe Armate Sud, el se ga oposto a l'ingresso italian inte ła seconda guera mondiałe. Menbro del Gran Consejo del Fasismo, el 25 lujo 1943 el ga votà in favore de ła sfiducia a Mussolini. El xe stà ciapà da łe trupe de ła neonada Repubblica Sociale Italiana e el xe stà condanà a morte par alto tradimento e giustizià dopo el proceso de Verona l'11 genaro del 1944.

Onorificenze[canbia | canbia el còdaxe]

Cavajere de Gran Croce Ordine militare de Italia, 19 dzugno 1936

Note[canbia | canbia el còdaxe]

  1. Il Prefetto di Ferro, Arrigo Petacco


Varda anca[canbia | canbia el còdaxe]


Controło de autoritàVIAF (EN46799121 · ISNI (EN0000 0001 0895 7526 · El vałore RAVV080003 de SBN no el xe mija bon. · LCCN (ENnr91020876 · GND (DE118925628 · BNF (FRcb12154992k (data) · BNE (ESXX1343215 (data) · BAV ADV10137800 · WorldCat Identities (ENnr91-020876
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Emilio_De_Bono&oldid=1159832"